ଗୁଗଲ୍ ଆଣ୍ଡ୍ରଏଡ଼ର 10th ଭର୍ସନ ଡେଭଲପର ପ୍ରିଭିଉ ଜାରି କରିସାରିଛି । ଏହା ସହିତ ଗୁଗଲ୍ ସ୍ପଷ୍ଟ କରିଛି ଯେ ଆଣ୍ଡ୍ରୋଏଡ 10th ଭର୍ସନର ନାମ ଆଣ୍ଡ୍ରଏଡ଼ Q ବଦଳରେ ଆଣ୍ଡ୍ରଏଡ଼ 10 ରହିବ । ନିକଟରେ ଗୁଗଲ ଆଣ୍ଡ୍ରଏଡ଼ ଭର୍ସନର ନାମ ମିଠା ଉପରେ ରଖିବାର ୧୦ ବର୍ଷ ପୁରୁଣା ପରମ୍ପରାକୁ ଭାଙ୍ଗିବା ସହିତ ଆଣ୍ଡ୍ରଏଡ଼ର ନାମ ମିଠାଇ ସହିତ ରଖିବ ନାହିଁ ବୋଲି ନିଷ୍ପତ୍ତି ନେଇଛି । ଗୁଗଲର କହିବାନୁଯାୟୀ ମିଠାଇ ସହିତ ଆଣ୍ଡ୍ରଏଡ଼ ନାମକୁ ରଖିବା ଦ୍ଵାରା ଅନେକ ଦେଶ ପାଇଁ ଏହା କନଫ୍ୟୁଜନ ସୃଷ୍ଟି ହେଉଛି ।ସେଥିପାଇଁ ବର୍ତ୍ତମାନ ଆଣ୍ଡ୍ରଏଡ଼ ଭର୍ସନର ନାମ ସଂଖ୍ଯା ଉପରେ ରଖାଯିବ । ଆସନ୍ତୁ ଜାଣିବା ଏହି ଆଣ୍ଡ୍ରଏଡ଼ 10ର କିଛି ଫିଚର୍ସ୍ ବିଷୟରେ ।
ସାଧାରଣତଃ ସବୁବେଳେ ଆଣ୍ଡ୍ରଏଡ଼ର ପ୍ରାଇଭେସିକୁ ନେଇ ପ୍ରଶ୍ନ ଉଠିଥାଏ କିନ୍ତୁ ଆଣ୍ଡ୍ରଏଡ଼ 10 ରେ ୟୁଜର ମାନଙ୍କର ପ୍ରାଇଭେସିକୁ ପ୍ରଧାନ୍ୟ ଦିଆଯିବ ବୋଲି ଆଶା କରାଯାଉଛି । ଆଣ୍ଡ୍ରଏଡ଼ 10ର ପ୍ରାଇଭେସି ଉପରେ କଣ୍ଟ୍ରୋଲ କରିବା ପାଇଁ ନୂତନ ଆପ୍ ପରମିସନ ଦିଆଯିବ ଯାହାଦ୍ୱାରା ଆପଣଙ୍କ ଫୋନରେ କେଉଁ ଆପ୍ କଣ କଣ ଆକ୍ସେସ କରୁଛି ତାହା ସହଜରେ ନିର୍ଣ୍ଣୟ କରିପାରିବେ । ପ୍ରାଇଭେସି ପାଇଁ ଆଣ୍ଡ୍ରଏଡ଼ 10ରେ ଆପ୍ ରନଟାଇମ୍ ପରମିସନ୍, ବ୍ୟାକଗ୍ରାଉଣ୍ଡ ଆପ୍ ରନିଂ ଏବଂ ଲୋକେସନ ଉପରେ କଣ୍ଟ୍ରୋଲ ମିଳିପାରିବ ଏହା ସହିତ ଆଣ୍ଡ୍ରଏଡ଼ 10ରେ ଲୋକେସନ ଆକସେସ୍ କୁ ଲକ୍ କରିବା ପାଇଁ ଅପ୍ସନ ମିଳିବ ।
ଅନେକ ଦିନ ଧରି ସ୍କିନ ରେକର୍ଡିଙ୍ଗକୁ ନେଇ ଆଣ୍ଡ୍ରୋଏଡ ଭର୍ସନରେ ଅସୁବିଧା ସୃଷ୍ଟି ହେଉଛି । କିନ୍ତୁ ଶେଷରେ ଆଣ୍ଡ୍ରଏଡ଼ 10ରେ ଗୁଗଲ ଏହି ଫିଚର ଉପଲବ୍ଧ କରାଇଛି । ଏହାକୁ ଫୋନର ସେଟିଙ୍ଗକୁ ଯାଇ ଡେଭଲପର୍ସ ଅପ୍ସନ ଦ୍ୱାରା ଅନ କରାଯାଇ ପାରିବ । ଏହାପରେ ଏକ ଟ୍ରାଙ୍ଗଲ ଆପଣଙ୍କ ସ୍କିନ ଉପରେ ଆସିବ ଯାହାଦ୍ୱାରା ଆପଣ ସ୍କିନ ରେକର୍ଡିଙ୍ଗ କରିପାରିବେ ।
ଆଣ୍ଡ୍ରଏଡ଼ 10ରେ ଆପଣଙ୍କୁ ଡେ଼କସ୍ଟପ୍ ମୋଡ଼ ମିଳିବ ଏହାଦ୍ୱାରା ଆପଣ ନିଜ ଫୋନକୁ ଯେକୌଣସି ଲାପଟପ କିମ୍ବା ମନିଟର ସହ କନେକ୍ଟ
କରିପାରିବେ । ଏହାପରେ ଆପଣଙ୍କ ଫୋନର ଇଣ୍ଟରଫେସ ଲାପଟପ କିମ୍ବା ମନିଟରକୁ ଆସିଯିବ । ଏହାସହିତ ଡେ଼କସ୍ଟପ୍ ମୋଡ଼ ପାଇଁ ସାମସଙ୍ଗ ନିଜର ଫ୍ଲେଗସିପ ଫୋନରେ DeXର ସପୋର୍ଟ ଦେଉଛି ଯାହାଦ୍ୱାରା ଆପଣ ଫୋନ୍କୁ କେବଳ ଏକ କେବୁଲ ଦ୍ୱାରା ଲାପଟପ କିମ୍ବା ମନିଟର ସହ କନେକ୍ଟ କରିପାରିବେ ।
ଯେକୌଣସି ୱେବ ଲିଙ୍କ, ଫଟୋ କିମ୍ବା ଭିଡିଓ ସେୟାର କରିବା ପାଇଁ ଆଣ୍ଡ୍ରଏଡ଼ 10ରେ ନୂଆ ସେୟାରିଂ ଅପ୍ସନ ଉପଲବ୍ଧ ରହିଛି । ଯେଉଁଠି ଆପଣଙ୍କୁ କଣ୍ଟାକ୍ଟ ଏବଂ କଣ୍ଟେଣ୍ଟ ସେୟାରିଂ ଆପ ମିଳିବ । ଏଠାରେ ଆପଣଙ୍କ ପାଇଁ ବ୍ଲୁଟୁଥ, ଜିମେଲ, ମେସେଜ, କପି ଟୁ କ୍ଲିପବୋର୍ଡ ଏବଂ ସେଭ ଟୁ ଡ୍ରାଇଭ ଭଳି ଅନେକ ଅପ୍ସନ ଉପଲବ୍ଧ ରହିବ ।
ଏହାସହ ପଢନ୍ତୁ ଅତିଶୀଘ୍ର ଆପଣଙ୍କ ଫୋନରେ ମଧ୍ୟ ଆସିବାକୁ ଯାଉଛି ହ୍ଵାଟ୍ସଆପର ଏହି ନୂଆ ଫିଚର୍ସ, ଜାଣନ୍ତୁ କଣ ..
ଆଣ୍ଡ୍ରଏଡ଼ 10ରେ ଆପଣ ନିଜ ଫୋନରେ କନେକ୍ଟ ୱାଇଫାଇକୁ QR କୋଡ଼ ଦ୍ୱାରା ଅନ୍ୟ ସହିତ ସେୟାର କରିପାରିବେ । ଏହାଦ୍ୱାରା ଆପଣଙ୍କୁ ୱାଇଫାଇର ପାସୱାର୍ଡ଼ ପଚାରିବାକୁ ପଡିବ ନାହିଁ, କେବଳ QR କୋଡ଼କୁ ସ୍କାନ କରି ୱାଇଫାଇର ବ୍ୟବହାର କରିପାରିବେ ।
ଆଣ୍ଡ୍ରଏଡ଼ 10ରେ ସ୍କ୍ରୀନସଟ ନେବାପରେ ଏହା ରାଉଣ୍ଡ ଆକାରରେ ଆସିବ ଏବଂ ଏଥିରେ ନୋଚ ମଧ୍ୟ ଦେଖାଯିବ । ବର୍ତ୍ତମାନ ପର୍ଯ୍ୟନ୍ତ ରାଉଣ୍ଡ ସେପର ସ୍କ୍ରୀନସଟ ଉପଲବ୍ଧ ନଥିଲା ।
ଗୁଗଲ ନିଜର ପିକ୍ସଲ ଫୋନରେ ବହୁତ ପୂର୍ବରୁ ଇ-ସିମ ର ସପୋର୍ଟ ଦେଇଥିଲା କିନ୍ତୁ ଆପଣ ଇ-ସିମ ଓ ଫିଜିକାଲ ସିମ ଦୁଇଟିକୁ ଏକ ସମୟରେ ଵ୍ୟଵହାର କରିପାରୁନଥିଲେ କିନ୍ତୁ ବର୍ତ୍ତମାନ ଆପଣ ଆଣ୍ଡ୍ରଏଡ଼ 10ରେ ଇ-ସିମ ଓ ଫିଜିକାଲ ସିମକୁ ଏକାସଙ୍ଗେ ବ୍ୟବହାର କରିପାରିବେ ।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…