କଟକ(କେନ୍ୟୁଜ୍): ଯୁବ ଇଂଜିନିୟର ଅନିଲ ପ୍ରଧାନଙ୍କୁ ନେଇ ସବୁଠି ଚର୍ଚ୍ଚା । ବିଦେଶରେ ଉଚ୍ଚ ବେତନର ଚାକିର ଛାଡ଼ି ଗାଁରେ ଖୋଲିଛନ୍ତି ସ୍କୁଲ । ଛୋଟ ଛୋଟ ପିଲାଙ୍କୁ ନିଆରା ଢଙ୍ଗରେ କରୁଛନ୍ତି ଶିକ୍ଷାଦାନ । ଏଥିପାଇଁ ତାଙ୍କୁ କୁହାଯାଉଛି ଥ୍ରୀ ଇଡିଅଟ୍ସ ଫିଲ୍ମର ଅମୀର ଖାନ୍ । ନିଜକୁ ଅନ୍ୟମାନଙ୍କ ପାଇଁ ଉତ୍ସର୍ଗ କରିଥିବା ଏହି ଯୁବ ଇଂଜିନିୟର ହେଉଛନ୍ତି କଟକ ଜିଲ୍ଲା ୪୨ ମୌଜା କୂଳସରିଚୁଆଁ ଅନ୍ତର୍ଗତ ବରାଳ ଗାଁର ଅନିଲ ପ୍ରଧାନ । ସେ ପ୍ରତିଷ୍ଠା କରିଛନ୍ତି ଅନ୍ତଃରାଷ୍ଟ୍ରୀୟ ଗ୍ରାମୀଣ ନବପ୍ରବର୍ତ୍ତନ ସର୍ବସାଧାରଣ ବିଦ୍ୟାଳୟ । ଏଥିରେ ବର୍ତ୍ତମାନ ଷଷ୍ଠ ଶ୍ରେଣୀ ପ୍ରର୍ଯ୍ୟନ୍ତ ମୋଟ୍ ୧୨୪ ଜଣ ପିଲା ପାଠ ପଢୁଛନ୍ତି । ଏହି ସ୍କୁଲର ବିଶେଷତ୍ୱକୁ ନେଇ ଚର୍ଚ୍ଚା ହେବା ପରେ ଏବେ ଅନ୍ୟ ସ୍କୁଲରୁ ପିଲା ଆସି ଅବସର ସମୟରେ ପାଠ ପଢୁଛନ୍ତି । ସ୍କୁଲର କୁନିକୁନି ଛାତ୍ରଛାତ୍ରୀ ସ୍କୃ ଡ୍ରାଇଭରଠାରୁ ଆରମ୍ଭ କରି ଡି ପ୍ରିଣ୍ଟର, ସ୍ଲେଟ୍ ବୋର୍ଡ, ସାଇକେଲ ଜେନେରେଟର୍, ରୋବୋଟ୍, ଆଇ ପ୍ୟାଡ୍, କମ୍ପୁଟର, ପ୍ରୋଜେକ୍ଟର ଆଦି ବ୍ୟବହାର କରୁଛନ୍ତି ।
ଏଥିରେ ପିଲାମାନେ ଇନ୍ଫାନାଇଟ୍ ୱେଲ୍, ଲାଇନ୍ ଫଲୋନ୍ ରୋବୋଟ୍, ଲିଗୋରୋବଟ୍, ଏଫ୍ ୱାନ୍ ରୋବଟ୍, ଏଗ୍ରିଲ୍ୟାବ, ରକେଟ୍ ଆଦି କୌଶଳ ଶିଖୁଛନ୍ତି । ପ୍ରଥମେ ତାଙ୍କ କାର୍ଯ୍ୟକଳାପକୁ ଦେଖି ହସରେ ଉଡ଼ାଇ ଦେଉଥିବା ଲୋକେ ଏବେ ତାଙ୍କ ସଫଳତାକୁ ଦେଖି ପ୍ରଶଂସାରେ ପୋତି ପକାଉଛନ୍ତି । ତାଙ୍କ ସ୍କୁଲକୁ ଦେଖିବା ପାଇଁ ଦିଲ୍ଲୀ ଆଇଆଇଟି ପ୍ରତିନିଧି ଦଳ ଆସିଥିବା ବେଳେ ଆନ୍ଧ୍ରପ୍ରଦେଶ ଓ ରାଜସ୍ଥାନ ସରକାର ତାଙ୍କୁ ଆମନ୍ତ୍ରଣ କରି ଶିକ୍ଷାଦାନର ନୂଆ କୌଶଳ ସମ୍ପର୍କରେ ଅବଗତ ହୋଇଛନ୍ତି ।
ଚୀନ ସରକାର ବି ତାଙ୍କୁ ଆମନ୍ତ୍ରଣ କରିଛନ୍ତି । ଅନିଲଙ୍କ କହିବା କଥା, ସେ ନିଜ ଅଞ୍ଚଳର ଶିକ୍ଷା ବ୍ୟବସ୍ଥାକୁ ଏକ ନୂଆ ଦିଗ ଦେବାକୁ ଉଦ୍ୟମ ଜାରି ରଖିବେ । ଆଗାମୀ ଦିନରେ ସେ ଏହି ସ୍କୁଲର ଛାତ୍ରଛାତ୍ରୀଙ୍କୁ ନାସାକୁ ନେବା ପାଇଁ ଲକ୍ଷ୍ୟ ରଖିଛନ୍ତି ବୋଲି କହିଛନ୍ତି ଅନିଲ୍ ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…