ଫୋନରେ ବ୍ୟାକ୍ କଭର ଲଗାଇବା ଉଚିତ କି ନୁହେଁ? ଜାଣନ୍ତୁ ସମ୍ପୂର୍ଣ୍ଣ ତଥ୍ୟ

ଆମେ ଯେତେବେଳେ ବି ଏକ ନୂଆ ସ୍ମାର୍ଟଫୋନ କିଣିଥାଉ ଏହା ସହିତ ଆମେ ନିଜ ଫୋନ୍ ପାଇଁ ଏକ ସ୍କ୍ରିନ୍ ଗାର୍ଡ ଏବଂ ବ୍ୟାକ୍ କଭର ମଧ୍ୟ କିଣିଥାଉ । ଏହି ଦୁଇଟି ଜିନିଷ କିଣିବା ପଛରେ ଏକମାତ୍ର କାରଣ ହେଉଛି ଫୋନର ସୁରକ୍ଷା, କିନ୍ତୁ ଯଦି ଆମେ କହିବୁ ଯେ ଏଭଳି କରିବା ଆପଣଙ୍କ ଫୋନକୁ ବିପଦରେ ପକାଇଥାଏ, ତେବେ ଆପଣ ଏ କଥା ବିଶ୍ୱାସ କରିବେ କି? ଫୋନରେ ବ୍ୟାକ୍ କଭର ଲଗାଇ ଆପଣ ନିଜ ଫୋନକୁ ସ୍କ୍ରାଚ୍ ଏବଂ ବ୍ରେକେଜରୁ ବଞ୍ଚାଇ ପାରନ୍ତି କିନ୍ତୁ ଏହାଦ୍ୱାରା ଫୋନର ଲାଇଫ ଟାଇମ କମ୍ ହୋଇଯାଏ । ଯାହାର ସ୍ମାର୍ଟଫୋନ୍ ଅଛି, ସେ ବ୍ୟାକ୍ କଭର ଲଗାଇବାର ଅନେକ ଲାଭ ବିଷୟରେ ଭଲ ଭାବରେ ଜାଣିଥିବେ । କିନ୍ତୁ ଆଜି ଆମେ ଆପଣଙ୍କୁ ଫୋନରେ ବ୍ୟାକ୍ କଭର ଲଗାଇବାର ଅସୁବିଧା ବିଷୟରେ କହିବୁ ।

ଫୋନରେ ବ୍ୟାକ୍ କଭର ଲଗାଇବାର ଅସୁବିଧା:
ଫୋନରେ ବ୍ୟାକ୍ କଭର ଲଗାଇବାର ପ୍ରଥମ ଅସୁବିଧା ହେଉଛି ଏହାଦ୍ୱାରା ଆପଣଙ୍କ ଫୋନ୍ ଗରମ ହେବା ଆରମ୍ଭ କରେ । ଯଦି ଆପଣ ନିଜ ଫୋନକୁ ଏକ ମୋଟା ବ୍ୟାକ୍ କଭର ସହିତ ଚାର୍ଜରେ ବସାନ୍ତି ତେବେ ଏହା ଶୀଘ୍ର ଗରମ ହେବା ଆରମ୍ଭ କରେ । ଫୋନରେ କଭର ବ୍ୟବହାର କରିବା ଦ୍ୱାରା ଫୋନର ଉତ୍ତାପ ବାହାରକୁ ଯାଏ ନାହିଁ । ଏହି କାରଣରୁ, ଫୋନ୍ ହ୍ୟାଙ୍ଗ ହେବା ସମସ୍ୟା ଆରମ୍ଭ ହୁଏ ଏବଂ ଏହାର ପରଫରମାନ୍ସ ମଧ୍ୟ ପ୍ରଭାବିତ ହୁଏ । ଏହି କାରଣରୁ ଫୋନରେ ବ୍ୟାକ୍ କଭର ଲଗାଇବା କେବଳ ଲାଭଦାୟକ ନୁହେଁ ବରଂ ଏହା କ୍ଷତିକାରକ ମଧ୍ୟ ହୋଇପାରେ ।

ବ୍ୟାକ୍ କଭର ଲଗାଇବା ଉଚିତ କି ନୁହେଁ?
ଫୋନରେ ବ୍ୟାକ୍ କଭର ଲଗାଯିବ କି ନାହିଁ ଏହା ଆପଣଙ୍କ ବ୍ୟକ୍ତିଗତ ପସନ୍ଦ । ଯଦି ଫୋନ୍ ବାରମ୍ବାର ଆପଣଙ୍କ ହାତରୁ ଖସିଯାଏ, ତେବେ ଫୋନରେ ବ୍ୟାକ୍ କଭର ଲଗାଇବା ଆପଣଙ୍କ ପାଇଁ ଲାଭଦାୟକ ହୋଇପାରେ । କିନ୍ତୁ ଗୋଟିଏ କଥା ମନେରଖନ୍ତୁ ଆପଣ ଫୋନକୁ ଚାର୍ଜରେ ଲଗାଇବା ସମୟରେ ଏହାର ବ୍ୟାକ୍ କଭର କାଢି ଦିଅନ୍ତୁ ଏବଂ ଏହା ପରେ ହିଁ ଚାର୍ଜ କରନ୍ତୁ ।

ଯଦି ଆପଣଙ୍କ ଫୋନର ପଛ ଭାଗରେ ଏକ ମ୍ୟାଗନେଟ୍ କଭର ଅଛି, ଏହା ଆପଣଙ୍କ ଜିପିଏସ୍ ସିଷ୍ଟମ ଉପରେ ମଧ୍ୟ ପ୍ରଭାବ ପକାଇପାରେ । ଆପଣଙ୍କୁ କହି ରଖୁଛୁ ଫୋନର କଭର ଯେତେ ମୋଟା ହେବ, ଫୋନ ଗରମ ହେବାର ସମସ୍ୟା ସେତେ ଅଧିକ ହେବ । ଯଦି ଆପଣ ଫୋନରେ କଭର ଲଗାଇଛନ୍ତି, ତେବେ ଗେମିଙ୍ଗ କିମ୍ବା ଭିଡିଓ ସୁଟିଂ କରିବା ସମୟରେ କଭରକୁ ବାହାର କରିଦିଅନ୍ତୁ, ଏହା ଆପଣଙ୍କ ଫୋନକୁ ଗରମ ହେବାରୁ ରକ୍ଷା କରିବ । ସବୁବେଳେ ନିଜ ଫୋନ୍ ପଛରେ ଏକ ନରମ ଏବଂ ଭେଣ୍ଟିଲେଟେଡ୍ କଭର ଲଗାଇବାକୁ ଚେଷ୍ଟା କରନ୍ତୁ, ଯାହା ଦ୍ୱାରା ବାୟୁ ଚଳାଚଳ ହୋଇପାରିବ ଏବଂ ଫୋନରେ ହିଟିଂ ସମସ୍ୟା ହେବ ନାହିଁ ।