Picture credit- FeedByMe
ବେଙ୍ଗାଲୁରୁର ଫ୍ରେଜର ଟାଉନର ବାସିନ୍ଦା ଆୱେଜ ଖାନଙ୍କୁ ଆପଲ ଷ୍ଟୋର ୧ ଲକ୍ଷ ଟଙ୍କା ଦେବ । ୩୦ ବର୍ଷୀୟ ଆୱେଜ ଖାନ ଅକ୍ଟୋବର ୨୦୨୧ରେ ଆଇଫୋନ ୧୩ କିଣିଥିଲେ । ଏହି ଫୋନରେ ତାଙ୍କୁ ୧ ବର୍ଷର ୱାରେଣ୍ଟି ମିଳିଥିଲା । କିଛି ଦିନ ବ୍ୟବହାର କରିବା ପରେ ଫୋନରେ ବ୍ୟାଟେରୀ ଏବଂ ଆଇଫୋନ ସ୍ପିକରରେ ସମସ୍ୟା ଦେଖାଯାଇଥିଲା । ଏହାର ସମାଧାନ ପାଇଁ ଆୱେଜ ନିଜ ଆଇଫୋନକୁ ଇନ୍ଦିରାନଗରରେ ଥିବା ଆପଲ ସର୍ଭିସ ସେଣ୍ଟରରେ ଦେଇଥିଲେ । ସେଠାରେ ତାଙ୍କ ଆଇଫୋନ ଶୀଘ୍ର ମରାମତି ହେବ ବୋଲି କୁହାଯାଇଥିଲା । ଗୋଟିଏ ସପ୍ତାହ ପରେ ଆପଲ ସର୍ଭିସ ସେଣ୍ଟରରୁ ଏକ କଲ ଆସିଥିଲା ଏବଂ ସେଣ୍ଟର ତରଫରୁ କୁହାଯାଇଥିଲା ଆଇଫୋନ ଠିକ ହୋଇଯାଇଛି ।
ଯେତେବେଳେ ଆୱେଜ ଷ୍ଟୋରରେ ପହଞ୍ଚି ଫୋନ୍ ଦେଖିଥିଲେ ଏହା ଖରାପ ଥିଲା । ସେ ଏହାକୁ ନେଇ ପୁଣି ଥରେ ଅଭିଯୋଗ କରିଥିଲେ । ସର୍ଭିସ ସେଣ୍ଟର ତରଫରୁ ତାଙ୍କ ଫୋନ ଶୀଘ୍ର ମରାମତି ହୋଇଯିବ ବୋଲି କୁହାଯାଇଥିଲା । ଏହା ପରେ ଆୱେଜ ୨ ସପ୍ତାହ ପର୍ଯ୍ୟନ୍ତ କୌଣସି କଲ ପାଇନଥିଲେ । କିଛି ଦିନ ପରେ ତାଙ୍କୁ ଏକ କଲ ଆସିଥିଲା । କଲ୍ରେ କୁହାଯାଇଥିଲା ଯେ ଫୋନ୍ ଭିତରେ ଏକ ଜେଲି ପରି ପଦାର୍ଥ ମିଳିଛି ଯାହା ୱାରେଣ୍ଟିରେ କଭର ହେଉନି । ପରେ ଆୱେଜ ଆପଲ୍ ପ୍ରତିନିଧୀଙ୍କୁ ଅନେକ ଇମେଲ୍ ପଠାଇଥିଲେ କିନ୍ତୁ ଆପଲ୍ ତରଫରୁ କୌଣସି ପ୍ରତିକ୍ରିୟା ଆସିନଥିଲା ।
ଆୱେଜ ଅକ୍ଟୋବର ୨୦୨୨ରେ ଆପଲ୍ ଷ୍ଟୋର୍କୁ ଏକ ଆଇନଗତ ନୋଟିସ୍ ପଠାଇଥିଲେ କିନ୍ତୁ ଏଥିରେ ମଧ୍ୟ କୌଣସି ପ୍ରତିକ୍ରିୟା ମିଳିନଥିଲା । ପରେ ସେ ସ୍ଥାନୀୟ ଜିଲ୍ଲା ଉପଭୋକ୍ତା ବିବାଦ ନିବାରଣ ଆୟୋଗରେ ଅଭିଯୋଗ କରିଥିଲେ । ଏହି ମାମଲାର ଶୁଣାଣି କରି ନିକଟରେ କୋର୍ଟ ଆପଲକୁ ୭୯,୯୦୦ ଟଙ୍କା ସୁଧ ସମେତ କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି ଏବଂ ଏହି କଠିନ ସମୟ ପାଇଁ ଆୱେଜଙ୍କୁ ଅତିରିକ୍ତ ୨୦,୦୦୦ ଟଙ୍କା ଦେବାକୁ ନିର୍ଦ୍ଦେଶ ଦେଇଛନ୍ତି ।
ଆଜିର ପରିବର୍ତ୍ତିତ ଲାଇଫ୍ ଷ୍ଟାଇଲ୍ରେ, ଯୁବକ ଠାରୁ ମଧ୍ୟମ ବୟସ୍କର ଲୋକ ସମସ୍ତେ ଅନେକ ପ୍ରକାରର ରୋଗର ଶିକାର ହେଉଛନ୍ତି…
ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଇଥିବା ମୁଖ୍ୟ ଆଚାର୍ଯ୍ୟ ଲକ୍ଷ୍ମୀକାନ୍ତ ଦୀକ୍ଷିତଙ୍କ ୯୦ ବର୍ଷ ବୟସରେ ଦେହାନ୍ତ ହୋଇଛି…
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…