ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଜୀବନୀକୁ ନେଇ ଆସୁଛି ଫିଲ୍ମ ଦ ଅକ୍ସିଡେଣ୍ଟାଲ୍ ପ୍ରାଇମ୍ ମିନିଷ୍ଟର୍ । ଫିଲ୍ମରେ ମନମୋହନଙ୍କ ଚରିତ୍ରରେ ଅଭିନୟ କରୁଛନ୍ତି ଅନୁପମ୍ ଖେର୍ । ତେବେ ମନମୋହନଙ୍କ ଚରିତ୍ରରେ ଅନୁପମଙ୍କ ଏକ ଝଲକ ଦେଖିବାକୁ ପ୍ରଶଂସକଙ୍କ ମନରେ ଅନେକ ଉତ୍କଣ୍ଠା ଦେଖିବାକୁ ମିଳୁଛି । କିଛି ଦିନ ତଳେ ଏହି ଫିଲ୍ମର ଭିଡିଓ ଆସିଥିଲା ସାମ୍ନାକୁ । ଯାହାକୁ ଦେଖି ଧୋକା ଖାଇଯାଇଥିଲେ ଦର୍ଶକ । ଏବେ ଆଉ ଏକ ଭିଡିଓ ଆସିଛି । ଯାହାକୁ ନିଜ ଟୁଇଟର୍ ଆକାଉଂଟରୁ ସେୟାର କରିଛନ୍ତି ଅନୁପମ୍ ଖେର୍ । ବିଲକୁଲ୍ ମନମୋହନ ସିଂହଙ୍କ ଅନ୍ଦାଜରେ ଚାଲୁଥିବାର ନଜର ଆସୁଛନ୍ତି ଅନୁପମ୍ । ଯାହାକୁ ଦେଖିଲେ ଆପଣ ଦ୍ବନ୍ଦ୍ବରେ ପଡିଯିବେ । ଚିହ୍ନି ପାରିବେନି ଭିଡିଓରେ ଥିବା ବ୍ୟକ୍ତି ଜଣକ ଅନୁପମ୍ ଖେର୍ କି ମନମୋହନ ସିଂହ ।
ଅନୁପମ୍ ଖେର୍ ପୂର୍ବତମ ପ୍ରଧାନମନ୍ତ୍ରୀଙ୍କ ଚାଲୁଥିବା ଷ୍ଟାଇଲକୁ ଏତେ ସୁନ୍ଦର ଭାବରେ ଅନୁକରଣ କରିଛନ୍ତି ଯେ ଦେଖିଲେ ଲାଗିବ ନିଜେ ମନମୋହନ ସିଂହ ଚାଲି ଚାଲି ଆଗକୁ ଆସୁଛନ୍ତି । ଫ୍ୟାନଙ୍କୁ ମଧ୍ୟ ଏହି ଭିଡିଓ ଖୁବ୍ ପସନ୍ଦ ଆସିଛି । ଜଣେ ୟୁଜର ଲେଖିଛନ୍ତି ଅନୁପମ୍ ଏହି ରୋଲକୁ ଜୀବୀତ କରିଦେଇଛନ୍ତି ।
ଏହା ପୂର୍ବରୁ ମଧ୍ୟ ମନମୋହନଙ୍କୁ ଜନ୍ମଦିନ ଶୁଭେଚ୍ଛା ଜଣାଇ ସେପ୍ଟେମ୍ବରରେ ଏକ ଭିଡିଓ ସେୟାର୍ କରିଥିଲେ ଅନୁପମ୍ । ଏଥିରେ ସେ ମନମୋହନ ସଂହଙ୍କ ଭଳି ପୋଷାକ ପିନ୍ଧି ସିଡି ଓହ୍ଲାଉଥିଲେ । ଏହି ଭିଡିଓ ଦେଖିବା ପରେ ଅନୁପମଙ୍କର ଖୁବ୍ ପ୍ରଶଂସା ହୋଇଥିଲା ।
ସଞ୍ଜୟ ବାରୁଙ୍କ ବହି ଉପରେ ଆଧାରିତ ଫିଲ୍ମ ଦ ଅକ୍ସିଡେଣ୍ଟାଲ୍ ପ୍ରାଇମ୍ ମିନିଷ୍ଟର୍ । ଯାହାର ନିର୍ଦ୍ଦେଶନା ଦେଇଛନ୍ତି ବିଜୟ ରତ୍ନାକର । ତେବେ ଫିଲ୍ମଟି ୨୧ ଡିସେମ୍ବରରେ ରିଲିଜ୍ ହେବାର ଥିଲା । କିନ୍ତୁ ଏବେ ଏହା ମାର୍ଚ୍ଚ ୨୦୧୯ରେ ରିଲିଜ୍ ହେବ ।
ଦେଖନ୍ତୁ ଭିଡିଓ :
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…