ଥଣ୍ଡାରେ ହିଟର ବ୍ୟବହାର କରୁଥିଲେ ସାବଧାନ, ହୋଇପାରେ ଭୟଙ୍କର କ୍ଷତି

ସମଗ୍ର ଦେଶରେ ଶୀତର ପ୍ରକୋପ ଜାରି ରହିଛି । ଏହି ସମୟରେ କିଛି ଲୋକ ନିଆଁ ଜଳାଇ ଶୀତ କମାଇବାକୁ ଚେଷ୍ଟା କରୁଛନ୍ତି ତ କିଛି ଲୋକ ରୁମ ହିଟର ବ୍ୟବହାର କରି ଶୀତ କମାଇବାକୁ ଚେଷ୍ଟା କରୁଛନ୍ତି । କିନ୍ତୁ ଆପଣଙ୍କୁ ଏକ ଜରୁରୀ କଥା ଜଣାଇବାକୁ ଯାଉଛୁ, ହିଟର ବ୍ୟବହାର କରିବା ଦ୍ୱାରା ଆଖି ନଷ୍ଟ ହେବାର ଯଥେଷ୍ଟ ସମ୍ଭାବନା ଥାଏ । ଏହା ଦ୍ୱାରା ଆଖିରେ ଶୁଷ୍କତା କିମ୍ବା ଜଳନ ସୃଷ୍ଟି ହୋଇପାରେ । ହିଟର ଦୀର୍ଘ ସମୟ ଧରି ଚଳାଇବା ଦ୍ୱାରା ଏହି ସମସ୍ୟା ସୃଷ୍ଟି ହୋଇପାରେ ।

ଶୀତଦିନେ ଥଣ୍ଡାରୁ ବଞ୍ଚିବା ପାଇଁ ହିଟର ବ୍ୟବହାର କରିବା ସାଧାରଣ କଥା । କିନ୍ତୁ ଏହି ଡିଭାଇସ୍‌ ବ୍ୟବହାର କରିବା ସମୟରେ ବିଶେଷ ଭାବରେ ଆଖି ପାଇଁ କିଛି ସତର୍କତା ଅବଲମ୍ବନ କରିବା ଜରୁରୀ । ହିଟରରୁ ଆସୁଥିବା ଗରମ ପବନ ଆଖିକୁ କ୍ଷତି ପହଞ୍ଚାଇପାରେ ।

ହିଟରରୁ ବାହାରୁଥିବା ଗରମ ପବନ ଆଖିର ପାଣିକୁ ଶୁଖାଇଦିଏ ଯାହା ଦ୍ୱାରା ଆଖି ଲାଲ ହୋଇପାରେ । ତେଣୁ ଏହି ଡିଭାଇସକୁ କେବଳ ଅଳ୍ପ ସମୟ ପାଇଁ ବ୍ୟବହାର କରନ୍ତୁ । ବନ୍ଦ କୋଠରୀରେ ହିଟର ବ୍ୟବହାର କରିବା ଦ୍ୱାରା ଆଖି ନଷ୍ଟ ହେବାର ଆଶଙ୍କା ବଢ଼ିଥାଏ । ତେଣୁ ଏହି ଡିଭାଇସକୁ ଖୋଲା କୋଠରୀରେ ବ୍ୟବହାର କରିବା ଭଲ ହୋଇଥାଏ । ହିଟରକୁ ଅଳ୍ପ ଦୂରତାରେ ରଖନ୍ତୁ । ହିଟରକୁ ଆଖିରୁ ଅତି କମରେ ୧ ମିଟର ଦୂରରେ ରଖନ୍ତୁ । ଏଭଳି କରିବା ଦ୍ୱାରା ଗରମ ପବନ ସିଧାସଳଖ ଆଖିକୁ ଛୁଇଁବ ନାହିଁ ।

ଯଦି ଆପଣ ଆଖିରେ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେଉଛନ୍ତି, ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ । କୁଣ୍ଡେଇ ହେବା, ଜଳିବା, ଲାଲ ହେବା କିମ୍ବା ଆଖିରେ ଯନ୍ତ୍ରଣା ଭଳି ସମସ୍ୟା ହେଲେ ଦୋକାନରୁ କୌଣସି ଔଷଧ କିଣନ୍ତୁ ନାହିଁ । ଏଭଳି କରିବା ବଦଳରେ ଡାକ୍ତରଙ୍କ ସହିତ ପରାମର୍ଶ କରନ୍ତୁ ।