ରାମାୟଣ ଓ ମହାଭାରତ ଧାରାବାହିକ ପୁଣି ଥରେ ଟିଭିରେ ହଙ୍ଗାମା ସୃଷ୍ଟି କରିଛି । ଯେପରି ଏହା ଅଶୀ ଦଶକରେ ଟିଭି ପାଖରେ ଭିଡ଼ ଜମାଉଥିଲା ଏବେ ବି ସେପରି ହୋଇଛି । ଧାରାବାହିକରେ କାମ କରୁଥିବା କଳାକାରମାନେ ମଧ୍ୟ ପୁଣି ଚର୍ଚ୍ଚାକୁ ଆସିଛନ୍ତି ।
ତେବେ କ୍ୱଚିତ୍ ଏହି ଧାରାବାହିକ କଳାକାରଙ୍କ ମନୋନୟନ ପ୍ରକ୍ରିୟା ବିଷୟରେ ଜାଣିଥିବେ । ଜାଣି ଆଶ୍ଚର୍ଯ୍ୟ ହେବେ ଯେ ଏହି ଧାରାବାହିକ ପାଇଁ ଜଣେ ଜଣେ କଳାକାରଙ୍କୁ ମନୋନୀତ କରିବା ପାଇଁ ବର୍ଷ ବର୍ଷ ସମୟ ଲାଗିଛି ।
ବି. ଆର୍ ଚୋପ୍ରାଙ୍କ ‘ମହାଭାରତ’ ଧାରାବାହିକ ପାଇଁ ଅର୍ଜୁନ ଭୂମିକାରେ ଅଭିନୟ କରିଛନ୍ତି ଫିରୋଜ୍ ଖାନ୍ । ତେବେ ଜାଣି ଆଶ୍ଚର୍ଯ୍ୟ ହେବେ ଯେ ଅର୍ଜୁନଙ୍କୁ ମନୋନୀତ କରିବା ପାଇଁ ୨୩ ହଜାର ଅଡିସନ୍ ନିଆଯାଇଥିଲା ।
୨୩ ହଜାର ଅଡ଼ିସନ ନେବା ପରେ ଅର୍ଜୁନ ଭୂମୀକା ପାଇଁ ଫିରୋଜ ଖାନ୍ଙ୍କୁ ମନୋନୀତ କରାଯାଇଥିଲା । ଏହି ଭୂମିକା ଫିରୋଜ ଖାନ୍ଙ୍କୁ ଏତେ ମ୍ୟାଚ୍ କରିଥିଲା ଯେ ଅର୍ଜୁନ ଭୂମିକା ପାଇବା ପରେ ସେ ନିଜେ ତାଙ୍କ ନାମକୁ ଅର୍ଜୁନକୁ ପରିବର୍ତ୍ତନ କରିଥିଲେ ।
ଏବେ ଲୋକେ ତାଙ୍କୁ ଫିରୋଜ ଖାନ୍ ଅପେକ୍ଷା ଅର୍ଜୁନ ଭାବେ ବେଶୀ ଜାଣନ୍ତି । ଫିରୋଜ ମହାଭାରତ ବ୍ୟତୀତ ଫିଲ୍ମରେ ମଧ୍ୟ କାମ କରିଛନ୍ତି । ୧୯୮୪ରେ ଫିଲ୍ମ ‘ମଞ୍ଜିଲ ମଞ୍ଜିଲ’ରେ ଫିରୋଜ ଫିଲ୍ମ ଦୁନିଆରେ ପାଦ ଦେଇଥିଲେ ।
୧୯୮୮ରେ ସେ ମହାଭାରତରେ ଅର୍ଜୁନ ଭୂମିକାରେ କାମ ଆରମ୍ଭ କଲେ । ମହାଭାରତ ୧୯୮୮ରୁ ୧୯୯୦ ଯାଏ ଚାଲିଲା । ମହାଭାରତରେ ମନୋନୀତ ହୋଇଥିବାରୁ ଫିରୋଜ ଧନ୍ୟବାଦ ଦେଇଛନ୍ତି ବି. ଆର୍ ଚୋପ୍ରାଙ୍କୁ ।
ଏକ ଇଣ୍ଟରଭ୍ୟୁରେ ଫିରୋଜ କହିଛନ୍ତି ଯେ ଯେମିତି ଅମିତାଭ ବଚ୍ଚନ ଫିଲ୍ମ ‘ଜଞ୍ଜିର’ ଅମଜାଦ ଖାନ୍ ‘ଶୋଲେ’, ଧର୍ମେନ୍ଦ୍ର ‘ଫୁଲ୍ ଔର ପଥର’ ଓ ବିନୋଦ ଖାନ୍ନା ‘କଚ୍ଚେ ଧାଗେ’ ଫିଲ୍ମ ପାଇଁ ଜଣା ଯାଆନ୍ତି । ସେହିପରି ମୁଁ ଅର୍ଜୁନ ଚରିତ୍ର ପାଇଁ ଜଣାହେବାକୁ ଚାହେଁ ।
ଗୋଟିଏ ପ୍ରକାର ଭୂମିକା କରିବାକୁ ଚାହୁଁ ନଥିବାରୁ ଫିରୋଜ ପୁଣି ଥରେ ‘ମହାଭାରତ’ ଧାରାବାହିକରେ କାମ କରିବାକୁ ଆସିଥିବା ଅଫରକୁ ମନା କରିଦେଇଥିଲେ । ଫିରୋଜ ତାଙ୍କ କ୍ୟାରିଅର ମଧ୍ୟରେ ୨୬୦ରୁ ଅଧିକ ଫିଲ୍ମରେ କାମ କରିଛନ୍ତି।
ଏଗୁଡ଼ିକ ମଧ୍ୟରେ ଅଛି ‘ଜିଗର, ତିରଙ୍ଗା, ଆଦ୍ମୀ,ଫୁଲ୍ ଔର୍ ଅଙ୍ଗାରେ, ମିଷ୍ଟର ଆଜାଦ୍, କରନ୍ ଅର୍ଜୁନ, ମେହେଁଦି ଓ ଯୋଡ଼ି ନଂ ଓ୍ଵାନ୍ ଭଳି ଅନେକ ଫିଲ୍ମ ।
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…
ପୁରୀ(କେନ୍ୟୁଜ୍): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ଫୋରଣ ମାମଲାରେ ଆଉ ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୯ କୁ ବୃଦ୍ଧି…
ଭାରତରେ ଭାରତୀୟ ରେଳ ହେଉଛି ଲୋକଙ୍କ ଲାଇଫ ଲାଇନ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଭାରତୀୟ ରେଳପଥ ଦେଇ…