ଚଷମାରେ ହେବ ଇନଷ୍ଟାଗ୍ରାମ ଷ୍ଟୋରୀ ପୋଷ୍ଟ । କଥା ଟା ଆପଣଙ୍କୁ ବିଶ୍ୱାସ ହେଉନଥିଲେ ବି ଏଭଳି କିଛି ସତରେ ହେବାକୁ ଯାଉଛି । ଟେକ୍ନୋଲୋଜିରେ ହେଉଥିବା ପରିବର୍ତ୍ତନ ପାଇଁ ଏହା ସମ୍ଭବ ହେବ । ଏବେ ଆପଣ ଫୋନ ବ୍ୟବହାର ନକରି ବି ସନ୍ ଗ୍ଲାସେସ୍ ସାହାଯ୍ୟରେ ଇନଷ୍ଟାଗ୍ରାମ ଷ୍ଟୋରୀରେ ନିଜ ଫୋଟକୁ ସେୟାର କରିପାରିବେ ।
ଗତ କିଛି ମାସ ମଧ୍ୟରେ ମେଟାର Ray-Ban ସ୍ମାର୍ଟ ଗ୍ଲାସେସ୍ ରେ ଅନେକ ନୂଆ ଫିଚର ଆଡ୍ କରାଯାଇଛି । ଏହି ଖାସ୍ ଫିଚର ଗୁଡିକ ମଧ୍ୟରୁ ଗୋଟିଏ ହେଉଛି ସିଧାସଳଖ ଇନଷ୍ଟାଗ୍ରାମରେ ଷ୍ଟୋରୀ ପୋଷ୍ଟ କରିବାର ସୁବିଧା । ବର୍ତ୍ତମାନ ଆପଣ ଫୋନ୍ ବ୍ୟବହାର ନକରି ମଧ୍ୟ ଇନଷ୍ଟାଗ୍ରାମ ଷ୍ଟୋରୀରେ Ray-Ban ଚଷମା ଦ୍ୱାରା ଫଟୋ ସେୟାର କରିପାରିବେ । ମେଟା ଏହାର Ray-Ban ଚଷମା ପାଇଁ ଆମାଜନ ମ୍ୟୁଜିକ୍ ଏବଂ ମେଡିଟେସନ୍ ଆପ ଭଳି ଅପଡେଟ୍ସକୁ ଜାରି କରିଛି ।
ଆପଣ Ray-Ban ଗ୍ଲାସେସ୍ ରେ ଉଠାଇଥିବା ଫଟୋକୁ ଭଏସ୍ କମାଣ୍ଡ ଦେଇ ପୋଷ୍ଟ କରିପାରିବେ । ଗୋଟିଏ ଫଟୋ ଉଠାଇବା ପରେ ଆପଣ କହିପାରିବେ “ହେ ମେଟା, ସେୟାର ମାଏ ଲାଷ୍ଟ ଫଟୋ ଟୁ ଇନଷ୍ଟାଗ୍ରାମ” କିମ୍ବା ଏକ ନୂଆ ଫଟୋ ଉଠାଇବା ପୂର୍ବରୁ ଆପଣ “ ପୋଷ୍ଟ ଏ ଫଟୋ ଟୁ ଇନଷ୍ଟାଗ୍ରାମ” କହିପାରିବେ । ମେଟା ଭ୍ୟୁ ଆପ୍ ମାଧ୍ୟମରେ ଆପଣ Ray-Ban ଗ୍ଲାସ୍ ଦ୍ୱାରା ନିଆଯାଇଥିବା ଫଟୋକୁ ପୋଷ୍ଟ କରିପାରିବେ ।
ଏହା କରିବା ପାଇଁ ଆପଣଙ୍କୁ କେବଳ ଆପ୍ ଖୋଲିବାକୁ ପଡିବ । ଗ୍ୟାଲେରୀ ସେକ୍ସନକୁ ଯିବା ପରେ ଆପଣ ଇନଷ୍ଟାଗ୍ରାମ, ଇନଷ୍ଟାଗ୍ରାମ ଷ୍ଟୋରୀ, ହ୍ଵାଟସ୍ ଆପ୍, ଫେସବୁକ୍ ଷ୍ଟୋରୀ ଏବଂ ଫେସବୁକ୍ ପୋଷ୍ଟରେ ସେୟାର କରିବାକୁ ଚାହୁଁଥିବା ଫଟୋକୁ ବାଛିବେ । କିନ୍ତୁ ମନେରଖନ୍ତୁ ଇନଷ୍ଟାଗ୍ରାମରେ ଫଟୋ ସେୟାର କରିବା ପାଇଁ ଆପଣଙ୍କୁ ଆପଣଙ୍କର ଇନଷ୍ଟାଗ୍ରାମ ଆକାଉଣ୍ଟକୁ ମେଟା ଆପ୍ ସହିତ କନେକ୍ଟ କରିବାକୁ ପଡିବ । ମେଟା ଭ୍ୟୁ ଆପ୍ ସହିତ ଲିଙ୍କ୍ ହୋଇଥିବା ଇନଷ୍ଟାଗ୍ରାମ ପ୍ରୋଫାଇଲ୍ ସବୁବେଳେ ଆପଣଙ୍କ ମୋବାଇଲ୍ ଫୋନରେ ଖୋଲା ରହିବ । ଯଦି ଆପଣ ଆପଣଙ୍କର ମୋବାଇଲ୍ ଫୋନରେ ଭିନ୍ନ ଭିନ୍ନ ପ୍ରୋଫାଇଲ୍ ବ୍ୟବହାର କରନ୍ତି, ତେବେ ମେଟା ଭ୍ୟୁ ଏବଂ ଇନଷ୍ଟାଗ୍ରାମ ମଧ୍ୟରେ ଥିବା କନେକ୍ସନ ଖରାପ ହେବ ।
ଏହା ବ୍ୟତୀତ ଚାଲିବା ସମୟରେ ମେଡିଟେସନ ଏବଂ ମାଇଣ୍ଡଫୁଲନେସ୍ ଏକ୍ସରସାଇଜ୍ କରିବା ପାଇଁ ମେଡିଟେସନ୍ ଆପ୍ calm ସହିତ ମେଟା ପାର୍ଟନରସିପ୍ କରିଛି । ଯେଉଁମାନେ Ray-Ban ଗ୍ଲାସେସ୍ କିଣୁଛନ୍ତି calm ଆପ୍ ସେମାନଙ୍କୁ ତିନିମାସ ର ମାଗଣା ସବସ୍କ୍ରିପସନ୍ ଦେଉଛି । ଏହି ଚଷମାରେ ବର୍ତ୍ତମାନ ଆମାଜନ ମ୍ୟୁଜିକ୍ ମଧ୍ୟ ଷ୍ଟ୍ରିମ୍ କରାଯାଇ ପାରିବ । ଆପଣ ନିଜ ସ୍ୱର କିମ୍ବା ଟଚ୍ ଦ୍ୱାରା ଭଲ୍ୟୁମ୍ କୁ ବଦଳାଇ ପାରିବେ । ପୂର୍ବରୁ Ray-Ban ଗ୍ଲାସେସ୍ ରେ ସ୍ପୋଟିଫାଏ ଥିଲା ଏବଂ ବର୍ତ୍ତମାନ ଏଥିରେ ଆପଲ୍ ମ୍ୟୁଜିକ୍ କୁ ମଧ୍ୟ ସାମିଲ କରାଯାଇଛି ।
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…
ହଲିଉଡର ଲୋକପ୍ରିୟ ଅଭିନେତା ତମାୟୋ ପେରୀଙ୍କ ମୃତ୍ୟୁ । ଶାର୍କ ଆକ୍ରମଣ କରିବାକୁ ମାତ୍ର ୪୯ ବର୍ଷ ବୟସରେ ତମାୟୋଙ୍କ…
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…