ବାଲେଶ୍ୱର(କେନ୍ୟୁଜ୍) : କଥାରେ ଅଛି ଚୋର ଘର ସବୁବେଳେ ଅନ୍ଧାର ନୁହେଁ । କେବେ ନା କେବେ ଆଲୁଅ ଜଳିବ । ଆଉ ତା’ପରେ ଯାହା ହେବ କାହାକୁ ଅଜଣା ନୁହେଁ । ଏମିତି ଏକ ଚୋରି ଘଟଣାରେ ଧରା ପଡ଼ିବା ପରେ ଉତ୍ତମ ମଧ୍ୟମ ମିଳିଛି ଜଣେ ଯୁବକକୁ ।
ଏହି ଘଟଣା ବାଲେଶ୍ୱର ଖନ୍ତାପଡ଼ା ଥାନା ଶଠୀ ନିକଟରେ ଦେଖିବାକୁ ମିଳିଛି । ସୂଚନା ଅନୁସାରେ ଆଜି ଜାତୀୟ ରାଜପଥ କଡ ସମାଜ ଅଫିସ ନିକଟରୁ ଏକ ସ୍କୁଟି ଚୋରି ହୋଇଥିଲା । ସ୍କୁଟି ଟିକୁ ଚୋର ନେବା ବେଳେ ଅଧା ବାଟରେ ସ୍କୁଟି ଟି ଖରାପ ହୋଇଯାଇଥିଲା ।
ଅନ୍ୟ ଉପାୟ ନ ପାଇ ଚୋର ସ୍କୁଟି କୁ ସଜାଡୁ ଥିଲା । ଏହି ସମୟରେ କିଛି ସ୍ଥାନୀୟ ଲୋକ ସାହାଯ୍ୟ କରିବାକୁ ଆଗେଇ ଆସିଥିଲେ । ହେଲେ ଫଳ ହେଲା ଓଲଟା । ଲୋକେ ଚୋରର ହାବ ଭାବ ଓ କଥା ବଦଳାଇବା ଦେଖି ସନ୍ଦେହ କରିଥିଲେ ।
ଫଳରେ ଚୋର ସ୍କୁଟି ଛାଡି ଦୈାଡ଼ିବାକୁ ଲାଗିଥିଲା । ସ୍ଥାନୀୟ ଲୋକେ ଗୋଡ଼ାଇ ଗୋଡ଼ାଇ ଚୋରଟିକୁ କାବୁ କରିଥିଲେ । ଚୋରକୁ ଲୋକେ ନିର୍ଦ୍ଧୁମ ପିଟିବା ପରେ ବାନ୍ଧି ପକାଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଚୋରକୁ ଉଦ୍ଧାର କରିବା ସହ ତଦନ୍ତ ଜାରି ରଖିଛି ।
ଆଳି : ହୁତୁ ହୁତୁ ହୋଇ ଜଳିଗଲା ୪ବଖରା ଘର । କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ବଡ଼ମାନପୁର…
ପ୍ରତିଦିନ ସୋସିଆଲ ମିଡିଆରେ ମଜାଳିଆ ଭିଡିଓ ଦେଖିବାକୁ ମିଳିଥାଏ । ସେଠାରେ ଅନେକ ଭିଡିଓ ଅଛି, ଯାହାକୁ ଆପଣ ଯେତେଥର…
ସ୍ମାର୍ଟଫୋନ୍ ବଜାରରେ ପ୍ରତିଦିନ ନୂଆ ସ୍ମାର୍ଟଫୋନ୍ ଲଞ୍ଚ କରାଯାଏ । ଏହି ଧାରା ଜୁନ୍ ମାସରେ ମଧ୍ୟ ଜାରି ରହିଛି…
ର୍ୟାପର ବାଦଶାହ ସାରା ବିଶ୍ୱରେ ଅନେକ ନାମ ଅର୍ଜନ କରିଛନ୍ତି । କେବଳ ଏତିକି ନୁହେଁ, ସେ ମ୍ୟୁଜିକ୍ ଇଣ୍ଡଷ୍ଟ୍ରୀରେ…
କଂଗ୍ରେସ ନେତା ରାହୁଲ ଗାନ୍ଧି ଇଭିଏମ୍କୁ ନେଇ ପ୍ରଶ୍ନ ଉଠାଇଛନ୍ତି । ଏହା ଭାରତର ଏକ ବ୍ଲାକ୍ ବକ୍ସ ବୋଲି…
ତାଳଚେର : କବାଟ ତାଡ଼ି ସୁନା ଲୁଟିନେଲେ ଦୁର୍ବୃତ୍ତ । ତାଳଚେର ବାଘମରାଠାରେ ହୋଇଛି ଏହି ଚୋରି । ଘରେ…