ଟାଟା ମୋଟର୍ସ ଏବଂ ମାରୁତି ସୁଜୁକି କାରଗୁଡିକ ଉପରେ ଦେଉଛନ୍ତି ବଡ଼ ଡ଼ିସକାଉଣ୍ଟ, ଜାଣନ୍ତୁ ସମ୍ପୂର୍ଣ୍ଣ ତଥ୍ୟ

ଦର୍ଶକବନ୍ଧୁ ଖୁବ ଶୀଘ୍ର ନୂଆବର୍ଷ ଆସିବାକୁ ଯାଉଛି । ପ୍ରତିବର୍ଷ ଶେଷରେ କାର କମ୍ପାନୀମାନେ ଅନେକ ଅଫର ଏବଂ ଡ଼ିସକାଉଣ୍ଟ ଦେଇଥାନ୍ତି । ଏହି ବର୍ଷର ଶେଷ ଡ଼ିସକାଉଣ୍ଟ ଭାରତର ଦୁଇ ଅଗ୍ରଣୀ ଅଟୋମେକର୍ସଙ୍କ ଦ୍ୱାରା ପ୍ରଦାନ କରାଯାଉଛି । ଟାଟା ମୋଟର୍ସ ଏବଂ ମାରୁତି ସୁଜୁକି ବର୍ତ୍ତମାନ ନିଜର କିଛି ସିଲେକ୍ଟେଡ଼ କାର ମାନଙ୍କ ଉପରେ ଭାରି ଡ଼ିସକାଉଣ୍ଟ ଦେଉଛନ୍ତି । ଯଦି ଆପଣ ମଧ୍ୟ ନୂଆ କାର କିଣିବାକୁ କିମ୍ବା ଏକ୍ସଚେଞ୍ଜ କରିବାକୁ ଚାହୁଁଛନ୍ତି ଏହା ଆପଣଙ୍କ ପାଇଁ ସୁବର୍ଣ ସୁଯୋଗ ।

ଦେଶର ସର୍ବବୃହତ କାର ନିର୍ମାତା କମ୍ପାନୀ ମାରୁତି ସୁଜୁକି ଡିସେମ୍ବର ୨୦୨୩ରେ jimny, fronx ଏବଂ ଗ୍ରାଣ୍ଡ ଭିଟାରା ଭଳି ସିଲେକ୍ଟେଡ଼ ମଡେଲ ଉପରେ ୨.୩ ଲକ୍ଷ ଟଙ୍କା ପର୍ଯ୍ୟନ୍ତ ଡିସକାଉଣ୍ଟ ଦେଉଛନ୍ତି । ସେହିଭଳି ଭାବରେ ଟାଟା ମୋଟର୍ସ ମଧ୍ୟ ନିଜର ଅନେକ ମଡେଲ ଉପରେ ୧.୨୫ ଲକ୍ଷ ଟଙ୍କା ପର୍ଯ୍ୟନ୍ତ ଡିସକାଉଣ୍ଟ ଦେଉଛନ୍ତି । ଆଗ୍ରହୀ ଗ୍ରାହକମାନେ ଏହି ଅଫରଗୁଡିକ ଡିସକାଉଣ୍ଟ, ଏକ୍ସଚେଞ୍ଜ ବୋନସ୍ ଏବଂ କର୍ପୋରେଟ୍ ଡିସକାଉଣ୍ଟ ଆକାରରେ ଲାଭ ଉଠାଇ ପାଇପାରିବେ । ତେବେ ଦର୍ଶକବନ୍ଧୁ ଚାଲନ୍ତୁ ଏହି ସଂପୂର୍ଣ୍ଣ ବିବରଣୀ ବିଷୟରେ ଜାଣିବା ।

ମାରୁତି ସୁଜୁକି ଜିମନି:

ମାରୁତି ସୁଜୁକି ନିକଟରେ ୧୦.୭୪ ଲକ୍ଷ ଟଙ୍କା (ଏକ୍ସ ଶୋ’ରୁମ୍) ମୂଲ୍ୟରେ ଭାରତୀୟ ବଜାରରେ jimny thunder edition ଲଞ୍ଚ କରିଛି । ଏଣ୍ଟ୍ରି-ଲେବଲ ମାରୁତି ସୁଜୁକି ଜିମନି ଭାରିଆଣ୍ଟ ଉପରେ କମ୍ପାନୀ ୨.୩ ଲକ୍ଷ ଟଙ୍କା ଡିସକାଉଣ୍ଟ ଦେଉଛି । ସେହିଭଳି ଗ୍ରାହକ ମାନେ ଆଲଫା ଏବଂ ଜେଟା ଭାରିଆଣ୍ଟ ଉପରେ ୨ ଲକ୍ଷ ଟଙ୍କା ପର୍ଯ୍ୟନ୍ତ ଡିସକାଉଣ୍ଟ ପାଇପାରିବେ ।

ମାରୁତି ସୁଜୁକି ଫ୍ରନକ୍ସ:

ସାରା ଦେଶରେ ମାରୁତି ସୁଜୁକି ଫ୍ରନକ୍ସର କିଛି ସିଲେକ୍ଟେଡ଼ ଭାରିଆଣ୍ଟ ଉପରେ ୪୦ ହଜାର ଟଙ୍କା ପର୍ଯ୍ୟନ୍ତ ଡିସକାଉଣ୍ଟର ରହିଛି । ବାଲେନୋର ଡିଜାଇନ ଉପରେ ଆଧାରିତ ମାରୁତି ଫ୍ରନକ୍ସ ମାର୍କେଟରେ ଖୁବ ଭଲ ରେସପନ୍ସ ପାଇଛି ଏବଂ ଲଞ୍ଚ ହେବା ଦିନଠାରୁ ଏହା ସବୁଠୁ ଅଧିକ ବିକ୍ରି ହେଉଥିବା ମାରୁତି ସୁଜୁକି ନେକ୍ସା କାର ମଧ୍ୟରେ ଅନ୍ୟତମ ।

ମାରୁତି ସୁଜୁକି ଗ୍ରାଣ୍ଡ ଭିଟାରା:

ଚଳିତ ମାସରେ ମାରୁତି ସୁଜୁକି ଗ୍ରାଣ୍ଡ ଭିଟାରାର ସିଲେକ୍ଟେଡ଼ ବ୍ରାଣ୍ଡ ଉପରେ ୩୫ ହଜାର ଟଙ୍କା ପର୍ଯ୍ୟନ୍ତ ଡିସକାଉଣ୍ଟ ଦେଉଛି । ଏହାର ହାଇବ୍ରିଡ୍ ଭାରିଆଣ୍ଟସ୍ ଉପରେ ୨୫,୦୦୦ ଟଙ୍କା ପର୍ଯ୍ୟନ୍ତ ଡିସକାଉଣ୍ଟ ମିଳୁଛି । ଖବର ଅନୁଯାୟୀ, ମାରୁତି ସୁଜୁକି ଜାନୁଆରୀ ୨୦୨୩ରୁ ଏହାର ମଡେଲଗୁଡିକର ମୂଲ୍ୟ ବୃଦ୍ଧି କରିବ ବୋଲି ଘୋଷଣା କରିଛି । କାର ନିର୍ମାତାମାନେ ମୂଲ୍ୟ ବୃଦ୍ଧିର ପରିମାଣ ଏପର୍ଯ୍ୟନ୍ତ ପ୍ରକାଶ କରି ନାହାଁନ୍ତି ।

ସେହିଭଳି ଟାଟା ମୋଟର୍ସ ଏହାର କିଛି ସିଲେକ୍ଟେଡ଼ କାର ଭାରିଆଣ୍ଟସ ଯେପରିକି Tiago, Tigor, Altroz, Nexon, Harrier ଓ Safari ଭଳି ମଡେଲ ଉପରେ ଭାରୀ ଡିସକାଉଣ୍ଟ ଦେଉଛି । ଏହି ଡିସକାଉଣ୍ଟ କମ୍ପାନୀରେ EV lineup ପାଇଁ ପ୍ରଯୁଜ୍ୟ । ତେବେ ଆସନ୍ତୁ ଜାଣିବା କେଉଁ କାର ଉପରେ କେତେ ଡିସକାଉଣ୍ଟ ଦେଉଛି ଟାଟା ମୋଟର୍ସ ।

ଟାଟା ଅଲଟ୍ରୋଜର ଡିଜେଲ ଭାରିଆଣ୍ଟ ଉପରେ କମ୍ପାନୀ ୨୦,୦୦୦ଟଙ୍କା ଡିସକାଉଣ୍ଟ ଦେଉଥିବା ବେଳେ ୧୦,୦୦୦ ଟଙ୍କା ପର୍ଯ୍ୟନ୍ତ ଏକ୍ସଚେଞ୍ଜ ବୋନସ ଦେଉଛି । ସେହିଭଳି ଏହାର CNG ଭାରିଆଣ୍ଟସ ଉପରେ ୧୦,୦୦୦ ଟଙ୍କା ଏକ୍ସଚେଞ୍ଜ ବୋନସ ସହ ଟୋଟାଲ ୪୦,୦୦୦ ଟଙ୍କା ପର୍ଯ୍ୟନ୍ତ ଡିସକାଉଣ୍ଟ ମିଳୁଛି ।

ସେହିଭଳି ଅକ୍ଟୋବର ମାସରେ ଲଞ୍ଚ ହୋଇଥିବା ଟାଟା ସଫାରୀ ଓ Harrier ଉପରେ କମ୍ପାନୀ ୨୫,୦୦୦ ଟଙ୍କା ଏକ୍ସଚେଞ୍ଜ ସହ ୭୫,୦୦୦ ଟଙ୍କା ଡିସକାଉଣ୍ଟ ଦେଉଛି ଏବଂ Harrierର ADAS ଭାରିଆଣ୍ଟ ଉପରେ ସମୁଦାୟ ୧.୨୫ ଟଙ୍କାର ଡିସକାଉଣ୍ଟ ଦେଉଛି । ସେହିଭଳି ନେକ୍ସନ ଡ଼ିସେଲ ଏବଂ ପେଟ୍ରୋଲ ଭାରିଆଣ୍ଟ ଉପରେ ୪୦,୦୦୦ ଟଙ୍କାର ଡିସକାଉଣ୍ଟ ବେନିଫିଟସ ମିଳୁଥିବା ବେଳେ ନେକ୍ସନ ଏମ୍ପଟି ପେଟ୍ରୋଲ ଭାରିଆଣ୍ଟ ଉପରେ ଆଉ ୨୦,୦୦୦ ଟଙ୍କାର ଅଧିକ ଡିସକାଉଣ୍ଟ ମିଳୁଛି ।

ସବୁଠୁ ବଡ଼କଥା ହେଲା କମ୍ପାନୀ ପ୍ରଥମ ଥର ପାଇଁ ଟାଟା ପଞ୍ଚ ଉପରେ ୧୦,୦୦୦ ଟଙ୍କାର ଏକ୍ସଚେଞ୍ଜ ବୋନସ ଦେଉଛି । ଟାଟା ଟିଆଗୋ ଓ ଟିଗର ଭଳି ଭାରିଆଣ୍ଟସ ଉପରେ ପ୍ରାୟ ୭୫,୦୦୦ ଟଙ୍କାର ଡିସକାଉଣ୍ଟ ଦେଉଛି । ଡିସକାଉଣ୍ଟ ଓ ସେଲସ ସମ୍ବନ୍ଧୀୟ ସବିଶେଷ ତଥ୍ୟ ପାଇଁ ନିକଟସ୍ଥ ଶୋ ରୁମ ଭିଜିଟ କରିପାରିବେ ।