କାକଟପୁରରେ ଭୋଟ ଦେଲେ ୧୧୧ବର୍ଷର ବୃଦ୍ଧ, ଭାବପ୍ରବଣ ହୋଇ କାନ୍ଦିପକାଇଲେ

କାକଟପୁର(କେନ୍ୟୁଜ୍‌): ଆଜି ଶେଷ ପର୍ଯ୍ୟାୟରେ କାକଟପୁର ନିର୍ବାଚନ ମଣ୍ଡଳୀରେ ୨୮୦ଟି ବୁଥରେ ଭୋଟ ଗ୍ରହଣ କାର୍ଯ୍ୟ ଚାଲୁରହିଛି । ଏହି ଭୋଟ ଗ୍ରହଣ ପ୍ରକ୍ରିୟାରେ ବିଭିନ୍ନ ବର୍ଗର ମତଦାତା ମାନେ ନିଜ ନିଜର ମତଦାନ କରୁଛନ୍ତି । କିନ୍ତୁ କାକଟପୁର ବ୍ଲକର ୧୭୦ନମ୍ବର ବୁଥରେ ଜଣେ ୧୧୧ବର୍ଷର ବୃଦ୍ଧ ଭୋଟ ଦେଇଥିବାର ଦେଖିବାକୁ ମିଳିଛି ।ଭୋଟ ଦେଇ ଆସିବା ପରେ ସେ ଖୁବ୍ ଖୁସି ଥିବାବେଳେ ମତଦାନର ବିଧିବ୍ୟବସ୍ଥାକୁ ପ୍ରଶଂସା କରିଥିଲେ । ଯାହା ତାଙ୍କ ମୁହଁରୁ ଶୁଣିବାକୁ ମିଳିଛି ।

ତେବେ ଏହି ଶତାୟୁ ଭୋଟରଙ୍କୁ ନେଇ ଏବେ ଚର୍ଚ୍ଚା । କାକଟପୁର ବ୍ଲକର ୧୭୦ନମ୍ବର ବୁଥରେ ଜଣେ ୧୧୧ବର୍ଷର ବୃଦ୍ଧ ଭୋଟ ଦେଇ ଆସିବା ପରେ ସେ ଭାବପ୍ରବଣ ହୋଇ କାନ୍ଦି ପକାଇଥିଲେ । ଆଖିର ଲୁହ ବୋଲ ମାନିନଥିଲା ତାଙ୍କର । ଦେଶ ଗଢ଼ିବାର ନିଶା ତାଙ୍କ ଠାରେ ବହୁତ । ଦେଶ ସ୍ୱାଧୀନ ହେବା ପରଠାରୁ ସେ ଆଜି ପର୍ଯ୍ୟନ୍ତ ମତଦାନ କରିଆସୁଥିବା ବେଳେ ବର୍ତ୍ତମାନର ଭୋଟ ପ୍ରକ୍ରିୟା ତାଙ୍କୁ ଭବୁତ ଆକୃଷ୍ଟ କରିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ଏହାଯେ ସେ ଖୁସିରେ ଭୋଟ ଦେବାକୁ ଆସିଥିବାବେଳେ, ସମସ୍ତେ ଏହି ଗଣତନ୍ତ୍ରର ମହାପର୍ବରେ ଭୋଟ ଦେବାକୁ ଏହି ବରିଷ୍ଠ ଭୋଟର ଆହ୍ୱାନ ଜଣାଇଛନ୍ତି।

ତେବେ ସୂଚନା ଥାଉକି, ୨୦୨୪ ମହାଯୁଦ୍ଧର ଆଜି ହେଉଛି ଶେଷ ଲଢ଼େଇ । ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଚାଲିଛି ଭୋଟଗ୍ରହଣ। ୬ ଲୋକସଭା ଆସନ ଓ ୪୨ ବିଧାନସଭା ଆସନରେ ଚାଲିଛି ମତଦାନ। ୪୬୦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ପ୍ରାୟ ଏକ କୋଟି ଭୋଟର । ନିର୍ବାଚନ ରଣାଙ୍ଗନରେ ଅଛନ୍ତି ୬୬ ଜଣ ସାଂସଦ ପ୍ରାର୍ଥୀ ଓ ୩୯୪ ବିଧାୟକ ପ୍ରାର୍ଥୀ । ଚତୁର୍ଥ ପର୍ଯ୍ୟାୟରେ ରାଜ୍ୟର ସର୍ବାଧିକ ମୋଟ ୯୯ ଲକ୍ଷ ୬୧ ହଜାର ଭୋଟର ରହିଛନ୍ତି ।