କର୍ମଜୀବୀ ମହିଳାମାନେ ଘର, ପରିବାର, ଅଫିସ୍ ଟେନ୍ସନ୍ରେ ରହି ନିଜକୁ ପର୍ଯ୍ୟାପ୍ତ ସମୟ ଦେଇପାରନ୍ତି ନାହିଁ। ଏଣୁ ସେମାନେ ନିଜ ତ୍ୱଚା ଓ କେଶର ଯତ୍ନ ସଠିକ ଯତ୍ନ ନେଇପାରିନଥାନ୍ତି। ଏମିତିକି ଅଫିସ ଯିବା ବେଳେ ମଧ୍ୟ ଠିକ୍ଭାବେ ମେକଅପ୍ କରିପାରିନଥାନ୍ତି। କେବଳ ବଡି ଲୋସନ୍ ଲଗାଇ ଓ ମୁଣ୍ଡକୁ ସାଧାସିଧା ଭାବେ କୁଣ୍ଡାଇ ଦେଇ ସେମାନେ ଅଫିସ୍କୁ ଚାଲିଯାଇଥାନ୍ତି। ସମୟ ହେଲେ ବାଥ୍ରୁମ୍ରେ ବେଳେ ବେଳେ ମେକଅପ୍ ନେଇଥାନ୍ତି। ତେବେ କେତେକ ସହଜ ମେକ୍ଅପ୍ ଟିପ୍ସ ଦ୍ୱାରା ଆପଣ କମ୍ ସମୟରେ ନିଜକୁ ସଜାଇପାରିବେ। ଆସନ୍ତୁ ଜାଣିବା ସହଜରେ ଅଫିସ ପାଇଁ ରେଡି ହେବା ଟିପ୍ସ:
ମେକ୍ଅପ୍ ସବୁବେଳେ ଋତୁ ଅନୁସାରେ କରିବା ଉଚିତ୍। ସ୍କିନ୍ରେ ଗ୍ଲୋ ମଶ୍ଚରାଇଜର ଲଗାନ୍ତୁ। ଏଥିସହ ସ୍କିନ୍ଟୋନ୍ ହିସାବରେ ଫାଉଣ୍ଡେସନ୍ ବ୍ୟବହାର କରନ୍ତୁ। ଆଦୌ କ୍ରିମି ଫାଉଣ୍ଡେସନ୍ ବ୍ୟବହାର କରନ୍ତୁ ନାହିଁ।
ଦିନରେ କେବେ ମଧ୍ୟ ଅଧିକା ମେକଅପ୍ କରନ୍ତୁ ନାହିଁ। ମେକ୍ଅପ୍ ଯେତେ ସିମ୍ପଲ ରହିବ ଆପଣଙ୍କୁ ସେତିକି ଆରାମ ଲାଗିବ। ଅଫିସ୍ରେ କାମ କରୁଥିବା ମହିଳା ସାଦାସିଧା ମେକ୍ଅପ୍ କରିବା ଉଚିତ। ନଚେତ୍ ସହକର୍ମୀମାନେ ଚିନ୍ତା କରିବେ ଆପଣ କାମରେ କମ୍ ମେକ୍ଅପ୍ରେ ଅଧିକ ଧ୍ୟାନ ଦେଉଛନ୍ତି। ଅଫିସ୍ ଗେଟ୍ଅପ୍ ଯେତେ ନ୍ୟାଚୁରାଲ୍ ହେବ ସେତେ ଭଲ।
ଆଖିରେ ହାଲ୍କା କଳା ଲଗାଇବା ପରେ ଆଇଲାଇନର୍ ଲଗାନ୍ତୁ। ଆଇଲାଇନର୍ ଆପଣଙ୍କ ଲୁକ୍କୁ ଅଧିକ ଆକର୍ଷଣୀୟ କରାଇଥାଏ। ଆଖିପତାରେ ଅଧିକ ମସ୍କାରା ଲଗାନ୍ତୁ ନାହିଁ। ଦିନରେ ଡାର୍କ କଲରର ସେଡ୍ ଆଦୌ ବ୍ୟବହାର କରନ୍ତୁ ନାହିଁ। ଯଦି ସେଡ୍ ଲଗାଇବା ପସନ୍ଦ ତେବେ କୌଣସି ନ୍ୟାଚୁରାଲ କଲରର ଲଗାନ୍ତୁ।
ଯେତେ ଭଲ ମେକ୍ଅପ୍ ନେଇଥିଲେ ମଧ୍ୟ ଯଦି ଆପଣ ଭୁଲ ରଙ୍ଗର ଲିପଷ୍ଟିକ୍ ବ୍ୟବହାର କରୁଛନ୍ତି ତେବେ ମେକ୍ଅପ୍ ନଷ୍ଟ ହେବା ସୁନିଶ୍ଚିତ। ତେଣୁ ସବୁବେଳ ଲିପଷ୍ଟିକ୍ ବାଛିବା ବେଳେ ଧ୍ୟାନ ଦିଅନ୍ତୁ। ଅଫିସକୁ ଆଦୌ ଡାର୍କ କଲରର ଲିପଷ୍ଟିକ୍ ଲଗାଇ ଯାଆନ୍ତୁ ନାହିଁ। ଲିପ୍ କଲରର କିମ୍ବା ସିମରି କଲରର ଲିପଷ୍ଟିକ୍ ଅଫିସ ଗେଟ୍ଅପ୍କୁ ମ୍ୟାଚ୍ କରେ। ନିଜକୁ ଫର୍ମାଲ ଲୁକ୍ ଦେବାକୁ ଚାହୁଁଥିଲେ ଗ୍ଲସି ଲିପଷ୍ଟିକ୍ ବ୍ୟବହାର କରନ୍ତୁ।
ଏହାସହ ପଢନ୍ତୁ: ଅଧିକ ସମୟ ମେକ୍ଅପ୍ ରଖିବାକୁ ଚାହୁଁଥିଲେ ଟ୍ରାଏ କରନ୍ତୁ ଏହି ଟିପ୍ସ୍
ଅଫିସ୍ ପାଇଁ ସବୁବେଳେ ହାଲ୍କା ରଙ୍ଗର ବ୍ଲଶ୍ ବ୍ୟବହାର କରିବା ଉଚିତ। ଲାଲ୍ କିମ୍ବା ଗୋଲାପୀ ରଙ୍ଗର ବ୍ଳଶ୍ ଆପଣଙ୍କ ଅଫିସ୍ ଗେଟ୍ଅପକୁ ନଷ୍ଟ କରିପାରେ। ମେକ୍ଅପ୍ କରିବା ପୂର୍ବରୁ ମୁହଁକୁ ଭଲ ଭାବେ ପରିଷ୍କାର କରି ଧୋଇଦିଅନ୍ତୁ। ପ୍ରଥମେ ଟୋନର ଲଗାଇବା ପରେ ମେକ୍ଅପ୍ କଲେ ଏହା ବ୍ୟାପି ନଥାଏ।
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…