କରୋନା ଭାଇରସକୁ ନେଇ ସାରା ଦୁନିଆ ଏବେ ଚିନ୍ତାରେ । ସ୍ପେନ୍, ଆମେରିକା, ଇରାନ, ଇଟାଲି ଓ ଭାରତ ଭଳି ଅନେକ ଦେଶକୁ ଲକ୍ ଡାଉନ୍ କରିଦିଆଯାଇଛି । ସଂକ୍ରମଣରୁ ବଞ୍ଚିବା ପାଇଁ ଲୋକମାନଙ୍କୁ ଘରେ ରହିବା ପାଇଁ ପରାମର୍ଶ ଦିଆଯାଉଛି । ଅନେକ ଗୁଡିଏ କମ୍ପାନୀ ନିଜ କର୍ମଚାରୀମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ୱାର୍କ୍ ଫ୍ରମ୍ ହୋମ୍ ଲାଗୁ କରିଦେଇଛନ୍ତି । ତେବେ ଲୋକମାନେ ଘରେ ବନ୍ଦୀ ହେବା କାରଣରୁ ଇଣ୍ଟରନେଟ ବ୍ୟବସ୍ଥା ସମ୍ପୂର୍ଣ୍ଣ ଭାବେ ଜାମ୍ ହୋଇପଡିଛି । କାରଣ ଘରେ ଥିବା କାରଣରୁ ଲୋକମାନେ ଏବେ ଭରପୁର ଇଣ୍ଟରନେଟର ବ୍ୟବହାର କରୁଛନ୍ତି । ଯେପରିକି ଭିଡିଓ ଗେମ୍ ଖେଳିବା, ସୋସିଆଲ ମିଡିଆରେ ମିମ୍ସ ଏବଂ ଜୋକ ସେୟାର କରିବା ଇତ୍ୟାଦି । ତେବେ ଏହି କାରଣରୁ ନେଟ୍ ସ୍ପିଡ୍ ବହୁତ୍ କମ୍ ହୋଇଯାଇଛି । ସେଥିପାଇଁ ରୁଷର ସବୁଠାରୁ ବଡ ଟେଲିକମ୍ କମ୍ପାନୀ MTS ଲୋକମାନଙ୍କୁ ଅନୁରୋଧ କରିଛି ଯେ କରୋନା ଭାଇରସକୁ ନେଇ ଭିଡିଓ, ମିମ୍ସ ଏବଂ ଫଟୋ ସୋସିଆଲ ମିଡିଆରେ ସେୟାର କରିବା ବନ୍ଦ କରନ୍ତୁ । କାରଣ ଏହାଦ୍ୱାରା ନେଟୱାର୍କ ଉପରେ ବହୁତ ପ୍ରଭାବ ପଡ଼ିବା ସହିତ ଇଣ୍ଟରନେଟ ସେବାରେ ବାଧା ସୃଷ୍ଟି ହେଉଛି ।
MTSର ଅଧ୍ୟକ୍ଷଙ୍କ କହିବା ଅନୁଯାୟୀ ମିମ୍ସ ବନାଇବା ଏବଂ ସେୟାର କରିବା ଭଲକଥା କିନ୍ତୁ ବିଶ୍ୱର ଏଭଳି ସଂକଟ ସ୍ଥିତିରେ ନେଟୱାର୍କ ଏବଂ ଇଣ୍ଟରନେଟର ଧ୍ୟାନ ରଖିବା ମଧ୍ୟ ପ୍ରତ୍ୟେକ ନାଗରିକର କର୍ତ୍ତବ୍ୟ । ଏହାସହିତ ଆଲେକ୍ସି ମଧ୍ୟ ଏହି ପରିପ୍ରେକ୍ଷୀରେ ଲୋକମାନଙ୍କୁ ଅନୁରୋଧ କରି କହିଛି ଯେ ଅନଲାଇନରେ ଫିଲ୍ମ ଏବଂ ଭିଡିଓ ଦେଖିବା ପାଇଁ ମନା କରାଯାଉନାହିଁ କିନ୍ତୁ ମିମ୍ସ ଏବଂ ହେଭି ଭିଡିଓ ସେୟାର କରିବା ଦ୍ୱାରା ନେଟୱାର୍କ ଉପରେ ବହୁତ୍ ପ୍ରଭାବ ପଡୁଛି । ଏପରିସ୍ଥଳେ ଲୋକମାନଙ୍କୁ ଏନେଇ ସଚେତନ ହେବା ଆବଶ୍ୟକ ।
ସୂଚନା ଅନୁଯାୟୀ ରୁଷରେ MTS ର ପ୍ରାୟ 8 କୋଟି ଗ୍ରାହକ ରହିଛନ୍ତି । କରୋନା ଭାଇରସ୍ ଯୋଗୁଁ ହଜାର ହଜାର ଲୋକ ଏବେ ଘରେ ରହି କାମ କରୁଛନ୍ତି କିନ୍ତୁ ସୋସିଆଲ ମିଡ଼ିଆରେ ମିମ୍ସ, ଜୋକ ଓ ଭାଇରାଲ୍ ଭିଡିଓ ଅଧିକ ମାତ୍ରାରେ ସେୟାର ହେବା କାରଣରୁ ନେଟୱାର୍କ ଜାମ୍ ହୋଇଯାଉଛି ।
କେନ୍ଦ୍ରାପଡ଼ା (କେନ୍ୟୁଜ୍): କେନ୍ଦ୍ରାପଡ଼ା ଜିଲ୍ଲାର ଲୋକସଭା କ୍ଷେତ୍ର ସହ ୭ଟି ଯାକ ବିଧାନସଭା ଆସନ ପାଇଁ ଚାଲିଛି ଭୋଟିଂ। ମୋଟ…
ପୁରୀ(କେନ୍ୟୁଜ୍): ପୁରୀ ଗୁଣ୍ଡିଚା ମନ୍ଦିର ନିକଟରେ ଅଗ୍ନିକାଣ୍ଡ । ଗୁଣ୍ଡିଚା ମନ୍ଦିରର ନାକଚଣା ଦ୍ୱାରରେ ଲାଗିଲା ନିଆଁ । ମନ୍ଦିର…
କେନ୍ୟୁଜ୍: ୨୦୨୪ ମହାଯୁଦ୍ଧର ଆଜି ଶେଷ ଲଢ଼େଇ। ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଚାଲିଛି ଭୋଟଗ୍ରହଣ।…
ମେଷ: ପାରିବାରିକ ପ୍ରତିଷ୍ଠା ବଢ଼ିବ । ବ୍ୟବସାୟିକ ଯୋଜନା ଫଳପ୍ରଦ ହେବ। ସାମାଜିକ ପ୍ରତିଷ୍ଠା ବଢ଼ିବ । ଜୀବନରେ କିଛି…
ଭୁବନେଶ୍ବର(କେନ୍ୟୁଜ୍): ସାରା ରାଜ୍ୟରେ ହିଟ୍ ୱେଭ ଜାରି ରହିଛି। ଅନେକ ସ୍ଥାନରେ ଅଂଶୁଘାତଜନିତ ମୃତ୍ୟୁ ଅଭିଯୋଗ ଆସୁଛି। ଏହାକୁ ଦୃଷ୍ଟିରେ…
ଭୁବନେଶ୍ବର(କେନ୍ୟୁଜ୍): ବହି କିଣିଲେ ମୁଖ୍ୟମନ୍ତ୍ରୀ । ଭୁବନେଶ୍ବର ମାଷ୍ଟରକ୍ୟାଣ୍ଟିନ ଯାଇ ବହି କିଣିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମଡର୍ଣ୍ଣ…