କାକଟପୁର(କେନ୍ୟୁଜ): ଓଡ଼ିଶାର ପାରମ୍ପରିକ ପର୍ବ ରଜ । ଏଥିପାଇଁ ଗାଁ ଠାରୁ ସହର ସବୁଠାରେ ଖୁସିର ମାହୋଲ ଦେଖିବାକୁ ମିଳିଥିଲା । କର୍ମମୟ ଜଞ୍ଜାଳ ଭିତରୁ ଲୋକମାନେ ଟିକିଏ ଫୁରୁସତ ପାଇ ଏହି ରଜ ତିନି ଦିନକୁ ଖୁବ ଧୂମ ଧାମ ସହକାରେ ପାଳନ କରିଥାନ୍ତି।
ତେବେ ସହର ଠାରୁ ଗାଁର ରଜ ମଜା ଟିକେ ନିଆରା ଅନୁଭୂତି ଦେଇଥାଏ । ସେଥିପାଇଁ ରଜ ସମୟରେ ସହରୀ ଚାକଚକ୍ୟ ଭିତରେ ରହୁଥିବା ମଣିଷ ମାନେ ରଜ ପାଳନ କରିବାକୁ ଧାଇଁ ଆସନ୍ତି ଗାଁର ପରିବେଶକୁ । ଗତକାଲି ଥିଲା ରଜ ପର୍ବର ଶେଷ ଦିନ । ରଜର ଶେଷ ଦିନକୁ ଦିନକୁ ଭୂମିଦହନ ବା ଶେଷ ରଜ ଭାବରେ ଲୋକମାନେ ପାଳନ କରିଥାନ୍ତି । ଶେଷ ରଜରେ ପିଠା ପଣା ସାଙ୍ଗକୁ ବୁଲାବୁଲି କରିବାର ମଜା ନେଇଥାନ୍ତି ।
ତେବେ ଶେଷ ରଜରେ ଅସ୍ତରଙ୍ଗ ନିକଟ ପିର ଜାହାନିଆ ପର୍ଯ୍ୟଟନ ସ୍ଥଳୀରେ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଥିଲା । ବିଭିନ୍ନ ସ୍ଥାନରୁ ଆସିଥିବା ପର୍ଯ୍ୟଟକମାନେ ଝାଉଁ ଜଙ୍ଗଲରେ ବଣ ଭୋଜି କରିବା ସହିତ ସମୁଦ୍ରରେ ଗାଧୋଉଥିବା ଦେଖିବାକୁ ମିଳିଥିଲା ।
ରଜ ଅବସରରେ ପିକନିକ ମନାଇବା ପାଇଁ କଟକ ,ଭୁବନେଶ୍ୱର ,ପୁରୀ ଆଦି ଦୂର ଦୌରାନ୍ତରୁ ଲୋକମାନେ ଏହି ପିର ଜାହାନିଆ ପର୍ଯ୍ୟଟନ ସ୍ଥଳୀକୁ ଆସି ରଜ ପାଳନ କରିଥିବା ସହିତ ଏଠାର ପ୍ରାକୃତିକ ସୌନ୍ଦର୍ଯ୍ୟକୁ ଉପଭୋଗ କରିଥିଲେ । ଝାଉଁ ଜଙ୍ଗଲର ସବୁଜିମା ପରିବେଶ ଭିତରେ ବଣ ଭୋଜିର ନିଆରା ମଜାକୁ ଅନୁଭବ କରିଥିଲେ । ନାଚ,ସଙ୍ଗୀତର ତାଳେ ତାଳେ ପୁରା ଆସର ଜମିଥିଲା । ରଜ ମଉଜରେ ଜାହାନିଆ ପର୍ଯ୍ୟଟନ ସ୍ଥଳୀ ଉତ୍ସବ ମୁଖର ହୋଇ ପଡିଥିବାବେଳେ ଏହାର ସୁନ୍ଦର ସବୁଜିମା ବାତାବରଣ ପର୍ଯ୍ୟଟକ ମାନଙ୍କୁ ଅଧିକ ଆନନ୍ଦ ପ୍ରଦାନ କରିଥିଲା ।
ତେବେ ସତ କହିବାକୁ ଗଲେ ଏଠାକାର ବିସ୍ତିର୍ଣ୍ଣ ବେଳାଭୂମି ସହିତ ସବୁଜିମା ପରିବେଶ ଏକ ପ୍ରକାରର ଶୀତଳ ବାତାବରଣ ପ୍ରଦାନ କରିବା ସହ ପର୍ଯ୍ୟଟକମାନଙ୍କୁ ରଜର ଅସଲି ମଜାର ଖୋରାକ ଯୋଗାଇଥିଲା ।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…