ଭଦ୍ରକ (କେନ୍ୟୁଜ): ଭଦ୍ରକ ଜିଲ୍ଲା ତିହିଡି ଥାନା ତାଳପଦା ପଞ୍ଚାୟତ ଅଧିନ ଚବିଶପ୍ରହରୀ ନିକଟସ୍ଥ ଜନୈକା ମହିଳାଙ୍କୁ ସୁପରିକଳ୍ପିତ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି। ଏହି ହତ୍ୟାକାଣ୍ଡରେ ମୃତାଙ୍କ ସ୍ୱାମୀ ସମେତ ଦିର୍ଘ ବର୍ଷ ଧରି ଉକ୍ତ ପରିବାର ମଧ୍ୟରେ ରହୁଥିବା ବିବାହିତା ନଣଦଙ୍କ ସହ ତାଙ୍କର ଦୁଇ ପୁଅ ଏବଂ ଶାଶୁ ଓ ଶ୍ୱଶୁର ସଂପୃକ୍ତି ଥିବାନେଇ ଅଭିଯୋଗ ହୋଇଛି । ତେବେ ମୃତାଙ୍କ ବାପ ଘର ଲୋକେ ଶବ ରହିଥିବା ତିହିଡି ମେଡିକାଲରେ ପହଂଚି ଥାନାରେ ଅଭିଯୋଗ କରିଥିବା ବେଳେ ମୃତାଙ୍କ ନଣଦ ଓ ଶ୍ୱଶୁର ମେଡିକାଲରେ ଅଟକ ରହିଥିବା ଜଣାଯାଇଛି ।
ମୃତ ମହିଳା ଜଣଙ୍କ ହେଲେ ବିଜୟ ନାୟକଙ୍କ ସ୍ତ୍ରୀ ମୋନାଲିସା ନାୟକ ବୋଲି ଜଣାଯାଇଛି । ଗତ ୫ ବର୍ଷ ତଳେ ମୋନାଲିସା ବୈଦିକ ଋତିରେ ବିଜୟଙ୍କୁ ବିବାହ କରିଥିଲେ । ଇତିମଧ୍ୟରେ ମୋନାଲିସା ଗୋଟିଏ ପୁଅ ଓ ଗୋଟିଏ ଝିଅକୁ ଜନ୍ମ ଦେଇଛନ୍ତି । ବିଭିନ୍ନ ସମୟରେ ମୋନାଲିସାଙ୍କ ପ୍ରତି ଅକଥନୀୟ ମାନସିକ ଓ ଶାରିରୀକ ନିର୍ଯ୍ୟାତନା ଦିଆଯାଉଥିବା ବେଳେ ଶେଷରେ ତାଙ୍କ ଶଶୁର ଘର ଲୋକ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି।
ତେବେ ମୋନାଲିସାର ଶବ ତିହିଡି ମେଡିକାଲରେ ପଡିଥିବା ଖବର ପାଇଥିଲେ ମୃତାଙ୍କ ପରିବାର ଲୋକେ । ସେଠାରେ ଆସି ଦେଖନ୍ତି ତ ତାଙ୍କ ସ୍ୱାମୀ ନାହିଁ କେବଳ ବୃଦ୍ଧ ଶ୍ୱଶୁର ଶବ ପାଖରେ ବସିଛନ୍ତି । ଯାହାକୁ ନେଇ ଉତ୍ତେଜନା ପ୍ରକାଶ ପାଇଥିଲା । କିଛି ସମୟ ପରେ ମେଡିକାଲରୁ ମୃତାଙ୍କ ନଣଦ ଘରକୁ ଫେରୁଥିବା ବେଳେ ତାଙ୍କୁ ବାଟରୁ ଧରି ଆଣି ମେଡିକାଲରେ ବସାଇଥିଲେ । ପୋଲିସ ମେଡିକାଲରେ ପହଂଚି ଶବକୁ ଜବତ କରିବା ସହିତ ତଦନ୍ତ ଆରମ୍ଭ କରିଛି ।
ରାୟଗଡ଼ା(କେନ୍ୟୁଜ): କଳକାରଖାନା ଭରା ରାୟଗଡା ଜିଲ୍ଲାରେ ସ୍ଥାନୀୟ ଶ୍ରମିକଙ୍କୁ ମିଳୁନି କାରଖାନାରେ କାମ l ଗୁଜୁରାଣ ମେଣ୍ଟେଇବାକୁ ଅନେକ ଶ୍ରମିକ…
ନୂଆଦିଲ୍ଲୀ : ସରକାର ଗଠନ ପୂର୍ବରୁ ଏନଡିଏ ବୈଠକ । ପାର୍ଲ୍ୟାମେଣ୍ଟ ସେଣ୍ଟ୍ରାଲ ହଲରେ ବୈଠକ ଚାଲିଛି । ଏନଡିଏର…
ମାନହାନି ମାମଲାରେ କଂଗ୍ରେସ ନେତା ରାହୁଲ ଗାନ୍ଧି ବେଙ୍ଗାଲୁରୁର ସ୍ୱତନ୍ତ୍ର କୋର୍ଟରୁ ଜାମିନ ପାଇଛନ୍ତି । ଏହି ମାମଲା ଗତ…
ନୂଆଦିଲ୍ଲୀ : ସୁଧ ହାର ଅପରିବର୍ତ୍ତିତ ରଖିଲା RBI । ଅଷ୍ଟମ ଥର ପାଇଁ ସୁଧ ହାର ଅପରିବର୍ତ୍ତିତ ରଖିଛନ୍ତି…
ଯଦି ଆପଣ iOS ଅର୍ଥାତ୍ ଆଇଫୋନ୍ ବ୍ୟବହାର କରୁଛନ୍ତି ତେବେ ଆପଣଙ୍କ ପାଇଁ ଆସିଛି ଖୁସି ଖବର । ଗୁଗଲ୍…
ପୁରୀ (କେନ୍ୟୁଜ): ଜୁଲାଇ ୭ରେ ମହାପ୍ରଭୁଙ୍କ ବିଶ୍ବପ୍ରସିଦ୍ଧ ରଥଯାତ୍ରା । ରଥଯାତ୍ରା ଯେତିକି ନିକଟତର ହେଉଛି ସେତିକି ଚଳଚଞ୍ଚଳ ହେଉଛି…