କେନ୍ୟୁଜ୍(ବ୍ୟୁରୋ):ଏନଡିଏର ଉପରାଷ୍ଟ୍ରପତି ପ୍ରାର୍ଥୀ ହେବେ ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ୍ । ଆଜି ବିଜେପି ସଂସଦୀୟ ଦଳ ବୈଠକରେ ତାଙ୍କ ନାଁରେ ମୋହର ଲାଗିଛି। ବୈଠକ ପରେ ଘୋଷଣା କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା। ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉପସ୍ଥିତ ଥିଲେ। ଅମିତ ଶାହ, ରାଜନାଥ ସିଂ, ନୀତିନ ଗଡ଼କରୀ ପ୍ରମୁଖ ନେତମାନେ ସାମିଲ ଥିଲେ । ବୈଠକ ପରେ ଧନଖଡ୍ଙ୍କ ନାଁ ଘୋଷଣା ବେଳେ ତାଙ୍କୁ ‘ପିପୁଲ୍ସ ଗଭର୍ଣ୍ଣର’ କହିଥିଲେ ଜେପି ନଡ୍ଡା। ଆଜି ବିଜେପିର ସଂସଦୀୟ ଦଳ ବୈଠକ ପୂର୍ବରୁ ପ୍ରଧାନମନ୍ତ୍ରୀଙ୍କୁ ଭେଟିଥିଲେ ଧନଖଡ଼ । ଗୃହମନ୍ତ୍ରୀ ଅମିତ ଶାହଙ୍କୁ ମଧ୍ୟ ଭେଟିଥିଲେ ।
ଆଜି ମଣିପୁର ଓ ମଧ୍ୟପ୍ରଦେଶ ରାଜ୍ୟପାଳ ମଧ୍ୟ ମୋଦିଙ୍କୁ ଭେଟିଥିଲେ । ଧନଖଡ଼ଙ୍କ ନାଁ ଘୋଷଣା ପରେ ତାଙ୍କୁ ଚାଷୀ ପୁଅ ବୋଲି କହିଛନ୍ତି ମୋଦି । ଧନଖଡ଼ ସବୁବେଳେ ଚାଷୀ, ଯୁବକ ଓ ମହିଳାଙ୍କ ପାଇଁ କାମ କରିଛନ୍ତି। ସେ ଆମର ଉପରାଷ୍ଟ୍ରପତି ହେବାକୁ ଯାଉଥିବାରୁ ବେଶ ମୁଁ ବେଶ ଖୁସି । ତାଙ୍କର ସମ୍ବିଧାନ ଉପରେ ଅଗାଧ ଜ୍ଞାନ ରହିଛି। ଦେଶର ବିକାଶକୁ ଲକ୍ଷ୍ୟ ରଖି ରାଜ୍ୟସଭାକୁ ସେ ସଠିକ ଦିଗରେ ପରିଚାଳିତ କରିବେ ବୋଲି ମୋଦି କହିଛନ୍ତି ।
ଧନଖଡ଼ଙ୍କ ନାଁ ଘୋଷଣା ସହ ଏନଡିଏର ରାଷ୍ଟ୍ରପତି ପ୍ରାର୍ଥୀ ନେଇ କଳ୍ପନାଜଳ୍ପନାର ଅବସାନ ଘଟିଛି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ମୁହାଁମୁହିଁ ସ୍ଥିତି ପାଇଁ ଅନେକ ସମୟରେ ଚର୍ଚ୍ଚାରେ ରହୁଥିଲେ ଜଗଦୀପ ଧନଖଡ଼ । ୨୦୧୯ରୁ ସେ ପଶ୍ଚିମବଙ୍ଗ ରାଜ୍ୟପାଳ ଅଛନ୍ତି । ଉପରାଷ୍ଟ୍ରପତି ନିର୍ବାଚନ ପାଇଁ ନାମାଙ୍କନ ଦାଖଲର ଶେଷ ତାରିଖ ରହିଛି ଜୁଲାଇ ୧୯। ଅଗଷ୍ଟ ୬ରେ ନିର୍ବାଚନ ହେବ । ବିଜୟ ପାଇଁ ୩୯୦ ଭୋଟ ଆବଶ୍ୟକ । ବର୍ତ୍ତମାନ ପାର୍ଲ୍ୟାମେଣ୍ଟର ସଦସ୍ୟ ସଂଖ୍ୟା ୭୮୦ ଥିବା ବେଳେ ବିଜେପି ସଦସ୍ୟ ସଂଖ୍ୟା ୩୯୪ ରହିଛି। ଅଗଷ୍ଟ ୧୦ରେ ଭେଙ୍କୟା ନାଇଡୁଙ୍କ କାର୍ଯ୍ୟକାଳ ଶେଷ ହେଉଛି ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…