ଦିନଥିଲା ମହିଳାମାନେ ଘର କୋଣରେ ରହି ଘରକାମ କରୁଥିଲେ । ହେଲେ ଆଜି ଆଉ ନାହିଁ ସେହି ପୁରୁଣା ଦିନ । ଆଜିର ଯୁଗରେ ମହିଳାମାନେ ମଧ୍ୟ ଦେଶ ବିଦେଶରେ ସୁନାମ ଅର୍ଜନ କରୁଥିବା ବେଳେ ଗାଁ ଗହଳିର ମହିଳା ମାନେ ମଧ୍ୟ ହୋଇପାରିଲେଣି ରୋଜଗାରକ୍ଷମ । ଠିକ ସେହିଭଳି ଗଞ୍ଜାମ ଜିଲ୍ଲା ଶେରଗଡ ବ୍ଲକ ଖମାର ଗ୍ରାମର ମାତୃଶକ୍ତି ଟେଲରିଂ ୟୁନିଟ୍ ମହିଳା ଗୃପର ସଦସ୍ୟମାନେ ଗ୍ରାମ୍ୟ ଶିଳ୍ପ ପାର୍କ କ୍ଲଷ୍ଟର ମାଧ୍ୟମରେ ଟେଲରିଂ ମେସିନ ପାଇଁ ବେଶ ରୋଜଗାରକ୍ଷମ ହୋଇପାରିଛନ୍ତି ।
ଶେରଗଡ ବ୍ଲକର ଖମାର ଗ୍ରାମ । ଏହି ଗ୍ରାମରେ ଥିବା ମାତୃଶକ୍ତି ଟେଲରିଂ ମହିଳା ଗୃପର ସଦସ୍ୟମାନେ ଆଜି ହୋଇପାରିଛନ୍ତି ବେଶ ରୋଜଗାରକ୍ଷମ । ସେମାନେ ବି ଦିନେ ନିଜ ନିଜ ଘରେ ପୁରାତନ ଟେଲରିଂ ମେସିନ ଟିଏ ରଖି କାଁ ଭାଁ ସିଲେଇ କରି ଚଳିଆସୁଥିଲେ । ଅଧିକ ସମୟ ଲାଗୁଥିଲେ ମଧ୍ୟ କମ୍ କାମ ସହ ପାରିଶ୍ରମିକ ମଧ୍ୟ କମ୍ ହେଉଥିଲା ହେଲେ ରାଜ୍ୟ ସରକାରଙ୍କ ସହଯୋଗରେ ମିଶନ ଶକ୍ତି ମାଧ୍ୟମରେ ମାତୃଶକ୍ତି ଟେଲରିଂ ମହିଳା ଗୃପର ୪୦ ଜଣ ସଦସ୍ୟଙ୍କୁ ବିଦ୍ୟୁତ୍ ଚାଳିତ ଟେଲରିଂ ମେସିନ ଦେବା ସହ ପ୍ରଶିକ୍ଷଣ ଦିଆଯାଇଥିଲା । ଯାହାକି ଏବେ ଏହି ମହିଳା ଗୃପର ସଦସ୍ୟମାନେ ରାଜ୍ୟ ସରକାରଙ୍କ ନବ ନିର୍ମିତ ମିଶନ ଶକ୍ତି କୋଠାର ଛାତ ତଳେ ବିଭିନ୍ନ ଶିକ୍ଷା ଅନୁଷ୍ଠାନର ପ୍ୟାଣ୍ଟ, ସାର୍ଟ ସିଲେଇ କରି ବେଶ ରୋଜଗାରକ୍ଷମ ହୋଇପାରିଛନ୍ତି ।
ଖାଲି ସେତିକି ନୁହଁ । ଏଠାରେ ଏହି ମାତୃଶକ୍ତି ଟେଲରିଂ ମହିଳା ଗୃପର ସଦସ୍ୟମାନେ ଅର୍ଡର ଅନୁଯାଇ ମଧ୍ୟ ଭଳିକି ଭଳି ପୋଷାକ ସିଲେଇ କରିବାରେ ବେଶ ମାହିର । ଏଥିସହ ପ୍ରତିଟି ସମୟରେ ମିଶନ ଶକ୍ତି ମଧ୍ୟ ଏମାନଙ୍କୁ ସାହାଯ୍ୟ ଯୋଗାଇ ଦେଉଥିବା ବେଳେ ସେହି ଦିନର ଚଳଣି ସମସ୍ୟା ଏବେ ଆଉ ନଥିବା କୁହନ୍ତି ମାତୃଶକ୍ତି ଟେଇଲରିଂ ମହିଳା ଗୃପର ସଦସ୍ୟମାନେ । ତେବେ ଏମାନଙ୍କ ପାଇଁ ଆହୁରି ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦେବା ପାଇଁ ଶେରଗଡ ବ୍ଲକ ପ୍ରଶାସନ ଉଦ୍ୟମ ଜାରି ରଖିଥିବା କହିଛନ୍ତି ବ୍ଲକ ପ୍ରୋଜେକ୍ଟ ମ୍ୟାନେଜର । ତେବେ ସତରେ ମାତୃଶକ୍ତି ଟେଲରିଂ ମହିଳା ଗୃପର ସଦସ୍ୟମାନେ ଅନ୍ୟମାନଙ୍କ ପାଇଁ ଏକ ଉଦାହରଣ ପାଲଟିଛନ୍ତି ।
ମଧ୍ୟପ୍ରଦେଶର ଛିନ୍ଦଓ୍ଵାଡା ଜିଲ୍ଲାରେ ବୀଭତ୍ସ ହତ୍ୟାକାଣ୍ଡ । ଟାଙ୍ଗିଆରେ ହାଣି ୮ ଜଣଙ୍କୁ ହତ୍ୟା କରିବା ପରେ ନିଜେ ଆତ୍ମହତ୍ୟା…
ଆପଣମାନେ ତ ଜାଣିଥିବେ ମିଠା ଖାଇବା ପାଇଁ ଲୋକଙ୍କ ଇଚ୍ଛା କୌଣସି ସମୟରେ ମଧ୍ୟ ହୋଇପାରେ । ତେବେ ଯେତେବେଳେ…
ଅରବିନ୍ଦ କେଜ୍ରିଓ୍ଵାଲଙ୍କୁ ସୁପ୍ରିମକୋର୍ଟଙ୍କ ଝଟକା ଲାଗିଛି । କେଜ୍ରିଓ୍ଵାଲ କରିଥିବା ଜାମିନ ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ପୂର୍ବ…
ମାଲକାନଗିରି (କେନ୍ୟୁଜ): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାର ବର୍ଧେପାରା ଜଙ୍ଗଲରେ ପୋଲିସ ମାଓବାଦୀ ମଧ୍ୟରେ ଗୁଳିବିନିମୟ ।…
ଆନନ୍ଦପୁର(କେନ୍ୟୁଜ୍): ମୂର୍ତ୍ତି ତିଆରିରେ ଲାଗିଛନ୍ତି କାରିଗର । ନିଜର ହାତର ସ୍ପର୍ଶରେ ମାଟିର ମୂର୍ତ୍ତିକୁ ଦେଉଛନ୍ତି ଜୀବନ୍ତ ରୂପ ।…
ଆସୁଛି ଓ୍ଵାନ୍ ପ୍ଲସର ଧମାକେଦାର ଫୋନ୍ । ଯଦି ଆପଣ ଓ୍ଵାନପ୍ଲସ୍ ଲଭର୍ ତାହେଲେ ଆପଣଙ୍କ ପାଇଁ ଖୁସି ଖବର…