ଡାଇବେଟିସ୍ ସହ ଅନେକ ରୋଗ ପାଇଁ ଔଷଧ ଭାବେ କାମ କରେ ଅର୍ଜୁନ ଗଛର ଛାଲ, ଏପରି କରନ୍ତୁ ବ୍ୟବହାର

ଆୟୁର୍ବେଦରେ ଅନେକ ଔଷଧ ଅଛି ଯାହା ସମସ୍ତ ରୋଗ ପାଇଁ ବହୁତ ପ୍ରଭାବଶାଳୀ ଭାବରେ କାମ କରେ । ଏଥିମଧ୍ୟରୁ ଗୋଟିଏ ହେଉଛି ଅର୍ଜୁନ ଗଛ । ଏହି ଗଛର ଛାଲ ସୁଗର ଏବଂ ବ୍ଲଡ ପ୍ରେସର ରୋଗୀଙ୍କ ପାଇଁ ବିଶେଷ ଉପକାରୀ ବୋଲି ବିବେଚନା କରାଯାଏ । ଅର୍ଜୁନ ଗଛରେ ଅନେକ ପୋଷକ ତତ୍ତ୍ୱ ଏବଂ ଫାଇଟୋକେମିକାଲ୍ ଥାଏ ଯାହା ଏହାକୁ ଅନେକ ଔଷଧୀୟ ଉପଚାରରେ ଗୁରୁତ୍ୱପୂର୍ଣ୍ଣ କରିଥାଏ । ଅର୍ଜୁନ ଗଛରେ ଫ୍ଲାଭୋନାଏଡ, ଟେନିନ୍, ଟ୍ରାଇଟରପେନଏଡ ଏବଂ ସାପୋନିନ୍ ପରି ଫାଇଟୋକେମିକାଲ୍ସ ମିଳିଥାଏ । ଏଥିରେ ଅର୍ଜୁନୋଲିକ୍ ଏସିଡ୍, ଗାଲିକ୍ ଏସିଡ୍, ଏଲାଗିକ୍ ଏସିଡ୍ ଭଳି ଅନେକ ଜରୁରୀ ଯୌଗିକ ଥାଏ । ଏହି ସମସ୍ତ ଉପାଦାନଗୁଡିକ ଅର୍ଜୁନ ଛାଲକୁ ଏକ ପ୍ରଭାବଶାଳୀ ଔଷଧ କରିଥାଏ । ତାହେଲେ ଆସନ୍ତୁ ଜାଣିବା ଯେ କେଉଁ ରୋଗରେ ଅର୍ଜୁନ ଗଛ ବ୍ୟବହାର କରାଯାଏ ଏବଂ ଏହାକୁ କିପରି ବ୍ୟବହାର କରାଯିବ ।

ଅର୍ଜୁନ ଗଛର ଛାଲକୁ କିପରି ବ୍ୟବହାର କରିବେ :
ଅର୍ଜୁନ ଗଛର ଛାଲକୁ ବ୍ୟବହାର କରିବା ପାଇଁ ଏହାର ଏକ ପାଉଡର ତିଆରି କରନ୍ତୁ । ବଜାରରେ ଅର୍ଜୁନ ଛାଲ ପାଉଡର ମଧ୍ୟ ଉପଲବ୍ଧ ହେଉଛି । ତେବେ ପ୍ରାୟ ୧୦ ମିଗ୍ରା ଅର୍ଜୁନ ଛାଲ ପାଉଡର ନିଅନ୍ତୁ ଏବଂ ଏହାକୁ ସକାଳେ ଏବଂ ସନ୍ଧ୍ୟାରେ ଖାଆନ୍ତୁ । ଆପଣ ଏହାକୁ ଚା, କ୍ଷୀର କିମ୍ବା କେବଳ ଗରମ ପାଣିରେ ଖାଇପାରିବେ ।

ଜାଣନ୍ତୁ ଯେଉଁ ରୋଗରେ ଅର୍ଜୁନ ଗଛର ଛାଲ ବ୍ୟବହାର କରାଯାଏ :
ଡାଇବେଟିସ୍ : ଡାଇବେଟିସ୍ ପାଇଁ ଆୟୁର୍ବେଦିକ ଔଷଧରେ ଅର୍ଜୁନ ଗଛର ଛାଲ ବ୍ୟବହାର କରାଯାଏ । ଏଥିରେ ଏପରି ଉପାଦାନ ଥାଏ ଯାହା ଶରୀରରେ ସୁଗାର ଲେବଲକୁ ନିୟନ୍ତ୍ରଣ କରିଥାଏ । ଅର୍ଜୁନ ଗଛର ଛାଲ ମେଟାବୋଲିଜିମ୍ ତ୍ୱରାନ୍ୱିତ କରିବାରେ ସାହାଯ୍ୟ କରେ । ସେଥିପାଇଁ ଡାଇବେଟିସ୍‌ ରୋଗୀମାନେ ଏହାକୁ ବ୍ୟବହାର କରିପାରିବେ ।

ଆର୍ଥ୍ରାଇଟିସରେ ଉପକାରୀ : ଅର୍ଜୁନ ଗଛର ଛାଲରେ ଅନେକ ଯୌଗିକ ଉପାଦାନ ମିଳିଥାଏ ଯାହା ଆଣ୍ଟି-ଇନ୍‌ଫ୍ଲାମେଟୋରୀ ପ୍ରଭାବ ଦେଖାଏ । ଏହି କାରଣରୁ ହାର୍ଟ ଆଟାକ୍‌, ଡାଇବେଟିସ୍‌ ଏବଂ ଆର୍ଥ୍ରାଇଟିସ୍ ଭଳି ରୋଗ ବୃଦ୍ଧି ପାଇଥାଏ । ଏପରି ପରିସ୍ଥିତିରେ ଅର୍ଜୁନ ଗଛର ଛାଲ ଶରୀରରେ ଫୁଲାକୁ କମ୍‌ କରିଥାଏ ଏବଂ ଗଣ୍ଠି ଯନ୍ତ୍ରଣାରୁ ମଧ୍ୟ ମୁକ୍ତି ଦେଇଥାଏ ।

ହାଇ ବ୍ଲଡ ପ୍ରେସରରେ ଲାଭଦାୟକ : ହାର୍ଟକୁ ହେଲଦି ରଖିବା ଏବଂ ବ୍ଲଡ ପ୍ରେସରକୁ ନିୟନ୍ତ୍ରଣ କରିବା ପାଇଁ ଅର୍ଜୁନ ଗଛର ଛାଲ ମଧ୍ୟ ବ୍ୟବହାର କରାଯାଏ । ଏଥିରେ ଫାଇଟୋକେମିକାଲ୍ସ, ବିଶେଷତଃ ଟେନିନ୍ ଥାଏ, ଯାହା କାର୍ଡିଓପ୍ରୋଟେକ୍ଟିଭ୍ ଇଫେକ୍ଟ ଦେଖାଏ । ଏହା ଧମନୀକୁ ପ୍ରଶସ୍ତ କରିବାରେ ସାହାଯ୍ୟ କରିଥାଏ ଏବଂ ବ୍ଲଡ ପ୍ରେସରକୁ କମ୍‌ କରିଥାଏ । ଏହା ବ୍ୟତୀତ ଅର୍ଜୁନ ଛାଲ ମଧ୍ୟ କୋଲେଷ୍ଟ୍ରଲ କମ୍‌ କରିବାରେ ସାହାଯ୍ୟ କରେ ।

ଲୁଜ୍‌ମୋସନ୍‌ ସମସ୍ୟାରୁ ମୁକ୍ତି ଦେଇଥାଏ : ପେଟ ସମ୍ଭନ୍ଧୀୟ ସମସ୍ୟା କିମ୍ବା ଡିଜେଣ୍ଟେରୀ କ୍ଷେତ୍ରରେ ଅର୍ଜୁନ ଗଛର ଛାଲ ବ୍ୟବହାର କରାଯାଇପାରେ । ହଜମ ଜନିତ ସମସ୍ୟାକୁ ଦୂର କରିବା ପାଇଁ ଅର୍ଜୁନ ଗଛର ଛାଲ ମଧ୍ୟ ବ୍ୟବହାର ହୋଇଥାଏ । ଏଥିରେ ଟେନିନ୍ ମିଳିଥାଏ ଯାହା ହଜମ ପ୍ରକ୍ରିୟାକୁ ଭଲ କରିଥାଏ ଏବଂ ଲୁଜ୍‌ମୋସନ୍‌ ସମସ୍ୟା ଥିଲେ ଭଲ କରିବା ପାଇଁ କାର୍ଯ୍ୟ କରିଥାଏ ।