ମନୋଜ ବାଜପେୟୀଙ୍କ ନାମ ସେହି ଫିଲ୍ମ ଅଭିନେତାମାନଙ୍କ ମଧ୍ୟରେ ଅନ୍ତର୍ଭୁକ୍ତ, ଯେଉଁମାନେ ସେମାନଙ୍କର ଦମ୍ଦାର ଅଭିନୟ ସହିତ ଦର୍ଶକଙ୍କ ମନ ଜିତଥାନ୍ତି । ତେବେ ମନୋଜ ବାଜପେୟୀ ‘ଦି ଫ୍ୟାମିଲି ମ୍ୟାନ୍’, ‘ସତ୍ୟ’, ‘ଗ୍ୟାଙ୍ଗସ୍ ଅଫ୍ ୱାସିପୁର’ ଭଳି ଅନେକ ଫିଲ୍ମରେ ଅଭିନୟ କରିଛନ୍ତି । ମନୋଜ ଗତ ୩୦ ବର୍ଷ ମଧ୍ୟରେ ଏତେ ଦମ୍ଦାମ୍ ଭୂମିକାରେ ଅଭିନୟ କରିଛନ୍ତି ଯେ ଲୋକମାନେ ତାଙ୍କର ଖୁବ୍ ପ୍ରଶଂସ କରୁଛନ୍ତି । ବର୍ତ୍ତମାନ ମନୋଜ ବାଜପେୟୀଙ୍କ ନୂଆ ଫିଲ୍ମ ବିଷୟରେ ଘୋଷଣା କରାଯାଇଛି, ଯାହାର ନାମ ‘ଭେୟା ଜୀ’ । ଏହା ସହିତ ଏହି ଫିଲ୍ମର ଅଭିନେତାଙ୍କର ପ୍ରଥମ ଲୁକ୍ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ତାଙ୍କୁ ବହୁତ ଭିନ୍ନ ରୂପରେ ଦେଖିବାକୁ ମିଳିଛି । ଏହା ବ୍ୟତୀତ ଫିଲ୍ମର ରିଲିଜ୍ ଡେଟ୍ ସମ୍ପର୍କରେ ମଧ୍ୟ ସୂଚନା ଦିଆଯାଇଛି ।
ଫିଲ୍ମ ‘ଭେୟା ଜୀ’ର ପ୍ରଥମ ଲୁକ୍ ପୋଷ୍ଟରରେ ଆପଣ ଦେଖିପାରିବେ ଯେ ମନୋଜ ଏକ ଦେଶୀ ଷ୍ଟାଇଲ୍ରେ ବେକରେ ଟାୱେଲ ଓ ପାଟିରେ ସିଗାରେଟ୍ ନେଇ ବସିଛନ୍ତି । ତେବେ ତାଙ୍କର ଏହି ଲୁକ୍ ବହୁତ ଭୟଙ୍କର ଦେଖାଯାଉଛି । ମନୋଜଙ୍କ ଏହି ଲୁକ୍ ଦେଖି ଆମେ ଅନୁମାନ କରିପାରିବା ଯେ ଏହି ଫିଲ୍ମରେ ମଧ୍ୟ ସେ ତାଙ୍କ ଲୁକ୍ ଏବଂ ଚରିତ୍ର ସହିତ ଲୋକଙ୍କୁ ବହୁତ ମନୋରଞ୍ଜନ କରିବାକୁ ଯାଉଛନ୍ତି । ମନୋଜ ବାଜପେୟୀ ନିଜେ ତାଙ୍କ ଇନଷ୍ଟାରେ ଏହି ଲୁକର ପୋଷ୍ଟର ସେୟାର କରିଛନ୍ତି । ଏହା ସହିତ ସେ ଫିଲ୍ମର ରିଲିଜ୍ ଡେଟ୍ ଏବଂ ଟିଜର ସମ୍ବନ୍ଧରେ ଏକ ଅପଡେଟ୍ ଦେଇଛନ୍ତି । ଯାହା ଅନୁଯାୟୀ ତାଙ୍କ ଫିଲ୍ମ ମେ ୨୪ ରେ ବଡ ପରଦାରେ ମୁକ୍ତିଲାଭ କରିବ । ଫିଲ୍ମର ଟିଜର ୬ ଦିନ ପରେ ରିଲିଜ୍ ହେବ ଅର୍ଥାତ୍ ମାର୍ଚ୍ଚ ୨୦ ରେ ସାମ୍ନାକୁ ଆସିବ । ମନୋଜ ବାଜପେୟୀଙ୍କ ଫିଲ୍ମ ବିଷୟରେ ଘୋଷଣା ହେବା ପରେ ସମସ୍ତେ ତାଙ୍କ ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି ।
ବିନୋଦ ଭୋନୁଶାଲି ଏବଂ ସମିକ୍ଷା ଶିଲା ଓସୱାଲ ଏହି ଫିଲ୍ମ ସମସ୍ତଙ୍କ ସାମ୍ନାକୁ ଆଣିବାକୁ ଯାଉଛନ୍ତି । ଏହି ଫିଲ୍ମକୁ ଆପୋରଭା ସିଂ କରକି ନିର୍ଦ୍ଦେଶନା ଦେଇଛନ୍ତି । ଏହାପୂର୍ବରୁ ସେ ମନୋଜଙ୍କ ସୁପରହିଟ୍ ଫିଲ୍ମ ‘ସାର୍ଫ ଏକ ବନ୍ଦା କାଫି ହେ’ ର ନିର୍ମାଣ କରିଥିଲେ । ତେବେ ଏହି ଫିଲ୍ମଟି ମନୋଜ ବାଜପେୟୀଙ୍କ ଫିଲ୍ମ କ୍ୟାରିୟରର ୧୦୦ ତମ ଚଳଚ୍ଚିତ୍ର ହେବାକୁ ଯାଉଛି । ଏବେ ଦେଖିବାରେ ଅଛି ଏହି ଫିଲ୍ମଟି ଦର୍ଶକଙ୍କୁ କେତେ ପସନ୍ଦ ଆସୁଛି ।
ଭୁବନେଶ୍ୱର (କେନ୍ୟୁଜ୍): ରାଜ୍ୟର ବିଭିନ୍ନ ଜିଲ୍ଲାରେ ଅସ୍ୱାଭାବିକ ମୃତ୍ୟକୁ ନେଇ ସ୍ୱାସ୍ଥ୍ୟ ନିର୍ଦ୍ଦେଶକଙ୍କ ପ୍ରତିକ୍ରିୟା । ମୃତ୍ୟୁର କାରଣ ଜାଣିବାକୁ…
କାକଟପୁର(କେନ୍ୟୁଜ୍): ଆଜି ଶେଷ ପର୍ଯ୍ୟାୟରେ କାକଟପୁର ନିର୍ବାଚନ ମଣ୍ଡଳୀରେ ୨୮୦ଟି ବୁଥରେ ଭୋଟ ଗ୍ରହଣ କାର୍ଯ୍ୟ ଚାଲୁରହିଛି । ଏହି…
ଗଞ୍ଜାମ (କେନ୍ୟୁଜ) : ଆଖୁ ରସ ପିଉଥିଲେ ଏପଟେ ଲୁଟିନେଇ ଚାଲିଗଲେ । ହଁ ଆଜ୍ଞା ଆଖୁ ରସ ପିଉଥିବା…
ସିବିଏସଇ ୧୦ମ ଏବଂ ୧୨ଶ ସପ୍ଲିମେଣ୍ଟାରୀ ପରୀକ୍ଷା ଆସନ୍ତା ୧୫ ଜୁଲାଇରୁ ଆରମ୍ଭ ହେବ । କେନ୍ଦ୍ରୀୟ ମାଧ୍ୟମିକ ଶିକ୍ଷା…
କେନ୍ଦ୍ର କର୍ମଚାରୀଙ୍କ ପାଇଁ ବଡ ଆଶ୍ବସ୍ତିକର ଖବର । କର୍ମଚାରୀଙ୍କ ମହଙ୍ଗା ଭତ୍ତା ବଢ଼ାଯିବା ପରେ ସେମାନଙ୍କୁ ଆଉ ଏକ…
ଦିଲ୍ଲୀର କାଶ୍ମୀରୀ ଗେଟ୍ ମେଟ୍ରୋ ଥାନାରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଘଟଣା ମେ’ ୩୧ ତାରିଖ ରାତିରେ…