ଭୁବନେଶ୍ୱର (କେନ୍ୟୁଜ୍): ଚୋରି କରିବକୁ ଆସି ଚାଲିଗଲା ଜୀବନ। ଘଟଣା ଘଟିଛି ଭୁବନେଶ୍ୱର ନୟାପଲ୍ଲୀ ଥାନା ଅଞ୍ଚଳରେ । ପୋଲିସ ସୂଚନା ମୁତାବକ ଗତ ୨୨ ତାରିଖରେ ନୟାପଲ୍ଲୀ ଥନାକୁ ଜଣେ କେହି ଫୋନକରି N-4 ପ୍ଲଟ ନଂ-୨୮ ନିକଟରେ ଜଣେ ଯୁବକ ଗୁରୁତର ଅବସ୍ଥାରେ ପଡିରହିଥିବାର ଖବର ମିଳିଥିଲା । ଖବର ପାଇ ଥାନ ଅଧିକାରୀ ଘଟଣା ସ୍ଥଳରେ ପହଞ୍ଚି ଯୁବକଙ୍କୁ ଉଦ୍ଧାରକରି କ୍ୟାପିଟାଲ ହସ୍ପିଟଲରେ ଆଡମିଟ କରିଥିଲେ। ପରେ ସେଠାରୁ ଯୁବକଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିଲା। କିନ୍ତୁ ଆଜି ସେହି ଯୁବକଙ୍କର ମୃତ୍ୟୁ ଘଟିଛି। ଯୁବକ ଜଣକୁ ଗୁରୁତର ଅବସ୍ଥାରେ ପୋଲିସ ଉଦ୍ଧାର କରିବା ପରେ ପରେ N-4 ପ୍ଲଟ ନଂ-୨୮ ମାଲିକ ନୟାପଲ୍ଲୀ ଥନାରେ ଏକ ଅଭିଯୋଗ କରିଥିଲେ। ଅଭିଯୋଗରେ ଲେଖାଥିଲା ଯେ ଗୁରୁତର ହୋଇଥିବା ଯୁବକ ଜଣକ ଏକ ଚୋର ଓ ସେ ଚୋରି କରିବା ପାଇଁ ତାଙ୍କ ଛାତ ଉପରେ ଚଢିଥିଲେ । କେବଳ ସେ ଜଣେ ନୁହେଁ ସାଙ୍ଗରେ ଆଉ ଦୁଇଜଣ ଯୁବକ ଥିଲେ କିନ୍ତୁ ଏହି ଯୁବକ ଜଣକ ଛାତରୁ ପଡିବା ପରେ ସେମାନେ ସେଠାରୁ ଦୌଡି ପଳାଇଥିଲେ। ପୋଲିସ ଘର ମାଲିକର ଅଭିଯୋଗକୁ ଭିତ୍ତି କରି ତଦନ୍ତ ଚଳାଇଲା। ପରେ ଜାଣିବାକୁ ପାଇଲା ଗୁରୁତର ଆହତ ହୋଇଥିବା ଯୁବକଙ୍କ ନାମ ହରିକୃଷ୍ଣ ମଲ୍ଲିକ ଓ ସେ ଭୁବନେଶ୍ବରର ସାଲିଆ ସାହିରେ ରୁହନ୍ତି। ହରିକୃଷ୍ଣଙ୍କ ନାମରେ ପୂର୍ବରୁ ଅନେକ ଛିନତାଇ କେସ ରହିଥିବାର ପୋଲିସ ଠାରୁ ସୂଚନା ମିଳିଛି।
ସେପଟେ ହରିକୃଷ୍ଣ ଙ୍କ ଘରର ଏକ ମାତ୍ର ରୋଜଗାରିଆ ପୁଅ ଥିଲେ । ତାଙ୍କର ଗୋଟିଏ ଭଉଣୀ ରହିଥିବା ବେଳେ ତାଙ୍କ ବାପାଙ୍କର ଦେହାନ୍ତ ହୋଇଛି। ଏବେ ପୁଅକୁ ହରାଇ ଘର କେମିତି ଚଳାଇବି ବୋଲି ହରିକଷ୍ଣର ମା କହିଛନ୍ତି। ଏହା ସହିତ ତାଙ୍କ ପୁଅ କୌଣସି ଚୋରି କାମରେ ସମ୍ପୃକ୍ତ ହୋଇନଥିବା ଓ ତାକୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି।।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…