କେନ୍ୟୁଜ : ଦେଶ ବାହାରେ ଥିଲେ ବି ଦେଶ ପ୍ରୀତି କାହା କାହାକୁ ଟାଣି ଆଣେ ସୁଦୂର ଦରିଆ ପାରି ଦେଶରୁ କିଛି ଉତ୍ସବ ଅବସରରେ । ଦେଶରେ ଏବେ ଚାଲିଛି ନିର୍ବାଚନ ପର୍ବ । ଭାରତର ଏହି ନିର୍ବାଚନ ଉତ୍ସବରେ ଭାଗ ନେବା ପାଇଁ ଏମିତି ଜଣେ ଓଡ଼ିଆଙ୍କୁ ଟାଣି ଆଣିଛି ସୂଦୁର ଦୁବାଇରୁ ସମ୍ବଲପୁରକୁ । ନିଜ ଦେଶର ନିର୍ବାଚନରେ ଭାଗନେଇ ମତଦାନ କରିବାର ସୌଭାଗ୍ୟରୁ ନିଜକୁ ବଂଚିତ କରିପାରି ନାହାଁନ୍ତି ଏହି ଓଡ଼ିଆ ମତଦାତା ଜଣକ । ସମ୍ବଲପୁର ନିର୍ବାଚନରେ ନିଜର ମତ ସାବ୍ୟସ୍ତ କରିବା ପାଇଁ ସେ ଦୁବାଇରୁ ସମ୍ବଲପୁର ହଜାର ହଜାର ମାଇଲ ପଥ ଅତିକ୍ରମ କରି ଆଜି ପହଞ୍ଚିଛନ୍ତି ସମ୍ବଲପୁରରେ । ନିର୍ବାଚନରେ ନିଜର ମତ ମଧ୍ୟ ସାବ୍ୟସ୍ତ କରିଛନ୍ତି ।
ଏହି ବ୍ୟକ୍ତି ଜଣକ ହେଉଛନ୍ତି ଶ୍ରୀ ପ୍ରିୟଦର୍ଶୀ । ସେ ପୂର୍ବତନ ମନ୍ତ୍ରୀ ତଥା ସାଂସଦ ଶ୍ରୀବଲ୍ଲଭ ପାଣିଗ୍ରାହୀଙ୍କ ସୁପୁତ୍ର । ଜଣେ ସ୍ୱାଧୀନତା ସଂଗ୍ରାମୀଙ୍କ ପରିବାରରୁ ଆସିଥିବା ତଥା ସମ୍ବଲପୁର ମାଟିରେ ପଢ଼ିଥିବା ଓ ବଢ଼ିଥିବା ଶ୍ରୀ ପ୍ରିୟଦର୍ଶୀ କୁହନ୍ତି, ମୋର ଦିବଂଗତ ପିତା ସମ୍ବଲପୁର ବିଧାନସଭା ଆସନରୁ ଦୁଇ ଥର ବିଧାୟକ ହୋଇ ନନ୍ଦିନୀ ଶତପଥୀଙ୍କ ସରକାରରେ ମନ୍ତ୍ରୀ ହୋଇଥିଲେ । ତେଣୁ ଏହି ନିର୍ବାଚନ ସମୟରେ ଆସି ଭୋଟ ଦେବା ମୋର ଦେଶ ମାତୃକା ପାଇଁ କେବଳ ଶ୍ରଦ୍ଧା ନୁହେଁ ମୋର ଦିବଂଗତ ପିତାଙ୍କ ପାଇଁ ମଧ୍ୟ ବଡ଼ ଶ୍ରଦ୍ଧାଞ୍ଜଳି ।
ବିମାନରେ ଦୁବାଇରୁ କୋଲକାତା ଓ ସେଠାରୁ ଟ୍ରେନରେ ଝାରସୁଗୁଡା ଓ ପୁଣି ରାସ୍ତା ପଥରେ ସମ୍ବଲପୁର ଦୀର୍ଘ ୩ ୩ ଘଣ୍ଟାର ପଥ ଅତିକ୍ରମ କରି ଆଜି ସମ୍ବଲପୁରରେ ପ୍ରିୟଦର୍ଶୀ ଭୋଟ ଦେଇଥିବା କହିଛନ୍ତି । ସେ କୁହନ୍ତି, ଭୋଟ ଦେବା ପାଇଁ ଏତେଦୂରରୁ ଆସିବା ଗଣତନ୍ତ୍ରର ମୌଳିକ ମୂଲ୍ୟବୋଧ ପ୍ରତି ଲୋକଙ୍କ ଦୃଷ୍ଟି ଆକର୍ଷଣ କରିବା ସହ ଆଗାମୀ ଦିନ ପାଇଁ ଏହା ଏକ ଭଲ ବାର୍ତ୍ତା ବହନ କରିବ । ସମ୍ବଲପୁରରେ ମାତ୍ର ଗୋଟିଏ ଦିନ ରହି ସେ ପୁଣି ଦୁବାଇ ଫେରିଯିବେ । ତାଙ୍କ ସହ ୧୩ ବର୍ଷର ଝିଅ ତିଶ୍ୟା ମଧ୍ୟ ଆସିଛନ୍ତି ଯେ କି ଜଣେ ସ୍କୁବା ଡାଇଭର । ଶ୍ରୀ ପ୍ରିୟଦର୍ଶୀ କୁହନ୍ତି, ଯଦି ତାଙ୍କର ଏହି ଆଗମନ କୌଣସି ଜଣେ ବ୍ୟକ୍ତିଙ୍କୁ ମତଦାନ ପାଇଁ ଉତ୍ସାହିତ କରିଥାଏ, ତେବେ ତାହା ତାଙ୍କ ପାଇଁ ଏକ ବଡ଼ ଉପହାର ହେବ ।
ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଇଥିବା ମୁଖ୍ୟ ଆଚାର୍ଯ୍ୟ ଲକ୍ଷ୍ମୀକାନ୍ତ ଦୀକ୍ଷିତଙ୍କ ୯୦ ବର୍ଷ ବୟସରେ ଦେହାନ୍ତ ହୋଇଛି…
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…