ପ୍ରସ୍ତୁତ ହେଉଛି ସାମସଙ୍ଗ୍‌, ଏହି ଦିନ ଲଞ୍ଚ କରିବ ନୂଆ ଫୋଲଡେବଲ୍ ସ୍ମାର୍ଟଫୋନ୍

ସାମସଙ୍ଗ ଖୁବ୍ ଶୀଘ୍ର ଏହାର ପରବର୍ତ୍ତୀ ଫୋଲଡେବଲ୍ ସ୍ମାର୍ଟଫୋନ୍ ଲଞ୍ଚ କରିବ। ସାଉଥ କୋରିଆନ୍‌ କମ୍ପାନୀର ଏହି ଫୋଲଡେବଲ୍ ସ୍ମାର୍ଟଫୋନ୍ ଗାଲାକ୍ସି S24 ସିରିଜ୍ ପରି AI ଫିଚର ଦ୍ୱାରା ଲ୍ୟାସ ହେବ । ବର୍ତ୍ତମାନ ସାମସଙ୍ଗର Galaxy Unpacked ଇଭେଣ୍ଟର ତାରିଖ ଲିକ୍ ହୋଇଛି । ସାମସଙ୍ଗର ଏହି ମେଗା ଲଞ୍ଚ ଇଭେଣ୍ଟ ଜୁଲାଇରେ ଆୟୋଜିତ ହେବ । ଏହି ଇଭେଣ୍ଟରେ Galaxy Z Fold 6 ଏବଂ Galaxy Z Flip 6 ସହିତ Galaxy Ring ସର୍ବଭାରତୀୟ ସ୍ତରରେ ଲଞ୍ଚ ହୋଇପାରିବ ।

ରିପୋର୍ଟ ଅନୁଯାୟୀ ସାମସଙ୍ଗର ଏହି ଅପକମିଂ ଇଭେଣ୍ଟ ଜୁଲାଇ ୧୦ ରେ ଆୟୋଜିତ ହେବ । ଚଳିତ ବର୍ଷ ପ୍ୟାରିସରେ ସାମସଙ୍ଗ ଏହି କାର୍ଯ୍ୟକ୍ରମ ଆୟୋଜିତ କରିବ । ସୂଚନା ଥାଉ କି ଚଳିତ ବର୍ଷ ଅଲିମ୍ପିକ୍ ଗେମ୍ସ ପ୍ୟାରିସରେ ହିଁ ଆୟୋଜିତ ହେଉଛି । ୨୬ ଜୁଲାଇରେ ଦୁନିଆର ସବୁଠୁ ବଡ ସ୍ପୋର୍ଟ୍ସ ଇଭେଣ୍ଟ ଆୟୋଜିତ ହେବ । ଏହି ଅବସରରେ ସାମସଙ୍ଗ ନିଜର ଆଗାମୀ ଫୋଲଡେବଲ୍ ଫୋନରେ ଏକ ନୂଆ ମଡେଲ୍ ମଧ୍ୟ ଲଞ୍ଚ କରିବ ବୋଲି କୁହାଯାଉଛି ।

ରିପୋର୍ଟ ଅନୁଯାୟୀ କମ୍ପାନୀ ଚଳିତ ବର୍ଷ Galaxy Z Fold 6 Ultra ଲଞ୍ଚ କରିପାରିବ। ଷ୍ଟାଣ୍ଡାର୍ଡ ମଡେଲ ତୁଳନାରେ ଏହି ଫୋନ୍ ଅପଗ୍ରେଡେଡ୍ ହାର୍ଡୱେର୍ ସହିତ ଆସିପାରେ । ଏହି ଫୋନ୍ କେବଳ କିଛି ଦେଶରେ ହିଁ ଲଞ୍ଚ ହେବ ।

ସାମସଙ୍ଗର ଏହି ମେଗା ଲଞ୍ଚ ଇଭେଣ୍ଟରେ Galaxy Watch 7 ସିରିଜ୍ ମଧ୍ୟ ଲଞ୍ଚ ହେବ । ଏହା ବ୍ୟତୀତ Samsung Galaxy Tab 10 ସିରିଜ୍ ମଧ୍ୟ ଲଞ୍ଚ ହେବ । କେବଳ ଏତିକି ନୁହେଁ ସାମସଙ୍ଗର ଏକ୍ସଟେଣ୍ଡେଡ୍‌ ଭର୍ଚୁଆଲ୍ ରିଆଲିଟି ହେଡସେଟ୍ (XR) ରୁ ମଧ୍ୟ ପରଦା ହଟା ଯାଇପାରିବ । ଚଳିତ ବର୍ଷ ଆରମ୍ଭରେ ଅନୁଷ୍ଠିତ ହୋଇଥିବା Galaxy Unpacked ଇଭେଣ୍ଟରେ କମ୍ପାନୀ ପ୍ରଥମ ଥର ପାଇଁ Galaxy AI ଦ୍ୱାରା ଲ୍ୟାସ୍‌ ହୋଇଥିବା ପ୍ରିମିୟମ୍ ସ୍ମାର୍ଟଫୋନ୍ ସିରିଜ୍ ଆଣିଥିଲା । ରିପୋର୍ଟ ଅନୁଯାୟୀ ସାମସଙ୍ଗ ଏହାର ଫ୍ଲାଗସିପ୍ ଫୋଲଡେବଲ୍ ସ୍ମାର୍ଟଫୋନ୍ ସିରିଜରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଫିଚର ମଧ୍ୟ ଯୋଡ଼ିବ ବୋଲି କୁହାଯାଉଛି ।