ଭୁବନେଶ୍ୱର (କେନ୍ୟୁଜ୍): ଓଡ଼ିଶାର ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ବିଜ୍ଞପ୍ତି ଜାରି। ବ୍ରହ୍ମପୁର, ନବରଙ୍ଗପୁର, କୋରପୁଟ ଓ କଳାହାଣ୍ଡି ସଂସଦୀୟ କ୍ଷେତ୍ରରେ ପ୍ରଥମ ପର୍ଯ୍ୟାୟରେ ହେବ ନିର୍ବାଚନ । ଗତକାଲି ଠାରୁ ଆରମ୍ଭ ହୋଇଛି ପ୍ରାର୍ଥିପତ୍ର ଦାଖଲ । ବ୍ରହ୍ମପୁର ଲୋକସଭା ଆସନରେ ଲଢୁଛନ୍ତି ବିଜେଡିରୁ ଭୃଗୁ ବକ୍ସିପାତ୍ର, ବିଜେପିରୁ ପ୍ରଦୀପ ପାଣିଗ୍ରାହୀ ଓ କଂଗ୍ରେସର ରଶ୍ମିରଞ୍ଜନ ପଟ୍ଟନାୟକ। ସେହିପରି କଳାହାଣ୍ଡି ଲୋକସଭା ଆସନରେ ବିଜେଡିର ଲମ୍ବୋଦର ନିଆଲ, ବିଜେପିର ମାଳବିକା କେଶରୀ ଦେଓ ଏବଂ କଂଗ୍ରେସରୁ ଦ୍ରୌପଦୀ ମାଝୀ ପ୍ରାର୍ଥୀ ହୋଇଛନ୍ତି ।
କୋରାପୁଟ ଲୋକସଭା ଆସନରେ ବିଜେଡିର କୌଶଲ୍ୟା ହିକକା ଲଢୁଥିବା ବେଳେ ବିଜେପିରୁ କାଳୁରାମ ମାଝୀ ଓ କଂଗ୍ରେସରୁ ସପ୍ତଗିରି ଉଲ୍ଲାକା ମଇଦାନକୁ ଓହ୍ଲାଇଛନ୍ତି । ସେହିପରି ନବରଙ୍ଗପୁର ଲୋକସଭା ଆସନରୁ ବିଜେଡିରୁ ପ୍ରଦୀପ ମାଝୀଙ୍କ ସହ ବିଜେପିର ବଳଭଦ୍ର ମାଝୀ ଓ କଂଗ୍ରେସର ଭୁଜବଳ ମାଝୀଙ୍କ ଟକ୍କର ହେବ । ଗତ ୨୦୧୯ ନିର୍ବାଚନରେ ବ୍ରହ୍ମପୁର ଓ ନବରଙ୍ଗପୁର ଲୋକସଭା ଆସନରେ ବିଜେଡି ଜିତିଥିବା ବେଳେ କଳାହାଣ୍ଡିରେ ବିଜେପି ଓ କୋରାପୁଟ ଲୋକସଭା ଆସନରେ କଂଗ୍ରେସ ଜିତିଥିଲା । ଏହି ଚାରୋଟି ସଂସଦୀୟ କ୍ଷେତ୍ର ଅଧୀନ ୨୮ ବିଧାନସଭା ଆସନରୁ ଗତଥର ୨୧ଟି ଆସନ ବିଜେଡି ଜିତିଥିଲା । ବିଜେପି ଚାରିଟି ଓ କଂଗ୍ରେସ ୩ଟି ଆସନରେ ବିଜୟୀ ହୋଇଥିଲେ ।
ଏଥର ୨୮ଟି ବିଧାନସଭା ଆସନ ମଧ୍ୟରୁ ୮ଟିରେ ହେବ ହେଭିୱେଟ୍ ଲଢେଇ । ନୂଆପଡ଼ା ବିଧାନସଭା ଆସନରେ ପିସିସି ସଭାପତି ଶରତ ପଟ୍ଟନାୟକ ଭାଗ୍ୟ ପରୀକ୍ଷା କରୁଛନ୍ତି । ବିଜେଡିରୁ ମନ୍ତ୍ରୀ ରାଜେନ୍ଦ୍ର ଢୋଲକିଆ ପୁଣି ଲଢୁଥିବା ବେଳେ ବିଜେପିରୁ ପ୍ରାର୍ଥୀ ହୋଇଛନ୍ତି ସାଂସଦ ବସନ୍ତ ପଣ୍ଡାଙ୍କ ପୁଅ ଅଭିନନ୍ଦନ । କଳାହାଣ୍ଡି ଲୋକସଭା କ୍ଷେତ୍ରର ନର୍ଲା ଆସନରୁ କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ଭକ୍ତ ଚରଣ ଦାସ ମଇଦାନକୁ ଓହ୍ଲାଇଛନ୍ତି ।
ବିଜେଡିରୁ ମନୋରମା ମହାନ୍ତି ଓ ବିଜେପିରୁ ଅନିରୁଦ୍ଧ ପ୍ରଧାନ ପ୍ରାର୍ଥୀ ହୋଇଛନ୍ତି। ଭବାନୀପାଟଣା ବିଧାନସଭା ଆସନରୁ ବିଜେପି ଟିକେଟରେ ପୁଣି ପ୍ରାର୍ଥୀ ହୋଇଛନ୍ତି ଭେଟରାନ ପ୍ରଦୀପ୍ତ ନାଏକ । ତାଙ୍କ ସହ ଲଢ଼ିବେ ବିଜେଡିର ଲଳିତା ନାଏକ, କଂଗ୍ରେସର ହେଭିୱେଟ ଭକ୍ତ ଦାସଙ୍କ ପୁଅ ସାଗର । ଧର୍ମଗଡ଼ ଆସନରେ ବିଜେଡିର ପୁଷ୍ପେନ୍ଦ୍ର ସିଂହଦେଓ, ବିଜେପିର ସୁଧୀର ପାଟଯୋଶୀ ଓ କଂଗ୍ରେସ ପ୍ରାର୍ଥୀ ରଶ୍ମିରେଖା ରାଉତ ମୁହାଁମୁହିଁ ହେବେ ।
ସେହିପରି ପାରଳାଖେମୁଣ୍ଡି ବିଧାନସଭା ଆସନରୁ କଂଗ୍ରେସର ବିଜୟ ପଟ୍ଟନାୟକଙ୍କ ସହ ବିଜେପି ବିଧାୟକ କେ. ନାରାୟଣ ରାଓ ଓ ବିଜେଡିର ରୂପେଶ ପାଣିଗ୍ରାହୀଙ୍କ ଟକ୍କର ହେବ । ଜୟପୁର ବିଧାନସଭା ଆସନରେଏଥର ତାରା-ରବି ଲଢ଼େଇ ବଦଳରେ କଂଗ୍ରେସର ତାରା ବାହିନୀପତିଙ୍କ ପାଇଁ ଚ୍ୟାଲେଞ୍ଜ ହେବେ ପୂର୍ବତନ ମନ୍ତ୍ରୀ ରବି ନନ୍ଦଙ୍କ ପତ୍ନୀ ଇନ୍ଦିରା ନନ୍ଦ । ତେଣୁ ପ୍ରଥମ ପର୍ଯ୍ୟାୟ ନିର୍ବାଚନରେ ହେଭିୱେଟ ଲଢୁଥିବା ଆସନ ଉପରେ ସାରା ରାଜ୍ୟର ନଜର ରହିବ।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…