Categories: ଟେକ୍

କ୍ୟାମେରା ଆପ୍‌ ବ୍ୟବହାର କରୁଥିଲେ ଏବେଠୁ ହୁଅନ୍ତୁ ସାବଧାନ, ଏହି ସବୁ ଆପ୍‌ ଚୋରି କରିସାରିଲାଣି ୧୪୦ କୋଟି ଲୋକଙ୍କ ଡାଟା

ସ୍ମାର୍ଟଫୋନ୍‌ ବ୍ୟବହାରକାରୀଙ୍କ ପାଇଁ ଏକ ନୂଆ ବିପଦ ସାମ୍ନାକୁ ଆସିଛି। ଏଥିରେ କେବଳ ସେହି ୟୁଜରଙ୍କୁ ସାବଧାନ ରହିବାକୁ ପଡ଼ିବ ଯେଉଁମାନେ ଫଟୋ ଏଡିଟ୍‌ କରିବାକୁ ଥାର୍ଡ ପାର୍ଟି ଆପ୍‌ ବ୍ୟବହାର କରୁଛନ୍ତି। ଯଦି ଆପଣ ବି ଥାର୍ଡ ପାର୍ଟି ଆପ୍‌ ବ୍ୟବହାର କରି ଫଟୋ ଏଡିଟ୍‌ କରୁଛନ୍ତି ତେବେ ଏବେ ଠୁ ସାବଧାନ ରୁହନ୍ତୁ। ଏକ ରିସର୍ଚ୍ଚରେ ଏମିତି ୩୦ଟି ଆଣ୍ଡ୍ରଏଡ୍‌ କ୍ୟାମେରା ଆପ୍‌ ବିଷୟରେ ସୂଚନା ମିଳିଛି ଯେଉଁଥିରେ ଭାଇରସ୍‌ ଥିବା ଦେଖିବାକୁ ମିଳିଛି। ଏହି ଆପ୍‌ ୟୁଜରଙ୍କ ଡାଟା ଚୋରି କରିବା ସହ ତାଙ୍କ ଲୋକେସନ୍‌କୁ ମଧ୍ୟ ଲଗାତାର ଟ୍ରାକ୍‌ କରିଥାଏ।

ଏହି ସମସ୍ତ ମାଲବେୟାର ଆପ୍‌ ଗୁଗଲ ପ୍ଲେ ଷ୍ଟୋରରେ ଅଛନ୍ତି। ରିପୋର୍ଟ ମୁତାବକ ଏହି ଆପ୍‌ ୟୁଜରଙ୍କ ଡାଟାକୁ ସଂଗ୍ରହ କରିବା ସହ ତାହାକୁ ବିକ୍ରି କରିଥାନ୍ତି। ଏଥିସହ ଏହା ୟୁଜର୍ସଙ୍କୁ ମଲିସସ୍‌ ବିଜ୍ଞାପନ ଦେଖାଇ ଫିସିଂ ୱେବ୍‌ସାଇଟ୍‌ରେ ବି ରିଡାଇରେକ୍ଟ କରିଥାଏ। ତେବେ ସବୁଠାରୁ ଚିନ୍ତାର ବିଷୟ ହେଉଛି ସାରା ଦୁନିଆରେ ୧୪୦ କୋଟି ସ୍ମାର୍ଟଫୋନ୍‌ରେ ଏହି ଆପ୍‌ ଡାଉନ୍‌ଲୋଡ୍‌ କରାଯାଇସାରିଛି। ଏହି ଆପ୍‌ ମଧ୍ୟରେ କେତେକ ଲୋକପ୍ରିୟ ଆପ୍‌ ମଧ୍ୟ ରହିଛି ଯାହାକୁ ୩୦ କୋଟି ଥର ଇନ୍‌ଷ୍ଟଲ କରାଯାଇଛି।

ସାଇବର ନ୍ୟୁଜ୍‌ ଅନୁସାରେ ୩୦ରୁ ୧୬ଟି ଆପ୍‌କୁ ହଂକଂରେ ଡେଭଲପ୍‌ କରାଯାଇଛି। ରିପୋର୍ଟରେ କେତେକ ଚୀନୀ ଆପ୍‌ ବିଷୟରେ ମଧ୍ୟ କୁହାଯାଇଛି ଯେଉଁମାନେ ମାରାତ୍ମକ ଆଣ୍ଡ୍ରଏଡ୍‌ ଟ୍ରୋଜନ୍‌କୁ ଅଧିକରୁ ଅଧିକ ବ୍ୟବହାର କରିବାକୁ ପ୍ରବର୍ତ୍ତାଉଛନ୍ତି। ଏହି ଆପ୍‌ ସ୍ମାର୍ଟଫୋନ୍‌ ୟୁଜରଙ୍କ ଡାଟା ଚୋରି କରିବା ସହ ମାଇକ୍ରୋଫୋନ୍‌ ଓ କ୍ୟାମେରାକୁ ବି ଆକ୍ଟିଭ୍‌ କରିଥାନ୍ତି।

ରିପୋର୍ଟ ମୁତାବକ Coocent, KX Camera Team, Dream Room ଭଳି ଡେଭଲପର ୟୁଜରଙ୍କ ଡାଟା ଚୋରି କରି ବିକ୍ରି କରି ମୋଟା ଅଙ୍କର ଟଙ୍କା ରୋଜଗାର କରିଥାନ୍ତି। ଲୋକେସନ୍‌ ଟ୍ରାକ୍‌ କରୁଥିବା ହେଭଲପର ମାସକୁ ୪୦୦୦ ଡଲାର ପର୍ଯ୍ୟନ୍ତ ରୋଜଗାର କରୁଛନ୍ତି।