ଆଧ୍ୟାତ୍ମିକ

କଲରାବାଙ୍କରେ ବିଶ୍ୱଶାନ୍ତି ମହାଯଜ୍ଞ, ମନ୍ତ୍ର ଧ୍ୱନିରେ ପ୍ରକମ୍ପିତ ହେଲା ସାରା ଗ୍ରାମ

କଲରାବାଙ୍କରେ ଅନୁଷ୍ଠିତ ହୋଇଯାଇଛି ବିଶ୍ୱଶାନ୍ତି ମହାଯଜ୍ଞ । ଗ୍ରାମର ଶ୍ରୀ ରଘୁନାଥଜୀଉ ଓ ସଂକଟମୋଚନ ମନ୍ଦିରର ସପ୍ତଦଶ ବାର୍ଷିକ ଯଜ୍ଞ ଉତ୍ସବ ଏବଂ ବିଶ୍ୱଶାନ୍ତି ମହାଯଜ୍ଞ ଚାରିଦିନ ଧରି ଅନୁଷ୍ଠିତ ହୋଇଯାଇଛି । ଏଥିରେ ଆଖପାଖ ଦଶଟି ପଞ୍ଚାୟତର ଲୋକମାନେ ଯୋଗଦେଇ ପ୍ରଭୁଙ୍କୁ ଦର୍ଶନ କରିଛନ୍ତି । ପୂର୍ଣ୍ଣାହୁତି ଉତ୍ସବରେ ସାଧୁ ସନ୍ଥଙ୍କ ଯୋଗଦାନ ଯଜ୍ଞ ସ୍ଥଳୀରେ ଆହୁରି ଆଧ୍ୟାତ୍ମିକ ପରିବେଶ ସୃଷ୍ଟି କରିଛି ।

ଏହି ଅବସରରେ ଗ୍ରାମବାସୀମାନଙ୍କ ଦ୍ୱାରା ନଦୀରୁ ପାଣି ଆଣି କଳସ ଯାତ୍ରା କରାଯିବା ସହିତ ଅଙ୍କୁରାରୋପଣ, କଳାସାଧିବାସ, ଜୀବନ୍ୟାସ, କଳସ ସ୍ଥାପନା, ହୋମ ଯଜ୍ଞ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ଭୁବନେଶ୍ୱର ୧୦୮ ହନୁମାନ ମନ୍ଦିର ଟ୍ରଷ୍ଟର ଅଧକ୍ଷ୍ୟ ବାବା ରାମ ନାରାୟଣ ଦାସ ମହାରାଜ, ଭୁବନେଶ୍ୱର ଖଣ୍ଡଗିରି ସେଣ୍ଟେନାରୀ ବଏଜ ହାଇସ୍କୁଲର ସମ୍ପାଦକ ସ୍ୱାମୀ ସିଵ ଚିଦାନନ୍ଦ ସରସ୍ଵତୀ ଓ ସହ ସମ୍ପାଦକ ସ୍ୱାମୀ ଜଗନ୍ନାଥ ନନ୍ଦ ସରସ୍ବତୀ ପ୍ରମୁଖ ଯୋଗଦେଇ ଯଜ୍ଞରେ ପୂର୍ଣ୍ଣାହୁତି ଦେଇଥିଲେ ।

ଯଜ୍ଞରେ କର୍ତ୍ତା ଭାବେ ସସ୍ତ୍ରୀକ ଅନ୍ତର୍ଯ୍ୟାମୀ ସାମନ୍ତ ଓ ଜୋସନ୍ନା ମିତ୍ର କାର୍ଯ୍ୟ ତୁଲାଇଥିବା ବେଳେ, ଗ୍ରାମ କମିଟିର ସଭାପତି ଅଞ୍ଜନ କୁମାର ସାମନ୍ତ, ବରିଷ୍ଠ ସାମ୍ବାଦିକ ବିଜୟ କୁମାର ସ୍ୱାଇଁ, ନୀଳିମାରାଣୀ ମେମୋରିଆଲ ଚ୍ୟାରିଟେବୁଲ ଟ୍ରଷ୍ଟ ସି ଇ ଓ ଦୁର୍ଗା ଚରଣ ସାମନ୍ତ ପ୍ରମୁଖଙ୍କ ସହଯୋଗରେ ପୂଜାର୍ଚ୍ଚନା ସମ୍ପାଦନା କରିଥିଲେ । ଏହି ଅବସରରେ ଗ୍ରାମର ବରପୁତ୍ର ସାଂସଦ ଡକ୍ଟର ଅଚ୍ୟୁତ ସାମନ୍ତ ଯୋଗଦେଇ ଯଜ୍ଞରେ ପୂର୍ଣ୍ଣାହୁତି ଦେଇଥିଲେ । ଅନ୍ୟମାନଙ୍କ ମଧ୍ୟରେ କାଦମ୍ବିନୀ ଓ କୁନି କଥାର ସମ୍ପାଦିକା ଡକ୍ଟର ଇତିରାଣୀ ସାମନ୍ତ ଏବଂ ଗ୍ରାମର ବୟୋଜ୍ୟେଷ୍ଠ ବ୍ୟକ୍ତିମାନେ ପୂଜାରେ ଅଂଶଗ୍ରହଣ କରିଥିଲେ ।

ଡକ୍ଟର ଅଚ୍ୟୁତ ସାମନ୍ତ ଓ ଡକ୍ଟର ଇତିରାଣୀ ସାମନ୍ତଙ୍କ ପ୍ରତ୍ୟକ୍ଷ ତତ୍ୱାବଧାନରେ ପଣ୍ଡିତ ବିଜୟ କୁମାର କର ଶର୍ମାଙ୍କ ନେତୃତ୍ୱରେ ୧୫ ରୁ ଅଧିକ ପଣ୍ଡିତମାନେ ଯୋଗଦେଇ ଏହି କାର୍ଯ୍ୟ ସମ୍ପାଦନା କରିଥିଲେ । ଏହି ଅବସରରେ ସନ୍ଧ୍ୟାରେ ଭଜନ ସମାରୋହ ଓ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା । ମନ୍ଦିରମାଳିନୀ ଆଦର୍ଶ ଗ୍ରାମ କଲରାବାଙ୍କରେ ମନ୍ତ୍ର ଧ୍ୱନିରେ ପ୍ରକମ୍ପିତ ହୋଇଥିଲା ସମଗ୍ର ଗ୍ରାମ । ପ୍ରଭୁଙ୍କ ପୂଜାରେ ଏକାକାର ହୋଇଯାଇଥିଲେ ଗ୍ରାମବାସୀ ।

Srujanika Panda

Recent Posts

ଆଜିର ରାଶିଫଳ : ଏହି ରାଶିର ଲୋକେ ଆଜି ବାହାରକୁ ଯାତ୍ରା କରିବେ ଏବଂ ପରିବାର ସହ ଖୁସିର ସମୟ କାଟିବେ

ମେଷ : ଏହି ରାଶିର ବ୍ୟକ୍ତିମାନେ କର୍ମକ୍ଷେତ୍ରରେ ଆଗକୁ ଯିବେ, ଏହା ସହ ସମ୍ମାନ ମିଳିବା ସହିତ ଆପଣ ଏକ…

2 hours ago

ଚାଇଲ୍ଡ ଲାଇନ କର୍ମଚାଚାରୀଙ୍କ ଉପରେ ଆକ୍ରମଣ ଅଭିଯୋଗ

 ଯାଜପୁର ଟାଉନ : ରେସ୍ତୁରାଣ୍ଟରେ ଶିଶୁ ଶ୍ରମିକ କାମ କରୁଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ଚାଇଲ୍ଡ ଲାଇନ…

3 hours ago

ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ

 ଭୁବନେଶ୍ବର : ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରେ…

3 hours ago

ତୁଟିଲା ବିବାଦ, ଆଜି ବାରିପଦା ବସଷ୍ଟାଣ୍ଡରୁ ସ୍ବାଭାବିକ ହେଲା ଘରୋଇ ବସ୍ ଚଳାଚଳ

ମୟୁରଭଞ୍ଜ : ତୁଟିଲା ବିବାଦ ।  ମୟୁରଭଞ୍ଜ ଜିଲ୍ଲାରେ ସ୍ବାଭାବିକ ହେଲା ବସ୍ ଚଳା ଚଳ । ୩ ଦିନ…

3 hours ago

ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ

କେନ୍ଦୁଝର : ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ। କେନ୍ଦୁଝର ଜିଲ୍ଲାକୁ ଦୁଇ ଦିନିଆ…

4 hours ago

ଅଜଣା ରୋଗରେ ଆକ୍ରାନ୍ତ ହୋଇ ବିଛଣାରେ ପଡ଼ି ରହିଛି ୩୫ ବର୍ଷୀୟ ପୁଅ

ବାଲେଶ୍ବର: ଆଶା କରିଥିଲୁ ବୁଢ଼ା କାଳେ ଆମ ପୁଅ ଆମ ସାହାରା ପାଲଟିବ । ଆମେ ଜମି ବାଡ଼ି ବିକ୍ରି…

5 hours ago