ଭଞ୍ଜନଗର(କେନ୍ୟୁଜ):ଅସ୍ଥାୟୀ ମଣ୍ଡପରେ ଦର୍ଶନ ଦେଲେ, ନଗର ଭ୍ରମଣ କଲେ ଏବଂ ଭକ୍ତଙ୍କୁ ଆଶୀର୍ବାଦ କରି, ୨୧ ଦିନ ପରେ ନିଜ ଆସ୍ଥାନକୁ ପ୍ରତ୍ୟାବର୍ତ୍ତନ କଲେ । ଆମେ କହୁଛୁ ମାଁ ବ୍ରାହ୍ମଣୀଦେବୀ ଏବଂ ବୁଢୀମାଁ ଠାକୁରାଣୀଙ୍କ କଥା । ପ୍ରତ୍ୟେକ ସଂଧ୍ୟାରେ ଗହଳି ଚହଳି ସାଙ୍ଗକୁ ଶକ୍ତି ଉପାସନାରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା ସମଗ୍ର ଅଞ୍ଚଳ । ଏ ହେଉଛି ଗଂଜାମ ଜିଲ୍ଲା ଭଞ୍ଜନଗର ସ୍ଥିତ ଭେଜିପୁଟ ମାଁ ବ୍ରାହ୍ମଣୀଦେବୀଙ୍କ ପାରମ୍ପାରିକ ଠାକୁରାଣୀ ଯାତ୍ରା ।
କରୋନା କଟକଣା ଏବଂ ଭଞ୍ଜନଗର ସହରର ଐତିହାସିକ ଠାକୁରାଣୀ ଯାତ୍ରାକୁ ସମ୍ମାନ ଜଣାଇ, ଗତ କିଛିବର୍ଷ ହେଲା ଭେଜିପୁଟର ଏହି ସାହି ଯାତ୍ରା ସ୍ଥଗିତ ରହିଥିଲା । ଚଳିତବର୍ଷ ଗତ ୧୭ ତାରିଖରୁ ପୁଣି ଆରମ୍ଭ ହୋଇଥିଲା ମାଁ ବ୍ରାହ୍ମଣୀଦେବୀଙ୍କ ପାରମ୍ପାରିକ ଯାତ୍ରା । ସାହିର ଅଧିଷ୍ଠାତ୍ରୀ ଦେବୀ ମାଁ ବ୍ରାହ୍ମଣୀଦେବୀ ଏବଂ ବୁଢୀମାଁ ଠାକୁରାଣୀଙ୍କୁ, ପାରମ୍ପାରିକ ପଟୁଆରରେ ନିମନ୍ତ୍ରଣ କରି ଅଣାଯାଇଥିଲା । ଅସ୍ଥାୟୀ ମଣ୍ଡପରେ ୨୧ ଦିନ ପର୍ଯ୍ୟନ୍ତ ପୂଜା ପାଇଲେ, ଉଭୟ ଠାକୁରାଣୀ । ପ୍ରତ୍ୟେକ ସଂଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ, ମୀନାବଜାର ଏବଂ କିଣା-ବିକାରେ ଚଳଚଞ୍ଚଳ ହୋଇ ଉଠିଥିଲା, ଭେଜିପୁଟ ଅଞ୍ଚଳ ।
ଅନ୍ତିମ ଦିନରେ ମାଁଙ୍କ ସିଂହବାହିନୀ ବେଶ, ଘଣ୍ଟ-ମୃଦଙ୍ଗ ବାଜଣା ଏବଂ ପାରମ୍ପାରିକ ପଟୁଆରରେ ନଗର ଭ୍ରମଣ ହୋଇଥିଲା । ଏବଂ ରବିବାର ଦିନ, ଉଭୟ ଠାକୁରାଣୀ ନିଜନିଜ ଆସ୍ଥାନକୁ ପ୍ରତ୍ୟାବର୍ତ୍ତନ କରିଥିଲେ । ମାଁଙ୍କ ବିଦାୟ ସମୟରେ, ଭାବପ୍ରବଣ ହୋଇପଡ଼ିଥିଲେ, ଶ୍ରଦ୍ଧାଳୁ ।
ସାହି ବାସିନ୍ଦାଙ୍କ ଠାରୁ ଆରମ୍ଭ କରି ବିଶ୍ୱର ମଙ୍ଗଳ ପାଇଁ, ଭେଜିପୁଟ ବାସୀଙ୍କ ଏଭଳି ପ୍ରାର୍ଥନା ଓ ଯାତ୍ରା ଆୟୋଜନ ଦ୍ୱାରା ସ୍ଥାନୀୟ ଅଞ୍ଚଳରେ ଭାଇଚାରା ମନୋଭାବ ସୃଷ୍ଟି କରିଛି । ଯାହା ଅନ୍ୟ ମାନଙ୍କପାଇଁ ଏକ ଉଦାହରଣ ସୃଷ୍ଟି କରିଛି, ଭେଜିପଟ୍ ର ଏହି ମାଁ ବ୍ରାହ୍ମଣୀଦେବୀଙ୍କ ଯାତ୍ରା । ଏବେ ଶ୍ରଦ୍ଧାଳୁଙ୍କ ଅପେକ୍ଷା, ପୁଣି ତିନିବର୍ଷ ପରେ ହେବାକୁ ଥିବା ଠାକୁରାଣୀ ଯାତ୍ରାକୁ ।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…