photo : theweek
ଟିଭି ଦୁନିଆର ଲୋକପ୍ରିୟ ସୋ ଶକ୍ତିମାନ ଭୂମିକାରେ ଅଭିନୟ କରୁଥିବା ମୁକେଶ ଖାନ୍ନା ତାଙ୍କର ଦମ୍ଦାର ଅଭିନୟ ବ୍ୟତୀତ ପ୍ରତିଦିନ ନିଜର ବିବୃତ୍ତି ପାଇଁ ହେଡଲାଇନରେ ରହିଛନ୍ତି ଏବଂ ପୁଣି ଥରେ ଏହି ଅଭିନେତା ଲାଇମ୍ ଲାଇଟକୁ ଆସିଛନ୍ତି । ତେବେ ୯୦ ଦଶକର ହିଟ୍ ସୋ ‘ଶକ୍ତିମାନ’କୁ ଆଧାର କରି ଫିଲ୍ମର କାଷ୍ଟିଂ କାଉଚକୁ ନେଇ ଟିଭିର ଶକ୍ତିମାନ ମୁକେଶ ଖାନ୍ନା ରିଆକ୍ଟ କରିଛନ୍ତି । ରଣବୀର ସିଂଙ୍କୁ ଶକ୍ତିମାନ ଭାବେ କାଷ୍ଟ କରାଯିବା ଖବର ଉପରେ ପ୍ରତିକ୍ରିୟା ପ୍ରକାଶ କରି ମୁକେଶ ଖାନ୍ନା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ପୋଷ୍ଟ ସେୟାର କରିଛନ୍ତି । ଏହା ବ୍ୟତୀତ ସେ ତାଙ୍କର ପ୍ରତିକ୍ରିୟାର ଭିଡିଓ ଲିଙ୍କ୍ ମଧ୍ୟ ସେୟାର କରିଛନ୍ତି । ରଣବୀର ସିଂଙ୍କ ଶକ୍ତିମାନ ହେବାରେ ମୁକେଶ ଖାନ୍ନାଙ୍କ ଆପତ୍ତି ସୃଷ୍ଟି କରିଛନ୍ତି ।
ତେବେ ଏପରି ଭାବେ ଲୋକପ୍ରିୟ ସୋ ‘ଶକ୍ତିମାନ’କୁ ନେଇ ନିର୍ମିତ ହେବାକୁ ଥିବା ଫିଲ୍ମର କାଷ୍ଟିଂ ଖବର ଉପରେ ମୁକେଶ ଖାନ୍ନା ନିଜର ନୀରବତା ଭାଙ୍ଗିଛନ୍ତି । ଏହା ସହ ତାଙ୍କର ଏହି ମନ୍ତବ୍ୟ ବିବାଦ ସୃଷ୍ଟି କରିଛି । ତେବେ ତାଙ୍କ ପ୍ରତିକ୍ରିୟା ପାଇଁ ସେ ଚର୍ଚ୍ଚାରେ ରହିଛନ୍ତି । ଏପରି ଭାବେ ମୁକେଶ ଖାନ୍ନା ତାଙ୍କ ସୋସିଆଲ ମିଡିଆରେ କାଷ୍ଟିଂ କାଉଚକୁ ବିରୋଧ କରିଛନ୍ତି ଏବଂ ରଣବୀର ସିଂଙ୍କ ବିବାଦୀୟ ନଗ୍ନ ଫଟୋସୁଟ ବିଷୟରେ ମଧ୍ୟ ଆଲୋଚନା କରିଛନ୍ତି । ଲୋକପ୍ରିୟ ଅଭିନେତା ଶକ୍ତିମାନ ଅର୍ଥାତ୍ ମୁକେଶ ଖାନ୍ନାଙ୍କ ପୋଷ୍ଟ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୂଚନା ମୁତାବକ, ପୂରା ଏକ ମାସ ଧରି ସୋସିଆଲ ମିଡିଆରେ ଚର୍ଚ୍ଚା ଚାଲିଥିଲା ଯେ ରଣବୀର ସିଂ ଶକ୍ତିମାନଙ୍କ ଭୂମିକାରେ ଅଭିନୟ କରିବାକୁ ଯାଉଛନ୍ତି ଏବଂ ଏହାକୁ ନେଇ ସମସ୍ତ ଲୋକ ଏଥିରେ ରାଗିଥିଲେ । କିନ୍ତୁ ଏବେ ଚ୍ୟାନେଲ ଘୋଷଣା କରିଛି ଯେ ଏଥିପାଇଁ ରଣବୀରଙ୍କୁ ସାଇନ୍ କରାଯାଇଛି । ଏହା ଘୋଷଣା ହେବା ପରେ ମୁକେଶ ଖାନ୍ନା ନିଜ ମତ ରଖିଛନ୍ତି । ଯେ ଏପରି ଇମେଜ୍ର ଲୋକ ଏହି ଭୂମିକା କରିପାରିବେ ନାହିଁ । ମୁଁ ଏହାର ବିରୋଧ କରୁଛି । ତେବେ ମୁକେଶ ଖାନ୍ନା ଏହି ପରି ଅନେକ ମତ ରଖିଛନ୍ତି ।
ଭିଡିଓରେ ମୁକେଶ ଖାନ୍ନା କହିଛନ୍ତି, ‘ଯଦି ସେ ଭାବନ୍ତି ଯେ ସେ ନିଜ ଶରୀରକୁ ଦେଖାଇ ସ୍ମାର୍ଟ ହୋଇପାରିବେ ତେବେ ଯାଇ ଫିନଲ୍ୟାଣ୍ଡ କିମ୍ବା ସ୍ପେନ୍ ପରି ଅନ୍ୟ ଦେଶରେ ରୁହନ୍ତୁ । ମୁଁ ନିର୍ମାତାମାନଙ୍କୁ ମଧ୍ୟ କହିଛି ଯେ ଆପଣଙ୍କ କମ୍ପିଟିସନ୍ ସ୍ପାଇଡର୍-ମ୍ୟାନ୍ ଏବଂ ବ୍ୟାଟ୍ସମ୍ୟାନ୍ଙ୍କ ସହିତ ନୁହେଁ । ତେବେ ଶକ୍ତିମାନ କେବଳ ଜଣେ ସୁପରହିରୋ ନୁହଁନ୍ତି ଜଣେ ଶିକ୍ଷକ ମଧ୍ୟ । ଯେତେବେଳେ ଏହି ଅଭିନେତାଙ୍କୁ ପଚରାଗଲା ଏହି ଭୂମିକା ପାଇଁ କିଏ ଫିଟ୍ ହୋଇପାରିବ ? ଏହାକୁ ନେଇ ମୁକେଶ ଖାନ୍ନା କହିଛନ୍ତି, ‘ଯଦି ମୁଁ ଜାଣିଥାନ୍ତି କିମ୍ବା କେହି ଜଣେ ଅଭିନେତା ମୋ ନଜରରେ ରହିଥାନ୍ତେ, ତେବେ ମୁଁ ବର୍ତ୍ତମାନ ସୁଦ୍ଧା ଫିଲ୍ମ ଆରମ୍ଭ କରିସାରିଥାନ୍ତି । ମୁଁ ଏପର୍ଯ୍ୟନ୍ତ ସେହି ଭଳି କାହାକୁ ପାଇ ନାହିଁ । ଏପରି ଅନେକ ପ୍ରକାରର କଥା ସାମ୍ନାକୁ ଆସିଛି । ଏବେ ଦେଖିବାରେ ଅଛି ଆଗକୁ ଯାଇ ଏହି ଫିଲ୍ମକୁ ନେଇ ର୍ନିମାତାଙ୍କର କିପରି ମତ ଆସୁଛି ।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…