ଫିଲ୍ମ ‘ତାନାଜୀ’ ମାଧ୍ୟମରେ ବିଲିଉଡ୍‌ରେ ସେଞ୍ଚୁରୀ ମାରିଛନ୍ତି ଅଜୟ ଦେବଗନ, ପୋଷ୍ଟର ସେୟାର କରି ଶୁଭେଚ୍ଛା ଜଣାଇଲେ ପତ୍ନୀ କାଜୋଲ ଏବଂ ଶାହରୁଖ ଖାନ୍

ବଲିଉଡ୍‌ର ସିଙ୍ଘମ ଅଜୟ ଦେବଗନ। ଫିଲ୍ମ ତାନାଜୀ ମାଧ୍ୟମରେ ବିଲିଉଡ୍‌ରେ ସେଞ୍ଚୁରୀ ମାରିଛନ୍ତି ଅଜୟ । ୧୯୯୧ରେ ଫିଲ୍ମ ‘ଫୁଲ୍ ଔର କାଣ୍ଟେ’ ମାଧ୍ୟମରେ ଆରମ୍ଭ କରିଥିଲେ ଅଭିନୟ । ୩୦ ବର୍ଷରେ ୧୦୦ଟି ଫିଲ୍ମ କରିଛନ୍ତି ଅଜୟ।  ପ୍ରଥମ ଫିଲ୍ମରେ ହିଁ ଅଜୟ ପାଇଥିଲେ ଫିଲ୍ମ ଫେୟାର ଆଓ୍ଵାର୍ଡ । ଏହା ପରେ ଆଉ ପଛକୁ ଫେରିନଥିଲେ ଏହି କଳାକାର । ବି ଟାଉନ୍‌କୁ ଦେଇ ଚାଲିଲେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ।

video courtesy: Ajay Devgn Ffilms

ବିଜୟପଥ, ଦିଲଓ୍ଵାଲେ, ଦିଲଜଲେ, ଇସ୍କ ଓ ହମ୍ ଦିଲ୍ ଦେ ଚୁକେ ସନମ୍ ପରି ଫିଲ୍ମକୁ ଏବେ ବି ମନେ ରଖିଛନ୍ତି ଦର୍ଶକ । ଜଖ୍‌ମ ଓ ଭଗତ ସିଂହଙ୍କ ପାଇଁ ତାଙ୍କୁ ମିଳିଛି ନେସନାଲ ଫିଲ୍ମ ଆଓ୍ଵାର୍ଡ । ରୋମାଣ୍ଟିକ୍‌, କମେଡି, ଭିଲେନ୍‌, ସବୁ କ୍ୟାରେକ୍ଟରରେ ଦର୍ଶକଙ୍କ ମନ ଜିଣିଛନ୍ତି ସେ । ଫିଲ୍ମ ସିଙ୍ଘମରେ ଦେଖିବାକୁ ମିଳିଥିଲା ଦେବଗନଙ୍କ ଜବରଦସ୍ତ ଆକ୍ସନ । କେବଳ ଅଭିନୟ ନୁହଁ, ପ୍ରଯୋଜନ ଓ ନିର୍ଦ୍ଦେଶନା ବି ଦେଇଛନ୍ତି। ଫିଲ୍ମ ଜିଗରରେ ଅଭିନେତ୍ରୀ କାଜୋଲଙ୍କ ସହ ତାଙ୍କ ସଂପର୍କ ଗଢି ଉଠିଥିଲା । ୨୪ ଫେବୃଆରୀ ୧୯୯୯ରେ ଦୁହେଁ ବିବାହ ବନ୍ଧନରେ ଆବଦ୍ଧ ହୋଇଥିଲେ ।

ଏହାସହ ପଢନ୍ତୁ:

ନିଜର ପ୍ରଥମ ମ୍ୟୁଜିକ୍ ଭିଡିଓ ‘ଫିଲହାଲ୍’ର ଟିଜର ସେୟାର କଲେ ଅକ୍ଷୟ କୁମାର, ଦେଖନ୍ତୁ ଭିଡିଓ

ଅଜୟ ଦେବଗନଙ୍କ ୧୦୦ ତମ ଫିଲ୍ମ ତାନାଜୀର ପୋଷ୍ଟର ସେୟାର କରି ଶୁଭେଚ୍ଛା ଜଣାଇଛନ୍ତି କାଜୋଲ । ଅପରପକ୍ଷେ ଶାହରୁଖ ଖାନ୍ ଅଜୟଙ୍କୁ ଶୁଭେଚ୍ଛା ଜଣାଇବା ସହିତ ସହିତ ୧୦୦ତମ ଫିଲ୍ମକୁ ଅପେକ୍ଷା କରିବା କହିଛନ୍ତି । ଏହା ସହିତ ଏକାଥରରେ ଦୁଇଟି ବାଇକକୁ ଚଲାଇବାଠାରୁ ଆରମ୍ଭ କରି ବହୁ ଲମ୍ବା ରାସ୍ତାର ଲକ୍ଷ ହାସଲ କରିଥିବା କଥା କହିଛନ୍ତି । ତେବେ ଆସନ୍ତା ଜାନୁଆରୀ ୧୦ ତାରିଖରେ ଅଜୟଙ୍କ ଫିଲ୍ମ ତାନାଜୀ ବଡ଼ ପରଦାକୁ ଆସିବ ।