ନୂଆ ଅଭିନେତାଙ୍କ ଉପରେ କାହିଁକି ଭାରି ପଡନ୍ତି ଖିଲାଡି ବୟ । ଏହାର ଉତ୍ତର ପୁଣି ଥରେ ଦେଇଛନ୍ତି ଅକ୍ଷୟ କୁମାର । ଗୋଟିଏ ଷ୍ଟଣ୍ଟ ପାଇଁ ନିଜ ଶରୀରରେ ନିଆଁ ଲଗାଇଛନ୍ତି ଅକ୍ଷୟ । ଆମାଜନ୍ ପ୍ରାଇମ୍ ଭିଡିଓର ଏକ ଇଭେଣ୍ଟରେ ଏଭଳି ବିପଦଜ୍ଜନକ ଷ୍ଟଣ୍ଟ କରି ଦେଖାଇଛନ୍ତି ଅକ୍ଷୟ କୁମାର । ଅକ୍ଷୟ କୁମାରଙ୍କ ଶରୀରରେ ନିଆଁ ଲାଗିଥିବା ଦେଖି କିଛି ସମୟ ପାଇଁ ତାଙ୍କ ଫ୍ୟାନ୍ସ ଆଶ୍ଚର୍ୟ୍ୟ ହୋଇ ରହିଯାଇଥିଲେ ।
ଆଗାମୀ ୱେବ୍ ସିରିଜ୍ ‘ଦ ଏଣ୍ଡ’ ପାଇଁ ଅକ୍ଷୟଙ୍କ ନାଁ ଘୋଷଣା କରିଛି ଆମାଜନ୍ ପ୍ରାଇମ୍ ଭିଡିଓ ଇଣ୍ଡିଆ । ଏଥିରେ ଲିଡ୍ ରୋଲରେ ଅଭିନୟ କରିବେ ଖିଲାଡି ବୟ । ଏହି ଆକ୍ସନ୍ ଥ୍ରିଲର୍ ମୁଭି ଜରିଆରେ ପ୍ରଥମ ଥର ପାଇଁ ୱେବ ସିରିଜରେ ଡେବ୍ୟୁ କରୁଛନ୍ତି ଅକ୍ଷୟ ।ଅନ୍ୟପଟେ ଏହି ଷ୍ଟଣ୍ଟ ସିନ୍ ଦେଖି ଅକ୍ଷୟଙ୍କ ଉପରେ ରାଗି ଯାଇଛନ୍ତି ପତ୍ନୀ ଟ୍ବିଙ୍କଲ୍ । ଆଉ ଟୁଇଟର୍ ଜରିଆରେ ନିଜ ରାଗ ଜାହିର୍ କରି ଧମକ ମଧ୍ୟ ଦେଇଛନ୍ତି । ଟୁଇଟ୍ କରି ଟ୍ବିଙ୍କଲ୍ କହିଛନ୍ତି, ପୂରା ବକବାସ୍ । ମୁଁ ଜାଣିବାକୁ ପାଇଲି ତମେ ନିଜ ଦେହରେ ନିଆଁ ଲଗାଇଛ । ଯଦି ଏଥିରୁ ବଂଚିଯାଅ, ଘରକୁ ଆସ ମୁଁ ତମକୁ ମାରିଦେବି ।
ଅକ୍ଷୟ ଫିଲ୍ମ ଦୁନିଆକୁ ଆସିବା ପରେ ସବୁ ବେଳେ ଡୁପ୍ଲିକେଟ୍ ନନେଇ ନିଜ ଷ୍ଟଣ୍ଟ ନିଜେ କରନ୍ତି । ତେବେ ତାଙ୍କୁ ବାହା ହୋଇ ଘର ସଂସର କରିବା ପରେ ଟ୍ଵିଙ୍କଲ ବାରମ୍ବାର ଏସବୁ କରିବା ପାଇଁ ବାରଣ କରିଥିଲେ । କାରଣ ଏଥିରେ ଜୀବନ ଯିବାର କିମ୍ବା ଆଘାତ ଲାଗିବାର ଶତପ୍ରତିଶତ ଆଶଙ୍କା ଥାଏ । ତଥାପି ଅକ୍ଷୟ ତ୍ୱିଙ୍କଲଙ୍କ ବାରଣକୁ ନମାନି ଷ୍ଟଣ୍ଟ କରୁଥିଲେ । ତେବେ ପୁଅ ଜନ୍ମ ହେବା ପରେ ଥରେ ତାର ମୁଣ୍ଡ ଛୁଇଁ ଅକ୍ଷୟଙ୍କୁ ଶପଥ କରାଇ ନେଇଥିଲେ ଟ୍ଵିଙ୍କଲ ଯେ ଆଉ ଷ୍ଟଣ୍ଟ ସିନ୍ ନିଜେ ନକରିବା ପାଇଁ । ତଥାପି ବେଳେ ବେଳେ ଷ୍ଟେଜ୍ ସୋରେ ମଧ୍ୟ ଅକ୍ଷୟ ଷ୍ଟଣ୍ଟ କରିବାକୁ ପଛାଉ ନାହାନ୍ତି । ହେଲେ ଏବେ ଟ୍ଵିଙ୍କଲଙ୍କ ଧମକ ପରେ କଣ କରିବେ ଖିଲାଡ଼ି କୁମାର ଦେଖିବାର ଅଛି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…