ଟ୍ରେନ ଟିକେଟ ବୁକିଙ୍ଗ ଏବଂ ତାହାର ରଦ୍ଦ କରିବାର ନିୟମ ସମସ୍ତଙ୍କୁ ଜଣା ଅଛି। ରେଳ ସେବା ସମ୍ବନ୍ଧରେ କିଛି ଏମିତି ନିୟମ ଅଛି ଯାହା ବିଷୟରେ ସମସ୍ତଙ୍କୁ ଜଣା ନାହିଁ ଏବଂ ସହଜରେ ଏହାର ସୂଚନା ମିଳେ ନାହିଁ । କିନ୍ତୁ ଯଦି ଏହି ନିୟମ ଆପଣଙ୍କୁ ଜଣା ପଡିଯାଏ ତେବେ ଏହା ଦ୍ବାରା ଆପଣଙ୍କୁ ବହୁତ ଫାଇଦା ମିଳିଥାଏ। ଭାରତୀୟ ରେଳ ବର୍ତ୍ତମାନ ବହୁତ ଉନ୍ନତି କରିଲାଣି। ଆଇଆରସିଟିସିରେ ଟ୍ରେନର ବୁକିଙ୍ଗ କରିବା ଏବଂ ଟ୍ରେନରେ ଯାଗା ପାଇବା ସେତିକି ଅସୁବିଧା ହୋଇଥାଏ ଯେତିକି ଟ୍ରେନର ସମୟ ଭିତରେ ପହଁଞ୍ଚିବା। କିନ୍ତୁ ଆଇଆରସିଟିସିର କିଛି ଏମିତି ସୁବିଧା ଅଛି ଯାହାଦ୍ବାରା ଯାତ୍ରୀମାନଙ୍କୁ ବହୁତ ଉପକାର ମିଳିଥାଏ। ଆସନ୍ତୁ ଜାଣିବା ଆଇଆରସିଟିସିର ଏହି ସବୁ ନିୟମ ସମ୍ପର୍କରେ ।
ଆଇଆରସିଟିସି ଏମିତି ନିୟମ କରିଛି ଯେଉଁଥିରେ ଯଦି ସ୍ଟେଶନ ମାଷ୍ଟରଙ୍କୁ ଟ୍ରେନ ବାହାରିବାର ୨୪ ଘଣ୍ଟା ପୁର୍ବରୁ ଜଣାଇ ଦିଆଯାଏ ତେବେ ଷ୍ଟେସନ ମାଷ୍ଟର ଆପଣଙ୍କ ଟିକେଟ ଆପଣଙ୍କର କୌଣସି ରକ୍ତ ସମ୍ପର୍କଙ୍କ ନାମରେ ଟ୍ରାନ୍ସଫର କରିପାରିବେ। ଯାହା ଦ୍ବାରା ଆପଣଙ୍କ ସମ୍ପର୍କୀୟ ଯାତ୍ରା କରିପାରିବେ। ଏହାଛଡା ଆପଣ ଯଦି କୌଣସି ଛାତ୍ରଛାତ୍ରୀଙ୍କ ଯାଗାରେ ଅନ୍ୟ ଛାତ୍ରଛାତ୍ରୀଙ୍କୁ ପଠାଇବା ପାଇଁ ଚାହିଁବେ। ତେବେ ଏଥିପାଇଁ ଷ୍ଟେସନ ମାଷ୍ଟରଙ୍କୁ ୪୮ ଘଣ୍ଟା ପୂର୍ବରୁ ସୂଚନା ଦେବାକୁ ପଡିବ।
ଯଦି ଆପଣଙ୍କ କନଫର୍ମ ୱିଣ୍ଡୋ ଟିକେଟ ହଜିଯାଏ ତେବେ ଆପଣଙ୍କ ପାଇଁ ଏହାକୁ ନେଇ ଚିନ୍ତା କରିବା ଆବଶ୍ୟକତା ନାହିଁ। ମାତ୍ର କିଛି ଟଙ୍କାରେ ଏହି କାମ ହୋଇଯିବ। ଆପଣ ରିଜର୍ଭେସନ ୱିଣ୍ଡୋକୁ ଯାଇ ରିଜର୍ଭେସନ ଫର୍ମ ଭରନ୍ତୁ ଏବଂ ନିଜର ଆଇଡି ଦେଖାଇ ନୂଆ ଟିକେଟ ନେଇ ଯାଆନ୍ତୁ। ଯଦି ଆପଣଙ୍କ ଯାତ୍ରା ୫୦୦ କିଲୋମିଟରରୁ କମ, ତେବେ ୨୫% ଏବଂ ଯଦି ଏହାଠାରୁ ଅଧିକ ହୁଏ ତେବେ ୧୦% ଚାର୍ଜ ଦେବାକୁ ହେବ।
ଯଦି ଯାତ୍ରାରେ ସମୟରେ ଲୁ ଏବଂ ଅନ୍ୟାନ୍ୟ କିଛି ଲାଗିଯାଏ କିମ୍ବା ଶୀତରେ ଅଧିକ ଥଣ୍ଡାହେବା କାରଣରୁ ଜ୍ବର ଆସିଯାଏ, ତେବେ ଆପଣଙ୍କ ପାଇଁ ଟ୍ରେନରେ ଚିକିତ୍ସାର ସୁବିଧା ଯୋଗାଇ ଦିଆଯିବ। ଯଦି ଅଧିକ ରୋଗଗ୍ରସ୍ଥ ହୋଇଯିବେ ତେବେ ଟିଟିଙ୍କୁ କୁହନ୍ତୁ ଏବଂ ପରବର୍ତ୍ତୀ ଷ୍ଟେସନରେ ଡାକ୍ତର ଆପଣଙ୍କ ସିଟ ପାଖକୁ ଆସି ଯାଞ୍ଚ କରିବେ।
କଣ ଆପଣ ଜାଣନ୍ତି ଟ୍ରେନରେ ମଧ୍ୟ ପ୍ଲେନ ଭଳି ଓଜନ ନିର୍ଦ୍ଧାରିତ ହୋଇଥାଏ? ଯଦି ଆପଣଙ୍କ ପାଖରେ ଓଜନ ଠାରୁ ଅଧିକ ଜିନିଷ ମିଳେ ତେବେ ଦଣ୍ଡ ବିଧାନ କରାଯିବ। ସୂଚନା ଅନୁଯାୟୀ, ଏସି ଫାଷ୍ଟ କ୍ଲାସରେ-୭୦ କିଲୋଗ୍ରାମ,ଏସି ଟୁ ଟାୟାରରେ -୫୦ କିଲୋଗ୍ରାମ , ଏସି ଥ୍ରୀ ଟାୟାର/ଏସି ଚେୟାର କାରରେ -୪୦ କିଲୋଗ୍ରାମ ଏବଂ ସେକେଣ୍ଡ କ୍ଲାସରେ -୩୫ କିଲୋଗ୍ରାମ ଲଗେଜ ଆପଣ ନେଇ ପାରିବେ ।
ଆମେ ଆପଣଙ୍କୁ ଜଣାଇବାକୁ ଚାହିଁବୁ ଯେ ଆଇଆରସିଟିସି ଭାରତୀୟ ରେଳ ଏକ୍ସପ୍ରେସ ଯାତ୍ରୀମାନଙ୍କ ପାଇଁ ’ବର୍ତ୍ତମାନ କିଣନ୍ତୁ ଏବଂ ପରେ ପରିଶୋଧ କରନ୍ତୁ’ ସେବା ଆରମ୍ଭ ହେବାକୁ ଯାଉଛି। ଭାରତୀୟ ରେଳ କ୍ୟାଟରିଙ୍ଗ ଏବଂ ଟୁରିଜିମ କର୍ପୋରେସନ (ଆଇଆରସିଟିସି) ଲିମିଟେଡର ଅଧିକାରୀଙ୍କ ହିସାବରେ, ଶୀଘ୍ର ଯାତ୍ରୀମାନେ ଆଇଆରସିଟିସିର ୱେବସାଇଟରୁ ଟିକେଟ କିଣି ପରେ ଟଙ୍କା ଦେଇପାରିବେ।
ଦକ୍ଷତା ଏବଂ ଜୀବନକାଳ ବୃଦ୍ଧି ପାଇଁ ଏୟାର କଣ୍ଡିସନର (AC) ର ନିୟମିତ ସର୍ଭିସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବର୍ଷକୁ…
କଣ୍ଟାମାଳ(କେନ୍ୟୁଜ): ହରିବୋଲ, ହୁଳହୁଳି ଶବ୍ଦରେ ଫାଟି ପଡୁଛି ସାରା ଅଞ୍ଚଳ । ଶହ ଶହ ଭକ୍ତ ଭାବବିହ୍ୱଳ ହେବା ସହିତ…
ରଥଯାତ୍ରାକୁ ନେଇ ନୂଆ ମୁଖ୍ୟମନ୍ତ୍ରୀଙ୍କ ପ୍ରଥମ ସମୀକ୍ଷା ବୈଠକ। ରାଜ୍ୟ ଅତିଥି ଭବନରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ବୈଠକ…
ନୂଆପଡା(କେନ୍ୟୁଜ): ସାଧାରଣତଃ ନିର୍ବାଚନରେ ବିଜୟୀ ହେବା ପରେ ପ୍ରାୟତଃ ଜନପ୍ରତିନିଧିମାନେ ପ୍ରଚୁର ଅର୍ଥ ଉପାର୍ଜନ କରି ଗାଡି ଓ ବଙ୍ଗଳା…
ନରସିଂହପୁର: ବିପଦରେ ଗଜରାଜ । ତାଙ୍କୁ ଦେଖିବା ପାଇଁ ଲୋକଙ୍କର ନାହିଁ ନଥିବା ଭିଡ଼ । କିଏ ହୋ ହୋ…
ମୟୁରଭଞ୍ଜ : ଜମି ଜମା ବିବାଦକୁ ନେଇ କରୁଣ ପରିଣିତି । ସାନ ଭାଇକୁ ଖଣ୍ଡାରେ ହାଣିଲା ବଡ଼ ଭାଇ…