ଟାଙ୍ଗୀ (କେନ୍ୟୁଜ୍) : ତାଗିଦ ପରେ ଏବେ କାର୍ଯ୍ୟାନୁଷ୍ଠାନ । ଗାଡ଼ି ମଟର ଯାଞ୍ଚ ବେଳେ ଜଣେ ନାବାଳକ ବାଇକ୍ ଚାଳକକୁ ଲାଗିଛି ୩୦ ହଜାର ଟଙ୍କାର ଫାଇନ୍ । ଖୋର୍ଦ୍ଧା ଜିଲ୍ଲା ଅଧୀନ କୁହୁଡି ଫାଣ୍ଡି ପୋଲିସ୍ ଓ ଭୁବନେଶ୍ୱର ଏମଭିଆଇ ମିଳିତ ଯାଞ୍ଚ ବେଳେ ଏହି ଘଟଣା ଘଟିଛି । ଯାଞ୍ଚ ଅଧିକାରୀଙ୍କ କବଜାରେ ଧରା ପଡିଥିଲା ଜଣେ ନାବାଳକ ବାଇକ୍ ଚାଳକ ଜଣକ l ତେଣୁ ତାକୁ ତାଗିଦ କରାଯିବା ସହ ୩୦ ହଜାର ଟଙ୍କାର ଫାଇନ୍ କଟାଯାଇଛି ।
ଏହି ଅଞ୍ଚଳରେ ପ୍ରଥମ ଥର ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏଠାରେ ସୂଚନା ଯୋଗ୍ୟ ଯେ ଏମଭିଆଇ ଭୁବନେଶ୍ୱର ଓ କୁହୁଡି ଫାଣ୍ଡି ପୋଲିସ ମିଳିତ ଭାବେ ଗାଡି ମୋଟର ଯାଞ୍ଚ ଚଳାଇଛନ୍ତି । ଏହି ସମୟରେ ସେମାନଙ୍କ ହାବୁଡ଼ରେ ପଡ଼ିଥିଲା ଜଣେ ୧୫ ବର୍ଷର ନାବାଳକ । ଏକ ଗ୍ଳାମର ମଟର ସାଇକେଲ ସେ ଚଳାଉଥିଲା । ତେଣୁ ତାକୁ ଅର୍ଥଦଣ୍ଡ ଦିଆଯିବା ସହ ତାର ବାପା ମା’ଙ୍କୁ ମଧ୍ୟ ଚେତାବନୀ ଦିଆଯାଇଛି ।
ଏ ସମ୍ପର୍କରେ କୁହୁଡି ଫାଣ୍ଡି ଅଧିକାରୀ ନିରଞ୍ଜନ ରାଉତ ସୂଚନା ଦେଇଛନ୍ତି l ମୋଟର ଯାନ ଅଧିନିୟମ ଧାରା ୧୮୦ ଅନୁଯାୟୀ ଚାଳକଙ୍କ ଡ୍ରାଇଭିଙ୍ଗ ଲାଇସେନ୍ସ ନଥିବାରୁ ୫ ହଜାର ଟଙ୍କା ଏବଂ ଧାରା ୧୯୯ କ(୨) ଅନୁଯାୟୀ ଗାଡ଼ି ଚାଳକ ନାବାଳକ ହୋଇଥିବାରୁ ୨୫ ହଜାର ଟଙ୍କା ଫାଇନ ପଡ଼ିଛି ଗାଡ଼ି ମାଲିକଙ୍କୁ l ଏହି ଖବରକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । ଆଗାମୀ ଦିନରେ ଏହି ଯାଞ୍ଚ ପ୍ରକ୍ରିୟା ଗ୍ରାମାଞ୍ଚଳରେ ଜାରି ରଖିବାକୁ ଯାଞ୍ଚ ଅଧିକାରୀ କହିଛନ୍ତି ।
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…