ଭଞ୍ଜନଗର (କେ ନ୍ୟୁଜ୍): ଗଞ୍ଜାମ-କନ୍ଧମାଳ ସୀମାନ୍ତ କଳିଙ୍ଗା ଘାଟିରେ ବସ୍ ଦୁର୍ଘଟଣା ହେବାରୁ ଚାଲିଗଲା ଦୁଇ ଜଣଙ୍କ ଜୀବନ । ଦୁଇଟି ଅମୂଲ୍ୟ ଜୀବନ ଚାଲିଯିବା ପରେ ପରିବାରରେ ଛିଡିପଡ଼ିଛି ବିପତ୍ତିର ପାହାଡ଼ । ଘରକୁ ଫେରିବା ବେଳେ ଏଭଳି ଘଟିଲା ଅଘଟଣ । ସୁରତରୁ ପ୍ରବାସୀ ଓଡ଼ିଆଙ୍କୁ ଧରି ଆସୁଥିବା ବସ୍ ଦୁର୍ଘଟଣାଗ୍ରସ୍ତ ହେଲା । ଦୁଇ ଦୁଇଟି ରୋଜଗାରିଆ ପୁଅ ଚାଲିଗଲେ ଆରପାରିକୁ । ଏବେ ଅସହାୟ ହୋଇ ପଡ଼ିଛି ତାଙ୍କ ପରିବାର । ସେମାନେ ବାକି ଜୀବନ କେମିତି କଟିବ, ତାକୁ ନେଇ ଚିନ୍ତାରେ ପରିବାର ।
କିଛି ସମୟ ଭିତରେ ପହଞ୍ଚିଥାନ୍ତେ ଜନ୍ମ ମାଟିରେ । ହେଲେ କାଳ ସାଜିଲା କଳିଙ୍ଗା ଘାଟି । ରାତି ଅନ୍ଧାରରେ ଦୁର୍ଗମ ରାସ୍ତା ପାର୍ କରି ଆସୁଥିବା ବେଳେ ଦୁର୍ଘଟଣାଗ୍ରସ୍ତ ହେଲା ବସ୍ । ଲିଭିଗଲା ଦୁଇ ଜଣଙ୍କ ଜୀବନ ଦୀପ । ବୁଗୁଡ଼ାର ଚିତ୍ତରଞ୍ଜନ ସେଠୀ ଓ ସନ୍ତୋଷ ସେଠୀଙ୍କୁ ହରାଇ ଦୁଃଖରେ ଭାଙ୍ଗି ପଡ଼ିଛନ୍ତି ଦୁଇ ପରିବାର । ଶୁଖୁନି ସେମାନଙ୍କ ଆଖିର ଲୁହ । ରୋଜଗାରିଆ ପୁଅକୁ ହରାଇ ବେସାହାର ହୋଇପଡ଼ିଛି ଦୁଇ ପରିବାର । ଚିତ୍ତରଞ୍ଜନ ଓ ତାଙ୍କ ଦୁଇ ପୁଅ ସୁରତରୁ ଫେରୁଥିବା ବେଳେ ବାପାଙ୍କ ମୃତ୍ୟୁ ହୋଇଛି । ଦୁଇ ପୁଅ ଏବେ କ୍ୱାରେଣ୍ଟାଇନ୍ରେ । ପରିବାରରେ ବୃଦ୍ଧା ମା ଓ ସ୍ତ୍ରୀ ଆଉ ଝିଅ ଏକା । ବାପାଙ୍କ ଶବ ସତ୍କାର ପାଇଁ ମଧ୍ୟ ପୁଅ ଆସିପାରୁ ନାହିଁ । ଏଭଳି ସମୟରେ ପରିବାର ଉପରେ ଭାଙ୍ଗିପଡ଼ିଛି ଦୁଃଖର ପାହାଡ଼ ।
ସେପଟେ କିନ୍ତୁ ସନ୍ତୋଷ ସେଠୀଙ୍କୁ ହରାଇ ପୂରା ପରିବାର ଏବେ ବେସାହରା ହୋଇପଡ଼ିଛି । କୁନି କୁନି ଦୁଇ ପିଲା ଓ ବୃଦ୍ଧ ଶାଶୂ ଶ୍ୱଶୁରଙ୍କୁ ନେଇ କେମିତି ବଞ୍ଚିବେ, ତାକୁ ନେଇ ଚିନ୍ତାରେ ସନ୍ତୋଷଙ୍କ ପତ୍ନୀ । ଅସମୟରେ ଭେଣ୍ଡିଆ ପୁଅକୁ ହରାଇ ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି ବୃଦ୍ଧ ବାପାମା ।
ଅକାଳରେ ଦୁଇ ଦୁଇଟି ଜୀବନ ଚାଲିଯାଇଛି । ଏବେ ପରିବାରକୁ କିଏ ହେବ ସାହାରା ? କେମିତି ଚଳିବେ ପରିବାର ଲୋକେ ? ଏଇ ଚିନ୍ତା ଘାରିଛି ସେମାନଙ୍କୁ । ସରକାରୀ କିମ୍ବା ବେସରକାରୀ ସ୍ତରରୁ ସହାୟତା ମିଳିପାରିଲେ, ହୁଏତ କିଛିଟା ଆଶ୍ୱସ୍ତି ମିଳି ପାରିବ ଏଇ ବେସାହାରା ପରିବାରକୁ ।
ଭଞ୍ଜନଗରରୁ ରତ୍ନାକର ସାହୁ, କେ ନ୍ୟୁଜ୍ ଓଡ଼ିଶା
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…