Google ଆଣିଲା ନୂଆ ଫିଚର, ଏବେ ପ୍ଲେ ଷ୍ଟୋରରେ ଏକା ସହ ଡାଉନଲୋଡ କରିପାରିବେ ମଲ୍ଟିପଲ୍ ଆପ୍

ବର୍ତ୍ତମାନ ପର୍ଯ୍ୟନ୍ତ ଆମେ ଦେଖିଛୁ ଯେ ଯେତେବେଳେ ଆମେ ଗୁଗୁଲ୍ ପ୍ଲେ ଷ୍ଟୋରରୁ ଏକ ଆପ୍ ଡାଉନଲୋଡ୍ କରୁ, ଗୋଟିଏ ଥରରେ କେବଳ ଗୋଟିଏ ଆପ୍ ହିଁ ଡାଉନଲୋଡ୍ ହୋଇପାରିବ, କିନ୍ତୁ ବର୍ତ୍ତମାନ ଗୁଗୁଲ୍ ଏହାର ୟୁଜରମାନଙ୍କୁ ଏକ ବଡ ଉପହାର ଦେଇଛି । ବର୍ତ୍ତମାନ ଆପଣ ଗୁଗୁଲ୍ ପ୍ଲେ ଷ୍ଟୋରରେ ଏକାସାଙ୍ଗରେ ଦୁଇଟି ଆପ୍ ଡାଉନଲୋଡ୍ କରିପାରିବେ । ଏହା ବ୍ୟତୀତ, ଆପଣ ଏକାସାଙ୍ଗରେ ଏକାଧିକ ଆପ୍ ଅପଡେଟ୍ ମଧ୍ୟ କରିପାରିବେ ।

9To5Google ର ରିପୋର୍ଟ ଅନୁଯାୟୀ, ଗୁଗୁଲ ଏହି ନୂଆ ଫିଚରର ଟେଷ୍ଟିଙ୍ଗ ସମାପ୍ତ କରିଛି ଏବଂ ଏହାକୁ ରୋଲଆଉଟ ମଧ୍ୟ କରାଯାଇଛି । ଏହା ପୂର୍ବରୁ ଯେତେବେଳେ ଆପଣ ଏକ ଆପ୍ ଡାଉନଲୋଡ୍ କରନ୍ତି, ସେହି ଆପ୍ ଡାଉନଲୋଡ୍ କରିବା ପରେ ହି ଅନ୍ୟ ଏକ ଆପ୍ ଡାଉନଲୋଡ୍ ହେବା ଆରମ୍ଭ ହୋଇଥାଏ, କିନ୍ତୁ ବର୍ତ୍ତମାନ ନୂଆ ଫିଚର ଆସିବା ସହିତ ଆପଣଙ୍କ କାର୍ଯ୍ୟ ଅତି ସହଜ ହେବାକୁ ଯାଉଛି । ଯେତେବେଳେ ଆପଣ ନିଜ ଫୋନରେ ଗୁଗୁଲ୍ ଷ୍ଟୋର୍ ଖୋଲିବେ ସେତେବେଳେ ଆପଣ ଏହି ଫିଚର ବିଷୟରେ ଜାଣିପାରିବେ ।

ଯେକୌଣସି ଦୁଇଟି କିମ୍ବା ଅଧିକ ଆପ୍ ଇନଷ୍ଟଲ କରିବାକୁ ଯେତେବେଳେ ଆପଣ ପ୍ଲେ ଷ୍ଟୋର୍‌ରେ କ୍ଲିକ୍ କରନ୍ତି, ଦୁଇଟି ଆପ୍ ଏକାସାଙ୍ଗରେ ଡାଉନଲୋଡ୍ କରିବା ଆରମ୍ଭ କରିବ, ଏହା ସହିତ ଆପଣ ତୃତୀୟ ଆପ୍ ପେଣ୍ଡିଙ୍ଗ ଥିବା ଦେଖିବେ । ଏହି ଉପାୟରେ ଆପଣ ସହଜରେ ଏକାଧିକ ଆଣ୍ଡ୍ରଏଡ୍ ଆପ୍ ଡାଉନଲୋଡ୍ କରିବାକୁ ସମର୍ଥ ହେବେ । ଏହା କିପରି କାମ କରେ ତାହା ଦେଖିବା ପାଇଁ ଆପଣ ଏହାକୁ ନିଜ ଫୋନରେ ମଧ୍ୟ ଯାଞ୍ଚ କରିପାରିବେ ।

ଯେତେବେଳେ ଆପଣ ଏକ ନୂଆ ଆଣ୍ଡ୍ରଏଡ୍ ଫୋନ୍ କିମ୍ବା ଟାବଲେଟ୍ କିଣିବେ ଏହି ଫିଚର ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ ହେବ କାରଣ ଏଥିରେ ଆପଣ ଏକାସାଙ୍ଗରେ ଅନେକ ଆପ୍ ଡାଉନଲୋଡ୍ କରିପାରିବେ । ନିକଟରେ ଗୁଗୁଲ୍ ପ୍ଲେ ଷ୍ଟୋରରେ ଏକ ନୂଆ ଜିନିଷ ଦେଖିବାକୁ ମିଳିଛି । ଭାରତର କିଛି ୟୁଜର ଗୁଗୁଲ ୱାଲେଟକୁ ପ୍ଲେ ଷ୍ଟୋରରେ ଦେଖିଛନ୍ତି, ଯଦିଓ ଗୁଗୁଲ ୱାଲେଟ ବିଷୟରେ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ । କିଛି ଲୋକ ଅନୁମାନ କରିଛନ୍ତି ଯେ ଗୁଗୁଲ ଭାରତରେ ଏହାର ୱାଲେଟ ଟେଷ୍ଟିଙ୍ଗ କରୁଛି ।