ଲାଇଫ୍ ଷ୍ଟାଇଲ୍

ଏହି ୩ଟି ଉପାୟରେ ଅଁଳା ବ୍ୟବହାର କରନ୍ତୁ, ଦୂର ହେବ ରୁପି ଓ କେଶ ଝଡିବା ସମସ୍ୟା

ଆପଣମାନେ ଅଁଳାର ବିଭିନ୍ନ ପ୍ରକାରର ଗୁଣ ବିଷୟରେ ଜାଣିଥିବେ କିନ୍ତୁ ଆମେ ଆଜି ଆପଣଙ୍କୁ କେଶରେ ଏହାର ବ୍ୟବହାର ବିଷୟରେ ଜଣାଇବୁ । ତେବେ ଅଁଳା କେଶ ପାଇଁ ଏକ ପ୍ରଭାବଶାଳୀ ଔଷଧ ଭାବରେ କାମ କରେ । କେଶ ଧଳା ହୋଇଯିବା, ଝଡ଼ିବା ଏବଂ ଅନ୍ୟାନ୍ୟ କେଶ ସମସ୍ୟାକୁ ରୋକିବାରେ ଅଁଳା ଲାଭଦାୟକ ହୋଇଥାଏ । ଏପରି ଭାବେ ଆପଣ କେଶରେ ଅଁଳାକୁ ବ୍ୟବହାର କରିପାରିବେ । କିଛି ଲୋକ ଅଁଳା ପ୍ୟାକ୍ ବ୍ୟବହାର କରନ୍ତି ଏବଂ କେହି କେହି କେଶ ପାଇଁ ଅଁଳା ସାମ୍ପୁ ଏବଂ ତେଲ ମଧ୍ୟ ବ୍ୟବହାର କରନ୍ତି । ଯଦି ଆପଣ ବଜାରରେ ମିଳୁଥିବା ଅଁଳାର ଏହି ସବୁ ଜିନିଷ ବ୍ୟବହାର କରିବାକୁ ଚାହୁଁନାହାଁନ୍ତି, ତେବେ ଆପଣ ନିଜ ଘରେ ରଖାଯାଇଥିବା ଅଁଳା ପାଉଡରକୁ ବ୍ୟବହାର କରିପାରିବେ । ସେଥିପାଇଁ ଆମେ ଆଜି ଆପଣଙ୍କୁ ଅଁଳାକୁ କେଶରେ ଲଗାଇବାର ୩ଟି ଉତ୍ତମ ଉପାୟ ଜଣାଇବୁ । ତାହେଲେ ଆସନ୍ତୁ ଜାଣିବା ଯେ ଧଳା କେଶକୁ କଳା କରିବା ପାଇଁ ଅଁଳା କିପରି ବ୍ୟବହାର କରାଯାଏ ।

କେଶ ପାଇଁ ଅଁଳା ପାଉଡର ଉପକାରୀ :
ଭିଟାମିନ୍ Cରେ ଭରପୂର ଅଁଳା ଆୟୁର୍ବେଦର ଅନେକ ଔଷଧରେ ବ୍ୟବହାର କରାଯାଏ । ଏହାର ଅର୍ଥ ଅଁଳା ବ୍ୟବହାର କରି ଆପଣ ଅଧିକ ସମୟ ପର୍ଯ୍ୟନ୍ତ ନିଜ କେଶକୁ କଳା ରଖିପାରିବେ । ଏହା ସହ ଫ୍ରି ରେଡିକାଲଗୁଡିକର କ୍ଷତିରୁ କେଶକୁ ରକ୍ଷା କରିବାରେ ଅଁଳା ସାହାଯ୍ୟ କରେ । ଏହା କେଶ ଫାଟିବା ସମସ୍ୟାକୁ ଦୂର କରିଥାଏ । ତେବେ ଅଁଳା କେଶ ଧଳା ହେବା ସମସ୍ୟାକୁ ଦୂର ହୋଇଥାଏ । ଏହା ତ୍ୱଚାରେ ଜମା ହୋଇଥିବା ମଇଳାକୁ ସଫା କରିଥାଏ ଏବଂ କେଶ ଝଡିବାକୁ ମଧ୍ୟ କମ୍‌ କରିଥାଏ । କେଶ ବଢିବାରେ ଅଁଳା ବହୁତ ପ୍ରଭାବଶାଳୀ ଭାବରେ କାମ କରେ । ସମସ୍ତ କେଶ ସମସ୍ୟା ଦୂର କରିବା ପାଇଁ ଅଁଳା ଅନେକ ସାହାଯ୍ୟ କରିଥାଏ । ଏହା କେଶରେ ଥିବା ରୁପି ସମସ୍ୟାକୁ ମଧ୍ୟ ଦୂର କରିଥାଏ ।

ଅଁଳା ପାଉଡରରେ ଦହି ମିଶାନ୍ତୁ :
ଦହି ଓ ଅଁଳା କେଶ ପାଇଁ ଭଲ ହୋଇଥାଏ । ଆପଣ ଅଁଳା ଏବଂ ଦହିକୁ ମିଶାଇ ଏକ ହେୟାର ମାସ୍କ ପ୍ରସ୍ତୁତ କରିପାରିବେ । ଏଥିପାଇଁ ୨ ଚାମଚ ଅଁଳା ପାଉଡରରେ କିଛି ଗରମ ପାଣି ମିଶାଇ ଏକ ପେଷ୍ଟ ପରି ପ୍ରସ୍ତୁତ କରନ୍ତୁ । ଏହା ପରେ ସେହି ପେଷ୍ଟରେ ୧ ଚାମଚ ମହୁ ଏବଂ ୨ ଚାମଚ ଦହି ମିଶାନ୍ତୁ । ଏହାକୁ କେଶରେ ଲଗାନ୍ତୁ ଏବଂ ପ୍ରାୟ ଅଧ ଘଣ୍ଟା ପାଇଁ ଛାଡିଦିଅନ୍ତୁ । କେଶକୁ ପାଣି କିମ୍ବା କିଛି ସାମ୍ପୁରେ ଧୋଇ ଦିଅନ୍ତୁ ।

ଅଁଳାରେ ତିଆରି କରନ୍ତୁ ହେୟାର ଟନିକ୍ :
ଅଁଳାକୁ ହେୟାର ଟନିକ୍ ଭାବରେ ମଧ୍ୟ ବ୍ୟବହାର କରାଯାଇପାରିବ । ଏଥିପାଇଁ ଅଁଳା ରସ ନେଇ ସେଥିରେ ଅଁଳା ପାଉଡର ମିଶାନ୍ତୁ । ଉଭୟ ଜିନିଷକୁ ମିଶାଇ ଏକ ପତଳା ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ପ୍ରାୟ ୧୦ ରୁ ୧୫ ମିନିଟ୍ ପର୍ଯ୍ୟନ୍ତ କେଶରେ ଲଗାନ୍ତୁ ଏବଂ ତାପରେ ସାମ୍ପୁରେ କେଶ ଧୋଇ ଦିଅନ୍ତୁ । ଏହି ଅଁଳା ହେୟାର ଟନିକ୍ କେଶ ବଢିବାରେ ସାହାଯ୍ୟ କରେ ଏବଂ କେଶକୁ ଧଳା ହେବାରୁ ରକ୍ଷା କରେ ।

ଅଁଳା ଏବଂ ଲେମ୍ବୁ :
କେଶକୁ କଳା କରିବା ପାଇଁ ଅଁଳା ସହିତ ଲେମ୍ବୁ ବ୍ୟବହାର କରନ୍ତୁ । ଏହି ଦୁଇଟି ଜିନିଷକୁ ମିଶାଇ ଆପଣ ଏକ ହେୟାରପ୍ୟାକ୍ ତିଆରି କରିପାରିବେ । ଏଥିପାଇଁ ଆମଲା ପାଉଡରରେ କିଛି ପାଣି ଏବଂ ଲେମ୍ବୁ ରସ ମିଶାନ୍ତୁ । ଏହି ପେଷ୍ଟକୁ କେଶରେ ଲଗାନ୍ତୁ ଏବଂ ତାପରେ ଅଧ ଘଣ୍ଟା ପରେ କେଶ ଧୋଇ ଦିଅନ୍ତୁ । ଏହା ସହିତ ଧୀରେ ଧୀରେ ଧଳା କେଶ ସ୍ୱଭାବିକ ଭାବରେ କଳା ହେବାକୁ ଆରମ୍ଭ କରିବ । ଏହା ଏକ ଅତ୍ୟନ୍ତ ପ୍ରଭାବଶାଳୀ ହେୟାର ମାସ୍କ ଯାହା କେଶରେ ଯାଦୁ ପରି କାମ କରେ । ସେଥିପାଇଁ ଯଦି ଆପଣ ମଧ୍ୟ କେଶର ଏହି ସବୁ ସମସ୍ୟାର ସମ୍ମୁଖୀନ ହେଉଛନ୍ତି, ତାହେଲେ ଆପଣ ଅଁଳାର ଏହି ୩ଟି ଘରୋଇ ଉପଚାର ବ୍ୟବହାର କରିପାରିବେ ।

D Sonali

Recent Posts

ରାସ୍ତାରେ ଜଳିଗଲା ବାଇକ, ନିଆଁକୁ ଆୟତ୍ତ କଲେ ଅଗ୍ନିଶମ ବିଭାଗ

ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ  ରାସ୍ତାରେ ଜଳିଗଲା ବାଇକ | ପ୍ରକାଶ ଯେ,  ଆଠମଲ୍ଲିକ  କିଆକଟା…

2 mins ago

ସ୍ୱାତି ମାଲିଓ୍ଵାଲଙ୍କୁ ମାଡ଼ ମାମଲା: ଜୁଲାଇ ୬କୁ ବୃଦ୍ଧି ପାଇଲା ବିଭବ କୁମାରଙ୍କ ନ୍ୟାୟିକ ହେପାଜତ

ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…

32 mins ago

ସୋନାକ୍ଷୀଙ୍କ ବିବାହ ପାଇଁ ସୁନ୍ଦର ଭାବେ ସଜାଯାଇଛି ଶତ୍ରୁଘ୍ନ ସିହ୍ନା ଘର, ସାମ୍ନାକୁ ଆସିଲା ଫଟୋ

ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍‌ ଚର୍ଚ୍ଚା ଚାଲିଛି…

40 mins ago

ଠାଣେ: ଫୁଟବଲ୍‌ ଟର୍ଫ ଉପରେ ଖସିପଡ଼ିଲା ଟିଣ ଶେଡ୍‌, ୯ ଜଣ ପିଲା ଆହତ; ଅନେକ ଗୁରୁତର

ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍‌ ଟର୍ଫ…

2 hours ago

ଯେକୌଣସି ବୟସରେ ଦାନ୍ତ ଉଠାଇ ପାରିବେ ଆପଣ, ଆସୁଛି ନୂଆ ମେଡିସିନ୍‌

ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…

3 hours ago

ଖୋର୍ଦ୍ଧା ଜେଲ୍ ପାଲଟିଛି ବ୍ରାଉନସୁଗର କାରବାରର ନୂଆ ଠିକଣା

ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…

3 hours ago