ନିକଟରେ ଶାହାରୁଖ ଖାନଙ୍କ ରିଲିଜ ହୋଇଥିବା ଫିଲ୍ମ ‘ଜୱାନ’ର ‘ଚଲେୟା’ ଗୀତରେ କେବଳ ଫ୍ୟାନମାନେ ପାଗଳ ନୁହଁନ୍ତି, ବରଂ ବିରାଟ କୋହଲି ମଧ୍ୟ ଏହି ଗୀତରେ ନାଚୁଥିବାର ଦେଖାଯାଇଛି । ବାସ୍ତବରେ ବିରାଟ କୋହଲିଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ ସେ କ୍ରିକେଟ୍ ଫିଲ୍ଡରେ ଶାହାରୁଖ ଖାନଙ୍କ ଗୀତ ‘ଚଲେୟା’ରେ ହୁକ ଷ୍ଟେପ କରୁଥିବାର ନଜର ଆସିଛନ୍ତି ।
ବିରାଟ କୋହଲିଙ୍କ ଏହି ଭିଡିଓ ଆଇସିସି ୱାର୍ଲଡ କପ୍ ନିଜ ସୋସିଆଲ ମିଡିଆରେ ସେୟାର କରିଛି । କ୍ୟାପ୍ସନରେ ଲେଖାଯାଇଛି- ଶାହରୁଖ ଖାନଙ୍କୁ କମ୍ପିଟିସନ ମିଳିଗଲା । ଏହି ଭିଡିଓ ଦେଖି ଫ୍ୟାନମାନେ ବିରାଟଙ୍କର ଖୁବ ପ୍ରଶଂସା କରୁଛନ୍ତି । ଖାଲି ଫ୍ୟାନ୍ସ ନୁହେଁ ବରଂ ‘ଜୱାନ’ ଫିଲ୍ମର ନିର୍ଦେଶକ ଅଟଲି କୁମାର ମଧ୍ୟ ବିରାଟଙ୍କ ଏହି ଭିଡିଓରେ ରିଆକ୍ଟ କରିଛନ୍ତି । ଅଟଲି ଏହି ଭିଡିଓକୁ ରି-ସେୟାର କରି ଲେଖିଛନ୍ତି ‘OMG’ ଏବଂ ଏହା ସହ ସେ ଅନେକ ହାର୍ଟ ଇମୋଜୀ ମଧ୍ୟ ଦେଇଛନ୍ତି ।
‘ଚଲେୟା’ ଗୀତରେ ବିରାଟ କୋହଲିଙ୍କ ଡ୍ୟାନ୍ସ ଦେଖିବା ପରେ ଫ୍ୟାନମାନେ ବହୁତ ଖୁସି ହୋଇଯାଇଛନ୍ତି ଏବଂ ଖୁବ ରିଆକ୍ସନ ମଧ୍ୟ ଦେଉଛନ୍ତି । ଜଣେ ଫ୍ୟାନ ଲେଖିଛନ୍ତି- ‘କିଙ୍ଗ କୋହଲି x କିଙ୍ଗ ଖାନ।’ ଅନ୍ୟ ଜଣେ ମନ୍ତବ୍ୟ ଦେଇଛନ୍ତି- ‘ରାଜାମାନଙ୍କର ରାଜା।’ ଏହା ବ୍ୟତୀତ ଜଣେ ପ୍ରଶଂସକ ଲେଖିଛନ୍ତି – ‘ତାଙ୍କୁ କିପରି କେହି ଘୃଣା କରିପାରିବ, ସେ ଭାରତ ପାଇଁ ଏକ ଆଶୀର୍ବାଦ।’
ସୂଚନାଯୋଗ୍ୟ, ଚଳିତ ବର୍ଷ ୭ ସେପ୍ଟେମ୍ବରରେ ଫିଲ୍ମ ‘ଜୱାନ’ ରିଲିଜ ହୋଇଥିଲା । ଫିଲ୍ମଟି ରିଲିଜ ହେବା ମାତ୍ରେ ହି ବକ୍ସଅଫିସରେ ଧମାଲ ମଚେଇଥିଲା । ଫିଲ୍ମଟି ୱାର୍ଲଡ ୱାଇଡ ୧୧୪୦ କୋଟିର ଇନକମ କରିଛି ।
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…
ଭୁବନେଶ୍ୱର(କେନ୍ୟୁଜ୍): କ୍ରୀଡ଼ା ଓ ଯୁବସେବା ମାନ୍ୟବର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଆଜି କଳିଙ୍ଗ ଷ୍ଟାଡିୟମ ଗସ୍ତ କରି ରାଜ୍ୟର…
ନୂଆପଡା (କେନ୍ୟୁଜ) : ଭୋଜି ଖାଇ ସାଙ୍ଗ ହୋଇ ଫେରୁଥିଲେ ଏହି ୪ ଜଣ ସାଙ୍ଗ । ଏମାନେ ୪…
ଭୁବନେଶ୍ୱର(କେନ୍ୟୁଜ୍): ଜୁନ୍ ୧୭ ତାରିଖରେ ଭାରତ ସମେତ ବିଶ୍ୱର ୨୦୦ଟି ଦେଶର ୨୫ହଜାର ସ୍ଥାନରେ ୧୧ଶ ଅନ୍ତର୍ଜାତୀୟ ‘ଆର୍ଟ ଅଫ୍…
ଚାନ୍ଦବାଲି (କେନ୍ୟୁଜ): ଏ ଶରୀର କ୍ଷଣସ୍ଥାୟୀ । ସତରେ ଏ ଶରୀର କିଛି ନୁହେଁ ଆଜି ଭଲ ଅଛି ତ…