ଭୋଟ୍ ଦେଲେ ରିତେଶ ଦେଶମୁଖ ଓ ଜେନେଲିଆ ଡିସୁଜା । ବି ଟାଉନର ଏହି ଲୋକପ୍ରିୟ ଯୋଡ଼ି ଗଣତନ୍ତ୍ରର ମହାପର୍ବରେ ସାମିଲ ହୋଇ ନିଜର ମତ ସାବ୍ୟସ୍ତ କରିଛନ୍ତି । ଦେଶରେ ଆଜି ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟ ଭୋଟିଂ ଚାଲିଛି । ଏହି ବଲିଉଡ୍ ଦମ୍ପତି ମହାରାଷ୍ଟ୍ରର ଲାତୁର ଲୋକସଭା ଆସନରୁ ନିଜର ବହୁମୂଲ୍ୟ ଭୋଟ୍ ଦେଇଛନ୍ତି ।
ମତଦାନ ସମୟରେ ରିତେଶ ଓ ଜେନେଲିଆଙ୍କ ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ସାମ୍ନାକୁ ଆସିଛି । କହି ରଖୁଛୁ ଯେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ରିତେଶ ଦେଶମୁଖଙ୍କ ବାପା ବିଳାସରାଓ ଦେଶମୁଖ ଲାତୁରରେ ଜନ୍ମଗ୍ରହଣ କରିଥିଲେ । ଲମ୍ବା ସମୟରୁ ଦେଶମୁଖ ପରିବାର ଏହି ଲୋକସଭା ଆସନରୁ ଭୋଟ୍ ଦେଇ ଆସୁଛନ୍ତି । ଏଥର ମଧ୍ୟ ନିର୍ବାଚନରେ ରିତେଶ ଦେଶମୁଖ ପତ୍ନୀ ଜେନେଲିଆ ଡିସୁଜାଙ୍କ ସହ ଲାତୁରରେ ପହଞ୍ଚି ମତଦାନ କରିଛନ୍ତି ।
ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋ ଏବଂ ଭିଡିଓରେ ରିତେଶ ଓ ଜେନେଲିଆ ଭୋଟ୍ ଦେଉଥିବାର ଦେଖାଯାଉଛନ୍ତି । ଜେନେଲିଆ ଗଣମାଧ୍ୟମକୁ କହିଛନ୍ତି, ‘ଏହା ଏକ ମହତ୍ତ୍ୱପୂର୍ଣ୍ଣ ଦିନ । ମୋତେ ଲାଗୁଛି, ଆଜି ଆମେ ସମସ୍ତେ ଭୋଟ୍ ଦେବା ଉଚିତ୍’ ।
ସେହିପରି ହାଉସ୍ଫୁଲ-୫ର ଅଭିନେତା ରିତେଶ ଦେଶମୁଖ ମଧ୍ୟ ମତଦାନ ପରେ ଲୋକଙ୍କୁ ଅପିଲ୍ କରି କହିଛନ୍ତି, ‘ମୁଁ ଆଜି ଭୋଟ୍ ଦେବା ପାଇଁ ନିଜ ଘର ମୁମ୍ବାଇରୁ ଲାତୁର ଆସିଛି । ସମସ୍ତେ ନିଜ ନିଜ ଘରୁ ଆଜି ବାହାରି ମତଦାନ କରିବା ଉଚିତ୍ । କାରଣ, ଆଜି ରାଷ୍ଟ୍ର ପାଇଁ ବହୁତ ଗୁରୁତ୍ୱପୂର୍ଣ୍ଣ ଦିନ’ । ଭୋଟ୍ ଦେବା ପରେ ରିତେଶ ଦେଶମୁଖ ଓ ଜେନେଲିଆ ଡିସୁଜା ଏହିପରି ଭାବେ ଦେଶର ଜନତାଙ୍କୁ ଅପିଲ୍ କରି ନିଜର ମତ ରଖିଛନ୍ତି ।
କହି ରଖୁଛୁ, ଆଜି ଦେଶରେ ତୃତୀୟ ପର୍ୟ୍ୟାୟରେ ମତଦାନ ଚାଲିଛି । ସନ୍ଧ୍ୟା ୬ଟା ପର୍ଯ୍ୟନ୍ତ ଭୋଟଗ୍ରହଣ ହେବ । ୧୧ଟି ରାଜ୍ୟର ୯୪ଟି ଆସନରେ ମତଦାନ ପାଇଁ ସକାଳୁ ଭୋଟରଙ୍କ ଲମ୍ବା ଲାଇନ ଲାଗିଛି । ଇଭିଏମରେ ସିଲ୍ ହେବ ୧୩୫୨ ପ୍ରାର୍ଥୀଙ୍କ ଭାଗ୍ୟ ।
ନୂଆଗଡ : ଯୁବକ ଜଣକ ନୂଆଗଡ ଗାଁର କୈଳାଶ ସୁବୁଦ୍ଧିଙ୍କ ପୁଅ ନାରାୟଣ ସୁବୁଦ୍ଧି ବୋଲି ଜଣାପଡିଛି । ମୃତ୍ୟୁର…
ଭାରତୀୟ ଟିମ୍ର ଖେଳାଳି ତଥା କୋଲକାତା ନାଇଟ୍ ରାଇଡର୍ସ(KKR)ର ଷ୍ଟାର୍ ଅଲରାଉଣ୍ଡର ଭେଙ୍କଟେଶ ଆୟର ବିବାହ ବନ୍ଧନରେ ବାନ୍ଧି ହୋଇଛନ୍ତି…
ଗ୍ରୀଷ୍ମ ଋତୁ ଆସିବା ସହିତ ଇଲେକ୍ଟ୍ରୋନିକ୍ ଡିଭାଇସରେ ଅଗ୍ନି ଏବଂ ବିସ୍ଫୋରଣ ଘଟଣା ମଧ୍ୟ ବଢ଼ିବାରେ ଲାଗିଛି । ଶୀତ…
ଭୁବନେଶ୍ୱର : ଅମାନିଆଙ୍କୁ କମିସନରେଟ ପୋଲିସର ଆକ୍ସନ । ଗାଡ଼ି ଚଲାଇବା ସମୟରେ ମୋବାଇଲରେ କଥା ହେଉଥିବା ବେଳେ ଗାଡ଼ି…
ଆଜିକାଲି ରୋଗରେ ପିଡ଼ିତ ହେବା ସାଧାରଣ କଥା ହୋଇଗଲାଣି । ଷ୍ଟୋନ୍ ଆଉ ଟ୍ୟୁମର ପ୍ରାୟତଃ ସମସ୍ତଙ୍କୁ ହେଉଛି ।…
ଅରୁଣାଚଳ ପ୍ରଦେଶ ବିଧାନସଭା ନିର୍ବାଚନରେ ବାଜି ମାରିଛି ବିଜେପି । ବିଜେପି ପୁଣିଥରେ ଅରୁଣାଚଳ ପ୍ରଦେଶରେ ୪୬ ସିଟରେ ବିଜୟ…