ପ୍ରତିବର୍ଷ ଦୀପାବଳିର କିଛି ଦିନ ପରେ ବିବାହ ଋତୁ ଆରମ୍ଭ ହୋଇଯାଏ। ଚଳିତ ବର୍ଷ ମଧ୍ୟ ଅନେକ ପରିବାରର ପୁଅ ଓ ଝିଅ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏପରି ପରିସ୍ଥିତିରେ ଆପଣଙ୍କୁ ସରକାରଙ୍କ ଏହି ଯୋଜନା ବିଷୟରେ ନିହାତି ଭାବେ ପତ୍ତା ଥିବା ଉଚିତ। ଆଜି ଆମେ ଆପଣଙ୍କୁ ଏପରି ଏକ ଯୋଜନା ବିଷୟରେ କହିବାକୁ ଯାଉଛି, ଯାହା ଅଧିନରେ ସରକାର ନୂଆ ବିବାହିତ ଦମ୍ପତିଙ୍କୁ ୨ ଲକ୍ଷ ୫୦ ହଜାର ଟଙ୍କା ଦେଉଛନ୍ତି । ଯଦି ଆପଣ ଏହି ଯୋଜନାରେ ଆବେଦନ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ ନିଜ ଅଞ୍ଚଳର ସାଂସଦ କିମ୍ବା ବିଧାୟକଙ୍କ ପାଖକୁ ଯାଇ ଆବେଦନ କରିବାକୁ ପଡ଼ିବ । ତେବେ ଆଉ ବିଳମ୍ବ ନକରି ଆସନ୍ତୁ ଜାଣିବା ଏହି ଯୋଜନାର ଲାଭ କିପରି।
– ଏହି ଯୋଜନାର ଲାଭ ଉଠାଇବାକୁ ଆପଣଙ୍କୁ ନିଜ ଅଞ୍ଚଳର ବିଧାୟକ କିମ୍ବା ସାଂସଦଙ୍କ ନିକଟକୁ ଯିବାକୁ ପଡିବ । ଆପଣଙ୍କ ଦ୍ୱାରା ଦିଆଯାଇଥିବା ଆବେଦନକୁ ସେମାନେ ଡକ୍ଟର ଆମ୍ବେଦକର ଫାଉଣ୍ଡେସନ କାର୍ଯ୍ୟାଳୟକୁ ପଠାଇବେ ।
– ଆପଣ ରାଜ୍ୟ ସରକାର କିମ୍ବା ଜିଲ୍ଲା ପ୍ରଶାସନ କାର୍ଯ୍ୟାଳୟରେ ମଧ୍ୟ ଏହି ଯୋଜନା ପାଇଁ ଆବେଦନ କରିପାରିବେ । ଧ୍ୟାନ ରଖନ୍ତୁ ଯେ ଆବେଦନକୁ ସମ୍ପୂର୍ଣ୍ଣ ରୂପେ ପୂରଣ କରିବେ ଏବଂ ନିୟମ ଅନୁଯାୟୀ ଏହାକୁ ଅଫିସରେ ଦାଖଲ କରିବେ । ସେଠାରୁ ମଧ୍ୟ ଆପଣଙ୍କର ଆବେଦନ ଡକ୍ଟର ଆମ୍ବେଦକର ଫାଉଣ୍ଡେସନକୁ ପଠାଇ ଦିଆଯିବ ।
ଏହି ଯୋଜନା ଅଧୀନରେ କେବଳ ସେହି ଲୋକଙ୍କ ଆବେଦନଗୁଡ଼ିକ ଗ୍ରହଣ କରାଯାଏ, ଯେଉଁମାନେ ସାଧାରଣ ବର୍ଗର ହୋଇ କୌଣସି ଦଳିତ ସମ୍ପ୍ରଦାୟର ଝିଅ ସହ ବିବାହ କରନ୍ତି ଅର୍ଥାତ୍ ବାହାହେବାକୁ ଯାଉଥିବା ପୁଅ ଏବଂ ଝିଅ ଗୋଟିଏ ଜାତିର ହୋଇନଥିବା ଉଚିତ୍ । ଆପଣଙ୍କ ବାହାଘର ହିନ୍ଦୁ ବିବାହ ଅଧିନିୟମ ୧୯୫୫ ଅନୁଯାୟୀ ପଞ୍ଜୀକୃତ ହେବା ଉଚିତ୍ । ଏହାକୁ ଧ୍ୟାନରେ ରଖନ୍ତୁ, ଏହା ଆପଣଙ୍କର ପ୍ରଥମ ବିବାହ ହେବା ଉଚିତ୍ । ଯଦି ଏହା ଆପଣଙ୍କର ଦ୍ୱିତୀୟ ବିବାହ ତେବେ ଆପଣ ଏହି ଯୋଜନାର ଲାଭ ଉଠାଇ ପାଇବେ ନାହିଁ । ଏହି ଯୋଜନାରେ ଏହି କଥାକୁ ମଧ୍ୟ ଧ୍ୟାନ ରଖିବାକୁ ହେବ ଯେ ଆପଣ ଯଦି କେନ୍ଦ୍ର ସରକାର କିମ୍ବା ରାଜ୍ୟ ସରକାରଙ୍କ ଅନ୍ୟ କୌଣସି ସରକାରୀ ଯୋଜନାର ଲାଭ ଉଠାଇଛନ୍ତି, ତେବେ ଏହାର ପରିମାଣ କମାଯାଏ ।
-ନୂଆ ବିବାହିତ ଯୋଡିଙ୍କୁ ନିଜର ଜାତିଗତ ପ୍ରମାଣ ପତ୍ରକୁ ଏହି ଆବେଦନ ସହିତ ସଂଲଗ୍ନ କରିବାକୁ ପଡିବ ।
– ବିବାହ ପ୍ରମାଣପତ୍ର ଆବେଦନ ସହିତ ଦାଖଲ କରିବାକୁ ପଡିବ ।
-ଆପଣଙ୍କୁ ଏକ ଆଫିଡେଭିଟ୍ ମଧ୍ୟ ଦେବାକୁ ପଡିବ, ଯେଉଁଥିରେବିବାହିତ ବୋଲି ଦର୍ଶାଯାଇଥିବ।
-ଆପଣଙ୍କୁ ଏହା ବି ପ୍ରମାଣ ଦେବାକୁ ପଡିବ ଯେ ଏହା ଆପଣଙ୍କର ପ୍ରଥମ ବିବାହ।
-ସ୍ୱାମୀ ସ୍ତ୍ରୀଙ୍କ ଇନକମ୍ ସାର୍ଟିଫିକେଟ୍ ଜମା କରିବାକୁ ପଡ଼ିବ ।
-ଆପଣଙ୍କ ଜଏଣ୍ଟ୍ ବ୍ୟାଙ୍କ ଆକାଉଣ୍ଟ ଜମା ହେବ, ଯେଉଁଥିରେ ଆପଣଙ୍କୁ ଟଙ୍କା ଟ୍ରାନ୍ସଫର କରାଯିବ ।
-ଆବେଦନପତ୍ର ଦାଖଲ କରିବା ପରେ ଏହା ଯାଞ୍ଚ କରାଯାଇଥାଏ ଏବଂ କିଛି ଦିନ ପରେ ସେମାନଙ୍କ ନାମରେ ସ୍ୱାମୀ-ସ୍ତ୍ରୀଙ୍କ ବ୍ୟାଙ୍କ ଆକାଉଣ୍ଟକୁ ୧.୫ ଲକ୍ଷ ଟଙ୍କା ଟ୍ରାନ୍ସଫର କରାଯାଇଥାଏ, ବାକି ୧ ଲକ୍ଷ ଟଙ୍କା ଏଫଡି ଆକାରରେ ଦିଆଯାଏ ।
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…