ଭୁବନେଶ୍ୱର (କେ ନ୍ୟୁଜ୍) : ପୁଣି ଥରେ କରୋନାକୁ ନେଇ ଲୋକଙ୍କୁ ସଚେତନ କଲେ ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବତ ବାଗଚି । ଏବେ ସମୟ ଆସିଛି ଆମକୁ କରୋନା ଭାଇରସ୍କୁ ନକ୍ଡାଉନ୍ ପାଇଁ ଲକ୍ଡାଉନ୍ । ଆହୁରି ୧୭୨ ଦିନ ଆମକୁ ଏଭଳି ଲଢ଼ିବା ପାଇଁ ପଡ଼ିବ ।
ସେ ସୂଚନା ଦେଇଛନ୍ତି ଯେ ଓଡ଼ିଶାକୁ ୩ ହଜାର ଲୋକ ବିଦେଶରୁ ଆସିଛନ୍ତି । ତେଣୁ କରୋନା ସଂକ୍ରମଣର ଭୟ ରହିଛି । ସେଥିଲାଗି ୫ଟି ଜିଲ୍ଲା ଖୋର୍ଦ୍ଧା, କଟକ, ଗଞ୍ଜାମ, କେନ୍ଦ୍ରାପଡ଼ା, ଅନୁଗୁଳ ଏବଂ ୮ଟି ସହର ପୁରୀ, ଭଦ୍ରକ, ଯାଜପୁର ଟାଉନ୍, ଯାଜପୁରରୋଡ଼, ସମ୍ବଲପୁର, ବାଲେଶ୍ୱର, ରାଉରକେଲା, ଝାରସୁଗୁଡ଼ାରେ ଲକ୍ଡାଉନ୍ ନିର୍ଦ୍ଦେଶ ଦିଆଯାଇଛି । ଆସନ୍ତାକାଲିଠାରୁ ୨୯ ତାରିଖ ପର୍ଯ୍ୟନ୍ତ ଏହି ଲକ୍ଡାଉନ୍ ରହିବ ।
ସରକାରଙ୍କ ପଦକ୍ଷେପ ଅନୁଯାୟୀ ହସପିଟାଲ, କ୍ଲିନିକ୍, ଔଷଧ ଦୋକାନ, ଗ୍ରୋସରୀ, ମାଛ, ମାଂସ, ଅଣ୍ଡା, କ୍ଷୀର ଦୋକାନ, ପୋଲିସ୍, ଡାକ୍ତରଖାନା, ବ୍ୟାଙ୍କ, ଏଟିଏମ୍, ପେଟ୍ରୋଲ ପମ୍ପ ଆଦି ଖୋଲା ରହିବ । ଲକ୍ଡାଉନ୍ରେ ବସ୍, ବିମାନ ଏବଂ ଟ୍ରେନ୍ ବନ୍ଦ ରହିବ । ତେବେ ଆସନ୍ତାକାଲି ଜନତା କର୍ଫ୍ୟୁରେ ଏସବୁ ମଧ୍ୟ ବନ୍ଦ ରହିବ । ଲକ୍ଡାଉନ୍୍ ହୋଇଥିବା ଜିଲ୍ଲା ଓ ସହରରେ ଅସ୍ଥାୟୀ ଭାବେ ପିଡିଏସ୍ ଯୋଗାଣ ବନ୍ଦ ରହିବ ବୋଲି ବାଗଚି କହିଛନ୍ତି ।
ଆଜି ଦିନ ୧୨ଟା ଯାଏ ମୋଟ୍ ୭୦ଟି ନମୂନା ଯାଞ୍ଚ ପାଇଁ ପଠା ଯାଇଛି । ଏଥିରୁ କେବଳ ଦୁଇ ଜଣଙ୍କର ପଜିଟିଭ୍ ଆସିଛି । ସେହି ଦୁଇଜଣ ଚିକିତ୍ସାଧୀନ ଅଛନ୍ତି । ଦ୍ୱିତୀୟ କରୋନା ପଜେଟିଭ୍ ବ୍ୟକ୍ତି ୫୬ ଜଣଙ୍କ ସହ ସଂସ୍ପର୍ଶରେ ଆସିଥିଲେ । ସେମାନଙ୍କ ମଧ୍ୟରୁ ୫୩ ଜଣଙ୍କୁ ଚିହ୍ନଟ କରାଯାଇଛି ବୋଲି ଶ୍ରୀ ବାଗଚୀ ସୂଚନା ଦେଇଛନ୍ତି ।
ଆଉ ଏକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର । ତାହା ହେଉଛି ଛୁଟିରେ ରହିଲେ ବି ଅସ୍ଥାୟୀ କର୍ମଚାରୀଙ୍କୁ ଦରମା ଦେବାକୁ କୁହାଯାଇଛି । ଲକ୍ଡାଉନ୍ ଦ୍ୱାରା ପ୍ରଭାବିତ ହେଉଥିବା ଦିନ ମଜୁରିଆ, ଘରେ କାମ କରୁଥିବା ଗରିବ ଗୁରୁବାଙ୍କ ପ୍ରତି ସହାନୁଭୂତିଶୀଳ ହୋଇ ସେମାନଙ୍କ ଅତ୍ୟାବଶ୍ୟକ ସମସ୍ୟା ଦୂର କରିବାକୁ ସେ ଲୋକଙ୍କୁ ଅନୁରୋଧ କରିଛନ୍ତି ।
ସେହିପରି ପୋଲିସ୍ ସବୁ ଜାଗାରେ ଜଗିବା ସମ୍ଭବ ନୁହେଁ । ତେଣୁ ଲୋକମାନେ ନିଜେ ସଚେତନ ହୋଇ ନିଜ ପରିବାର ଏବଂ ଅନ୍ୟମାନଙ୍କୁ ସଚେତନ କରନ୍ତୁ । ଆପଣ ଘର ବାହାରକୁ ଗଲେ କରୋନା ଭାଇରସ୍ ସଂକ୍ରମଣର ଶିକାର ହୋଇ ପାରନ୍ତି । ତେଣୁ ଲକ୍ଡାଉନ୍ ଭଳି ଏକ ସୁଚିନ୍ତିତ ପଦକ୍ଷେପ ନିଆଯାଇଛି ବୋଲି ଶ୍ରୀ ବାଗଚୀ କହିଛନ୍ତି । ଏହି ପଦକ୍ଷେପ ହିଁ ଆମକୁ ସୁରକ୍ଷିତ ରଖି ପାରିବ । ତେବେ ଏଭଳି ପଦକ୍ଷେପ ଯୋଗୁଁ ଆମକୁ ଅସୁବିଧା ହେବ ନିଶ୍ଚୟ । ହେଲେ ଓଡ଼ିଆ ଜାତିକୁ ବଞ୍ଚାଇବା ପାଇଁ ଏହା ଜରୁରୀ ଥିଲା ବୋଲି ବାଗଚି କହିଛନ୍ତି ।
ମେଷ: ଆଜି ପ୍ରତ୍ୟେକ କ୍ଷେତ୍ରରେ ଆପଣଙ୍କୁ ସଫଳତା ମିଳିବ । ଆପଣ କର୍ମକ୍ଷେତ୍ରରେ କୌଣସି ବିତର୍କରୁ ଦୂରେଇ ରହିବା ଉଚିତ୍…
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…