ଚା’ ଶରୀରରେ ସ୍ଫୁର୍ତ୍ତି ପ୍ରଦାନ କରିଥାଏ । ଆମେ ଯଦି କେତେବେଳେ ମାନ୍ଦା କିମ୍ବା ଅଳସ ଅନୁଭବ କରୁ ପ୍ରଥମେ ଚା’ କପ୍ଟି କଥା ମନକୁ ଆସେ । ତେବେ ଜାଣନ୍ତି କି ବ୍ଲାକ୍ ଟି ଓ ଗ୍ରୀନ୍ ଟି ମଧ୍ୟରେ କେଉଁଟି ଶରୀର ପାଇଁ ଭଲ । ଆମେ ଯେତେବେଳେ କ୍ଲାନ୍ତ ଅନୁଭବ କରୁ ଗୋଟିଏ କପ୍ ଚା’ ଆମର ସ୍ଫୁର୍ତ୍ତି ବା ଶକ୍ତି ଦେଇଥାଏ ।
ଏହା ଏକ ମ୍ୟାଜିକ ଡ୍ରିଙ୍କ୍ ଭଳି କାମ କରିଥାଏ । ଆମର ଦୈନନ୍ଦୀନ ବ୍ୟବହାରରେ ବିଶେଷକରି ଦୁଇ ପ୍ରକାର ଚା’ ବ୍ୟବହାର ହୋଇଥାଏ । ଉଭୟ ଚା’ ଗଛର ଉପର ଅଂଶରୁ ତିଆରି ହୋଇଥାଏ । ତେବେ ଗ୍ରୀନ ଟି ଓ ବ୍ଲାକ୍ ଟି ଉଭୟ ସ୍ୱାସ୍ଥ୍ୟକର ହୋଇ ଥିଲେ ମଧ୍ୟ ଆସନ୍ତୁ ଜାଣିବା କେଉଁଟି ଅଧିକ ଭଲ ।
୧. ଗ୍ରୀନ୍ ଟି ର ପ୍ରସ୍ତୁତି : ଗ୍ରୀନ୍ ଟି ପ୍ରସ୍ତୁତ କରିବାକୁ ହେଲେ ପତ୍ରଗୁଡିକୁ ସଂଗ୍ରହ କରି ଶୁଖାଇବାକୁ ପଡେ । ତା’ପରେ ତାକୁ ପ୍ୟାନ୍ରେ ଫ୍ରାଏ କରି ଗରମ କରାଯାଏ କିମ୍ବା ତୋଳିବା ପରେ ବାମ୍ଫ ଦିଆଯାଏ । ଯାହାଦ୍ୱାରା ପତ୍ରଗୁଡିକୁ ଅକ୍ସିଡାଇଜଡ୍ ହେବାରୁ ରକ୍ଷା କରିଥାଏ ଏବଂ ଚା’ର ବାସ୍ନା ଓ ରଙ୍ଗ୍ ବଜାୟ ରହିଥାଏ ।
୨. ବ୍ଲାକ୍ ଟି ର ପ୍ରସ୍ତୁତି : ବ୍ଲାକ୍ ଟି ର ପତ୍ରକୁ ତୋଳିବା ପରେ ଏହାକୁ ଶୁଖାଯାଏ ଓ ତା’ପରେ ଏହାକୁ ମୋଡା ଯିବା ସହ ଖଣ୍ଡ କରାଯାଏ । ପରେ ଏହାକୁ ଅକ୍ସିଡାଇଜ୍ଡ୍ ହେବାକୁ ଛାଡି ଦିଆଯାଏ । ପରେ ପତ୍ରରେ ଥିବା ଏନ୍ଜାଇମ୍ ଅକ୍ସିଡେସନ୍ ହୋଇ ପତ୍ରଗୁଡିକ କଳା ଓ ଧୁଷର ରଙ୍ଗ ହୋଇଥାଏ । ଯାହା ଫଳରେ ଏହାର ବାସ୍ନା ବହୁତ କଡା ହୋଇଥାଏ । ତେଣୁ ଗ୍ରୀନ୍ ଟି ସମ୍ପୂର୍ଣ୍ଣ ପ୍ରାକୃତିକ ହୋଇଥିବା ବେଳେ ବ୍ଲାକ ଟି ଫରମେଣ୍ଟେଡ୍ ଓ ଅକ୍ସିଡାଇଜ୍ଡ୍ (ପ୍ରକ୍ରିୟାକରଣ) ହୋଇଥାଏ ।
୩. ଗ୍ରୀନ୍ ଟି ର ଲାଭ : ଗ୍ରୀନ୍ ଟି ଇଜିସିଜିରେ ଭରପୁର ରହିଥାଏ । ଏଥିରେ ଥିବା ଏଣ୍ଟି ଅକ୍ସିଡାଣ୍ଟ ହୃଦରୋଗ ବିରୋଧରେ ଲଢ଼ିଥାଏ । ଗ୍ରୀନ୍ ଟି ଶରୀରରୁ ଟକ୍ସିକ୍ ପଦାର୍ଥ ବାହାର କରିବା ସହ ଚର୍ମ ଉଜ୍ଜଳ କରିଥାଏ । ଏହା ବ୍ଲାକ ଟି ତୁଳନାରେ କମ୍ ଏସିଡିଟି ହୋଇଥାଏ ।
୪. ବ୍ଲାକ ଟିର ଲାଭ : ବ୍ଲାକ୍ ଟି ରେ ଥିବା ଏମିନୋ ଏସିଡ୍ ଏଲ୍ ଥିଆନାଇନ୍ ଶରୀରକୁ ସ୍ଫୁର୍ତ୍ତି ଦେବା ସହ ଏକାଗ୍ରତା ଆଣିଥାଏ । ହାର୍ଟର ସ୍ୱାସ୍ଥ୍ୟ ପାଇଁ ବ୍ଲାକ ଚା’ ଉପକାରୀ ହୋଇଥିଲେ ମଧ୍ୟ ଏହା ଏସିଡିଟି ସୃଷ୍ଟି କରିଥାଏ । ବ୍ଲାକ ଟିରେ ଥିବା ଥିଆଫ୍ଲାଭିନ୍ସ ହାର୍ଟ ଓ ବ୍ଲଡ୍ ଭେଷେଲ୍(ରକ୍ତ କୋଷ)କୁ ସୂରକ୍ଷା ଦେବା ସହ ବ୍ଲଡ ସୁଗାର ଓ କୋଲେଷ୍ଟରାଲ୍ ମାତ୍ରାକୁ କମାଇଥାଏ ।
୫. ବ୍ଲାକ୍ ଟି ଓ ଗ୍ରୀନ୍ ଟିରେ କାଫିନ୍ ମାତ୍ରା ଥାଏ : ହେଲେ ବ୍ଲାକ୍ ଟି ଅପେକ୍ଷା ଗ୍ରୀନ୍ ଟିରେ କମ୍ କାଫିନ୍ ଥାଏ । ଗୋଟିଏ କପ୍ ଗ୍ରୀନ୍ ଟି’ ରେ ୨୫ ପ୍ରତିଶତ କାଫିନ୍ ଥିବା ବେଳେ ଗୋଟିଏ କପ୍ କଫିରେ ୩୩ ପ୍ରତିଶତ କାଫିନ ଥାଏ । କାଫିନ୍ ଆମର ନର୍ଭସ୍ ସିଷ୍ଟମକୁ ଉତ୍ତେଜିତ କରୁଥିବା ଯୋଗୁ ଏହା ମୁଡ୍କୁ ରିଫ୍ରେସ କରିଥାଏ । ତେଣୁ ବ୍ଲାକ ଟି ର ମାତ୍ରାଧିକ ପ୍ରତିକ୍ରିୟା ଥାଏ । ଯେଉଁମାନେ କାଫିନ ଚାହାଁନ୍ତି ସେମାନଙ୍କ ପାଇଁ ବ୍ଲାକ ଟି ଭଲ । ଯଦି ଆପଣ ବେଶୀ କାଫିନ ଚାହାଁନ୍ତି ନାହିଁ ତେବେ ଗ୍ରୀନ୍ ଟି ନେଇପାରନ୍ତି ।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…