ଯାଜପୁର ରୋଡ୍(କେନ୍ୟୁଜ୍): ମୃତ୍ୟୁ ଆସେ ଏମିତି ଆଉ ଦେଇଯାଏ ଦୁର୍ଦ୍ଦଶା । ବାହାନଗା ଟ୍ରେନ୍ ଦୁର୍ଘଟଣାର କ୍ଷତ ତାଜା ଥିବା ବେଳେ ଆହୁରି ଦୁଃଖ ଦେଇଛି ଯାଜପୁର ରୋଡ୍ ଷ୍ଟେସନରେ ଟ୍ରେନ୍ ଦୁର୍ଘଟଣା । ଗୋଟିଏ ପରିବାରର ୩ ଭାଇଙ୍କ ଜୀବନ ନେଇଗଲା ମାଲବାହୀ ଟ୍ରେନ୍ । ମୃତ ୩ ଭାଇ ବାଲିଆପାଳ ଅଞ୍ଚଳର ଭୀମସେନ ଜେନା, ପ୍ରଶାନ୍ତ ଜେନା ଏବଂ ସୁଶାନ୍ତ ଜେନା । ମୃତକଙ୍କ ଗାଁରେ କାନ୍ଦବୋବାଳି । ଶୋକରେ ଡୁବିଛି ପୂରା ଗାଁ ।
ଘରର ତିନି ଜଣ ମୁରବୀ ଶ୍ରେଣୀର ଲୋକଙ୍କୁ ହରାଇ ଭାଙ୍ଗି ପଡିଛନ୍ତି ପରିବାର ଲୋକେ । ଯାଜପୁର ରୋଡ୍ ଷ୍ଟେସନରେ ଗତକାଲି ଇଞ୍ଜିନ ବିହୀନ ମାଲବାହୀ ଟ୍ରେନ୍ ମାଡ଼ିଯିବା ଯୋଗୁଁ ୬ ଜଣ ଶ୍ରମିକ ରେଳ ଧାରଣାରେ କଟି ଯାଇଥିଲେ । ଦୁର୍ଘଟଣାରେ ଦୁଇ ଜଣ ଗୁରୁତର କଟକ ବଡ ମେଡିକାଲରେ ମୃତ୍ୟୁ ସହ ସଂଗ୍ରାମ କରୁଛନ୍ତି । ଅନ୍ୟ ୩ ମୃତକ କୋରାଇ ବ୍ଲକ ଗମ୍ଭାରିଆ ଏବଂ ଓଷଳା ଅଞ୍ଚଳର ବୋଲି ଜଣାପଡ଼ିଛି ।
ରାତିରେ ସେମାନଙ୍କ ଶବବ୍ୟବଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା । ତେବେ ଇଞ୍ଜିନ ନଥାଇ ଖାଲି ଠିଆ ହୋଇଥିବା ଏହି ଓ୍ଵାଗନ୍ କେମିତି ଗଡ଼ିଲା ଓ ୬ ଜଣଙ୍କର ଜୀବନ ନେଇଗଲା ତାକୁ ନେଇ ସମସ୍ତେ ଆଶ୍ଚର୍ଯ୍ୟ । ଏଭଳି ଦୁର୍ଘଟଣା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କୁହାଯାଉଛି । ଘଟଣାର ଉଚ୍ଚସ୍ତରୀୟ ତଦନ୍ତ କରାଯିବା ସହ ଯେଉଁ ଅଧିକାରୀ ବା କର୍ମଚାରୀଙ୍କ ଦାୟିତ୍ୱହୀନତା ଯୋଗୁଁ ଏହି ଦୁର୍ଘଟଣା ଘଟିଛି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରାଯାଇଛି
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…