ବ୍ୟବସାୟ ଓ ଅର୍ଥନୀତି

କାର ପାର୍କିଂ ଟେନ୍‌ସନରୁ ହୋଇଯାନ୍ତୁ ମୁକ୍ତ, ଏବେ ଆପେ ଆପେ ହୋଇଯିବ କାର ପାର୍କିଂ

ସାଧାରଣତଃ ନିଜ କାରକୁ ପାର୍କିଂ କରିବା ସମୟରେ ଅନେକ ଅସୁବିଧାର ସମ୍ମୁଖିନ ହେବାକୁ ପଡିଥାଏ। ତେବେ ଏହି ସମସ୍ୟାକୁ ଦୂର
କରିବା ପାଇଁ ଲକ୍ଜରି କାର ନିର୍ମାତା ମର୍ସିଡିଜୁ –ବେଞ୍ଜ, ପ୍ରମୁଖ ଇଞ୍ଜିନିୟର ବୋସ୍‌ ଏବଂ ପାର୍କିଂ ଗ୍ୟାରେଜ ଅପରେଟର ଆପକୋ (ୟୁକେର କାର ପାର୍କିଂ ସଂସ୍ଥା) ମିଳିତ ଭାବରେ ଜର୍ମାନୀର ଷ୍ଟଟ୍‌ଗାର୍ଟ ବିମାନ ବନ୍ଦରରେ ବିଶ୍ୱର ପ୍ରଥମ ଅଟୋମେଟେଡ ଡ୍ରାଇଭରଲେସ ପାର୍କିଂ ଗ୍ୟାରେଜକୁ ଆବିଷ୍କାର କରିଛନ୍ତି। ଏଣିକି କାରର ପାର୍କିଂ ସମୟରେ ଅଯଥା ଅସୁବିଧାର ସମ୍ମୁଖୀନ ହେବାକୁ ପଡିବ ନାହିଁ। ତେବେ ଖୁବଶୀଘ୍ର ଏହି ଅଟୋମେଟେଡ ଭାଲେଟ ପାର୍କିଂ ସିଷ୍ଟମ ବ୍ୟାବସାୟିକ କାର୍ଯ୍ୟ ପାଇଁ ଉପଲବ୍ଧ ହେବ।

ବୋସ୍‌ ଏବଂ ମର୍ସିଡିଜ-ବେଞ୍ଜ ଉଭୟ ମିଶି ଆବିଷ୍କାର କରିଥିବା ଏହି ନୂଆ ସିଷ୍ଟମ୍‌କୁ ଇଣ୍ଟେଲିଜେଣ୍ଟ ପାର୍କି ପାଇଲଟ ନାମରେ ନାମିତ କରାଯାଇଛି ଯାହା ପ୍ରଥମେ ଏସ୍‌ କ୍ଲାସରେ ଉପଲବ୍ଧ ହେବ। ଗ୍ରାହକମାନେ ଗାଡି କିଣିବା ସମୟରେ ଉପଯୁକ୍ତ ପ୍ରି ଇନଷ୍ଟଲକୁ ବାଛି ପାରିବେ ଏବଂ ଏହା ଲଞ୍ଚ ହେବା ପରେ ଟେକ୍‌ ଉପଲବ୍ଧ ହେବ। ସେହିପରି ନୂଆ ଏସ୍‌-କ୍ଲାସ ସହିତ ଏହି ଅଟୋମେଟେଡ ଡ୍ରାଇଭର ଲେସ୍‌ କାରର ପ୍ରସ୍ତୁତି ଲକ୍ଜରି ଡ୍ରାଇଭିଙ୍ଗ ସହିତ ଉନ୍ନତ ପାର୍କିଂ ପାଇଁ ମଧ୍ୟ କରାଯାଇଛି ବୋଲି ମର୍ସିଡିଜ-ବେଞ୍ଜ ଏଜିରେ ଅଟୋମେଟେଡ ଡ୍ରାଇଭିଙ୍ଗର ମୁଖ୍ୟ ମାଇକେଲ ହାଫ୍‌ନର କହିଛନ୍ତି।ଏହି ଅଟୋମେଟେଡ ଡ୍ରାଇଭର ଲେସ୍‌ କାର ବୋସ୍‌ କ୍ୟାମେରାକୁ ବ୍ୟବହାର କରି ପାର୍କିଂ ସ୍ଥାନ ଚିହ୍ନଟ କରିବା, ଆଖପାଖର ଟ୍ରାଫିକ ଉପରେ ନଜର ରଖିବା ଏବଂ ଟ୍ରାଫିକ ଏବଂ ପଥଚାରୀ ମାନଙ୍କୁ ଚିହ୍ନଟ କରିବା କାର୍ଯ୍ୟ କରିଥାଏ।

ଷ୍ଟଟ୍‌ଗାର୍ଟ ବିମାନ ବନ୍ଦରରେ P6 ପାର୍କିଂ ଟର୍ମିନାଲର ଅଟୋମେଟେଡ ଭାଲେଟ୍‌ ପାର୍କିଂ ସିଷ୍ଟମ୍‌କୁ ପରୀକ୍ଷା କରାଯାଉଛି ଏବଂ ଏହି ପରୀକ୍ଷା ପାଇଁ ସେଠାରେ ଦୁଇଟି ସ୍ଥାନ ଉପଲବ୍ଧ ରହିଛି। ତେବେ ବାଣିଜ୍ୟିକ କାର୍ଯ୍ୟ ଆରମ୍ଭ ହେବା ପରେ ଅଧିକ ପାର୍କିଂର ସୁବିଧା ଯୋଗାଇଦେବା ସହ ବିମାନ ବନ୍ଦରରେ ଏକ ନୂଆ ଡ୍ରପ୍‌ ଅଫ୍‌ ଏବଂ ପିକ୍‌ ଅଫ୍‌ ସ୍ଥାନ ମଧ୍ୟ ପ୍ରସ୍ତୁତ ହେବ। ଏହା ଦ୍ୱାରା ଲୋକମାନେ ସେମାନଙ୍କର AVP ସକ୍ଷମ ଯାନକୁ ସୁବିଧାଜନକ ଭାବେ ଛାଡି ସେମାନଙ୍କ ଟର୍ମିନାଲକୁ ଯାଇ ପାରିବେ।

ଆପକୋ, ବୋସ୍‌, ମର୍ସିଡିଜ୍‌-ବେଞ୍ଜ ଏବଂ ଷ୍ଟଟ୍‌ଗାର୍ଟ ମିଳିତ ଭାବରେ ବିମାନ ବନ୍ଦରର ପାର୍କିଂକୁ ସମ୍ପୂର୍ଣ୍ଣ ଭାବରେ ଅଟୋମେଟିକ୍‌ କରିବା ପାଇଁ କାର୍ଯ୍ୟ କରୁଛନ୍ତି। ଏହି ବୁଦ୍ଧିମାନ ଗ୍ୟାରେଜ୍‌ର ଭିତ୍ତିଭୂମି ଡ୍ରାଇଭରଲେସ ପାର୍କିଂର ଭିବିଷ୍ୟତ ଉପରେ ଆଧାରିତ ବୋଲି ମଧ୍ୟ ସେ କହିଛନ୍ତି। ଆପକୋ ଏହି ଅଟୋମେଟେଡ ପାର୍କିଂ ପାଇଁ ଏକ ଟଚ୍‌ଲେସ୍‌, କ୍ୟାସ୍‌ଲେସ୍‌ ସିଷ୍ଟମ ମଧ୍ୟ ଯୋଗାଇବ।

ସେହିପରି ପାର୍କିଂ ଅପରେଟରଙ୍କର ପୂର୍ବରୁ ଏକ ଡିଜିଟାଲ୍‌ ପ୍ଲାଟଫର୍ମ ମଧ୍ୟ ରହିଛି ଯାହାକି ପାର୍କିଂ,କଣ୍ଟାକ୍ଟଲେସ ଏଣ୍ଟ୍ରି ଏବଂ ଏକ୍ଜିଟ,ସମ୍ପୂର୍ଣ୍ଣ ଅଟୋମେଟେଡ ପେମେଣ୍ଟ, ଅଟୋମେଟଡ ଇନଭୋଏସ୍‌ ପାଇର୍ ଲୋକଙ୍କୁ ପୂର୍ବରୁ ସଂରକ୍ଷଣ କରିବାକୁ ଅନୁମତି ଦେଇଥାଏ। ଏହି ଅଟୋମେଟଡ ପାର୍କିଂ ଯୋଗୁଁ ଏଣିକି ଲୋକେ ବିମାନ ବନ୍ଦରରେ ଅସୁବିଧାର ସମ୍ମ୍‌ୂଖୀନ ହେବେ ନାହିଁ।ଏହି ଡ୍ରାଇଭର ଲେସ୍‌ ପାର୍କିଂରେ ପାର୍କିଂ କରିବା ପାଇଁ ଡୋର ଖୋଲିବାର ଆବଶ୍ୟକତା ପଡି ନଥାଏ ଏବଂ ଏହା ଅଧିକ ସ୍ଥାନ ମଧ୍ୟ ଯୋଗାଇଥାଏ। ଏକ ସମୟରେ ଗୋଟିଏ ପାର୍କିଂରେ କାର ପାଇଁ ରହିଥିବା ସ୍ଥାନ ଠାରୁ ୨୦ ପ୍ରତିଶତ ଅଧିକ କାର ରଖିବାର ସ୍ଥାନ ଯୋଗାଇଥାଏ।

KNews Bureau

Recent Posts

ଆଜିର ରାଶିଫଳ : ଜାଣନ୍ତୁ ଆଜି ରାଶି ଅନୁସାରେ କିପରି କଟିବ ଆପଣଙ୍କ ଦିନ

ମେଷ: ଆଜି ଆପଣଙ୍କ ମନୋବଳ ଦୃଢ଼ ହେବ । ଯେଉଁମାନେ ରାଜନୀତିରେ କାର୍ଯ୍ୟ କରୁଛନ୍ତି, ସେମାନଙ୍କ ପ୍ରଭାବ ଚାରିଆଡେ ବ୍ୟାପିବ।…

59 mins ago

ମା’ ଝିଅକୁ ବିଲ ମଝିରେ ହତ୍ୟା କଲା ନାବାଳକ

ଭଦ୍ରକ( କେନ୍ୟୁଜ୍‌): ବିଲ ମଝିରେ ପଡ଼ି ରହିଛି ମୃତଦେହ । ରୁଣ୍ଡ ହୋଇଛନ୍ତି ଲୋକେ । ଆଉ ସ୍ତ୍ରୀର ଶବ…

4 hours ago

ଜୁଲାଇ ୮ରେ ଖୋଲିବନି ପୁରୀ ଶ୍ରୀମନ୍ଦିର ରତ୍ନ ଭଣ୍ଡାର

ପୁରୀ(କେନ୍ୟୁଜ୍‌): ଜୁଲାଇ ୮ରେ ଖୋଲିବନି ପୁରୀ ଶ୍ରୀମନ୍ଦିର ରତ୍ନ ଭଣ୍ଡାର । ପୁରୀ ଶ୍ରୀମନ୍ଦିର ରତ୍ନ ଭଣ୍ଡାର ଖୋଲିବା ବିଷୟରେ…

5 hours ago

ଖୋଲିଲା ଭଦ୍ରକ ଜିଲ୍ଲା ବସ୍ ସିଣ୍ଡିକେଟ

ଭଦ୍ରକ (କେନ୍ୟୁଜ୍‌): ଦୀର୍ଘ ବର୍ଷ ପରେ ଖୋଲିଲା ଭଦ୍ରକ ଜିଲ୍ଲା ବସ ସିଣ୍ଡିକେଟ । ପ୍ରଶାସନିକ ଅଧିକାରୀ ଓ ପୋଲିସ…

5 hours ago

ନନ୍ଦନକାନନ ବୁଲି ସମସ୍ୟା ବୁଝିଲେ ନୂଆ ମନ୍ତ୍ରୀ

ଭୁବନେଶ୍ୱର(କେନ୍ୟୁଜ୍‌): ନନ୍ଦନକାନନ ବୁଲିଲେ ନୂଆ ମନ୍ତ୍ରୀ । ଜଙ୍ଗଲ,ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ…

6 hours ago

ନବୀନ ହେଲେ ବିରୋଧୀ ଦଳ ନେତା, ବିରୋଧୀ ଦଳର ଉପନେତା ପ୍ରସନ୍ନ ଆଚାର୍ଯ୍ୟ

ଭୁବନେଶ୍ୱର(କେନ୍ୟୁଜ୍‌): ନବୀନ ପଟ୍ଟନାୟକ ହେଲେ ବିଧାନସଭାରେ ବିରୋଧୀ ଦଳ ନେତା । ଶଙ୍ଖ ଭବନରେ ବସିଥିବା ବିଧାୟକ ଦଳ ବୈଠକରେ…

7 hours ago