ଖୁବଶୀଘ୍ର ଜିଓ ସବୁଠାରୁ ଶସ୍ତା 5G ସ୍ମାର୍ଟଫୋନ ଆଣିବାକୁ ଯାଉଛି । ରିଲାଏନ୍ସ ଜିଓ ଏଥିପାଇଁ ଆମେରିକୀୟ ଚିପମେକର କମ୍ପାନୀ Qualcomm ସହିତ ଏକ ଆଗ୍ରିମେଣ୍ଟ କରିଛି । ଭାରତରେ ଶସ୍ତା 4G ସ୍ମାର୍ଟଫୋନ୍ ପରେ ବର୍ତ୍ତମାନ ଜିଓ ସବୁଠାରୁ ଶସ୍ତା 5G ସ୍ମାର୍ଟଫୋନ୍ ଲଞ୍ଚ କରିବାକୁ ଯାଉଛି । ସୂଚନା ଅନୁଯାୟୀ ରିଲାଏନ୍ସ ଜିଓର ଏହି ଆଫର୍ଡେବଲ୍ 5G ସ୍ମାର୍ଟଫୋନ୍ ଅଗଷ୍ଟରେ ଲଞ୍ଚ ହୋଇପାରେ । ରିଲାଏନ୍ସ ଜିଓର ଏହି ଶସ୍ତା 5G ସ୍ମାର୍ଟଫୋନ୍ ବିଷୟରେ ପୂର୍ବରୁ ମଧ୍ୟ ଅନେକ ରିପୋର୍ଟରେ ପ୍ରକାଶ ପାଇଛି । ଏହି ଶସ୍ତା 5G ସ୍ମାର୍ଟଫୋନ୍ ସହିତ, ଜିଓ ସେହି କୋଟି କୋଟି ୟୁଜରଙ୍କୁ ଟାର୍ଗେଟ କରିବ ଯେଉଁମାନେ ଆଜି ପର୍ଯ୍ୟନ୍ତ 2G ଫିଚର ଫୋନ୍ ବ୍ୟବହାର କରୁଛନ୍ତି ।
ମନି କଣ୍ଟ୍ରୋଲ୍ ରିପୋର୍ଟ ଅନୁଯାୟୀ, ଜିଓ ଏହି ଶସ୍ତା 5G ସ୍ମାର୍ଟଫୋନ୍ ପାଇଁ ଆମେରିକୀୟ ଚିପମେକର କମ୍ପାନୀ Qualcomm ସହିତ ଯୋଗାଯୋଗରେ ଅଛି । ନିକଟରେ ଜଣେ କ୍ୱାଲକମ୍ ଅଧିକାରୀ କହିଛନ୍ତି ଯେ ଜିଓର ଏହି ଆଫର୍ଡେବଲ୍ 5G ସ୍ମାର୍ଟଫୋନ୍ ୟୁଜରଙ୍କୁ ନିଜ ଫୋନ 2G ରୁ 5G କୁ ପରିବର୍ତ୍ତନ କରିବା ପାଇଁ ଆକର୍ଷିତ କରିବ । କହି ରଖୁଛୁ ଯେ ନିକଟରେ ରିଲାଏନ୍ସ ଜିଓ ଟେଲିକମ୍ ରେଗୁଲେଟରକୁ 2G ସର୍ଭିସ ବନ୍ଦ କରିବା ପାଇଁ ଅନୁରୋଧ କରିଥିଲେ, ଯାହା ଦ୍ୱାରା 5G ସର୍ଭିସକୁ ଏକ୍ସପାଣ୍ଡ କରିବା ପାଇଁ ଏକ୍ସଟ୍ରା ସ୍ପେକ୍ଟ୍ରମ ମିଳିପାରିବ ।
ଅକ୍ଟୋବର 2022 ରେ ରିଲାଏନ୍ସ ଜିଓ ଏହାର 5G ସର୍ଭିସ ଲଞ୍ଚ କରିଥିଲା । ଜିଓର 5G ସର୍ଭିସ ଷ୍ଟାଣ୍ଡଆଲୋନ ଟେକ୍ନୋଲୋଜି ଉପରେ ଆଧାରିତ । ସେଥିପାଇଁ କମ୍ପାନୀ ଏହାର ନାମ True 5G ରଖିଛି । ଜିଓ ଷ୍ଟାଣ୍ଡଆଲୋନ 5G ନେଟୱାର୍କ ସପୋର୍ଟ କରୁଥିବା ଏକ ଚିପ ପାଇଁ କ୍ୱାଲକମ୍ ସହିତ ସହଭାଗୀ ହୋଇଛି । ଜିଓ ୨୦୧୨ ମସିହାରେ ଅନୁଷ୍ଠିତ ୪୫ ତମ AGM ସମୟରେ ଜିଓ ଏବଂ କ୍ୱାଲକମ ମଧ୍ୟରେ ହୋଇଥିବା ଚୁକ୍ତିନାମା ବିଷୟରେ ଘୋଷଣା କରିଥିଲା । ଜିଓର ଏହି 5G ସ୍ମାର୍ଟଫୋନର ମୂଲ୍ୟ ୯୯ ଡଲାର ଅର୍ଥାତ୍ ପାଖାପାଖି ୮,୦୦୦ ଟଙ୍କା ହୋଇପାରେ ।
ବର୍ତ୍ତମାନର ସବୁଠାରୁ ଶସ୍ତା 5G ସ୍ମାର୍ଟଫୋନ୍ ୯,୯୯୯ ଟଙ୍କା ମୂଲ୍ୟରେ ଆସିଛି । ଜିଓର 4G ସ୍ମାର୍ଟଫୋନ୍ ପରି, ଏହି 5G ସ୍ମାର୍ଟଫୋନ୍ ମଧ୍ୟ ସେହି ୟୁଜରମାନଙ୍କ ପାଇଁ ହେବ ଯେଉଁମାନେ ସ୍ମାର୍ଟଫୋନ୍ ଯୁଗରେ ମଧ୍ୟ ବେସିକ ଫିଚର ଥିବା ଫୋନ୍ ବ୍ୟବହାର କରନ୍ତି । ଜିଓ ୨୦୧୬ ରେ JioPhone 4G ଫିଚରର ଏକ ଫୋନ୍ ଲଞ୍ଚ କରିଥିଲା, ଯାହା ଟାୟାର୍-୨ ଏବଂ ଟାୟାର୍-୩ ସହରରେ ବିପୁଳ ଲୋକପ୍ରିୟତା ହାସଲ କରିଥିଲା । ଜିଓର ଏହି 5G ସ୍ମାର୍ଟଫୋନ୍ ମଧ୍ୟ ସେହି ସହରଗୁଡିକରେ ଲୋକପ୍ରିୟ ହୋଇପାରେ । ଏହି ଫୋନ୍ ଗୁଗୁଲ୍ ଏବଂ ଜିଓ ଦ୍ୱାରା ଡେଭଲପ ହୋଇଥିବା PragatiOS ରେ କାମ କରିପାରିବ ବୋଲି ସୂଚନା ମିଳିଛି ।
ମେଷ: ଅନ୍ୟମାନଙ୍କ ସଫଳତା ଦ୍ୱାରା ଆର୍ଥିକ ଲାଭବାନ ହେବେ । ପ୍ରେମ କରୁଥିବା ଲୋକଙ୍କୁ ସାଥୀଙ୍କ କଥାକୁ ବୁଝିବାକୁ ପଡ଼ିବ,…
ପ୍ରଧାନମନ୍ତ୍ରୀ ମୋଦିଙ୍କ ସମେତ ୭୨ ଜଣ ମନ୍ତ୍ରୀ ଶପଥ ନେଇଛନ୍ତି। ଏମାନଙ୍କ ମଧ୍ଯରେ ୩୦ ଜଣ କ୍ୟାବିନେଟ ମନ୍ତ୍ରୀ ରହିଥିବା…
ମୋଦିଙ୍କ ଶପଥ ଗ୍ରହଣ ଉତ୍ସବରେ ସେଲିବ୍ରିଟିଙ୍କ ଗହଳି। ଶାହାରୁଖ ଖାନ, ରଜନୀକାନ୍ତ, ଅକ୍ଷୟ କୁମାର ସାମିଲ ହୋଇଥିଲେ। ଅନୀଲ କପୁର,…
ଭୁବନେଶ୍ୱର : ଭୁବନେଶ୍ୱର ଜୟଦେବ ଭବନଠାରେ ଆୟୋଜିତ ‘ଭୁବନେଶ୍ୱର ଚଳଚ୍ଚିତ୍ର ଉତ୍ସବ’ ରବିବାର ସନ୍ଧ୍ୟାରେ ଉଦଯାପିତ ହୋଇଛି । ଶେଷ…
ମୋଦିଙ୍କ ନୂଆ ଟିମରେ ଓଡ଼ିଶାର ୩ ସାଂସଦ । ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ ଓ ଅଶ୍ବିନୀ ବୈଷ୍ଣବ ।…
ନୂଆଦିଲ୍ଲୀ : ପ୍ରଧାନମନ୍ତ୍ରୀ ଭାବେ ଶପଥ ନେଲେ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୩ୟ ଇନିଂସ ଆରମ୍ଭ …