ଆପଣ ନିଶ୍ଚିତ ରୂପେ ଚାଉଳ ଖିରି, ସିମେଇ ଖିରି, ଗାଜର ଖିରି ଖାଇଥିବେ ଓ ଚାଖିଥିବେ । ଖାଲି ସେତିକି ନୁହେଁ ଏହା ବ୍ୟତୀତ ବି ଅନେକ ପ୍ରକାରର କ୍ଷୀରି ଖାଇଥିବେ । କିନ୍ତୁ କେବେ ଲାଉ ଖିରି ଚାଖିଛନ୍ତିକି । ତେବେ ନବରାତ୍ରି ଅବସରରେ ଆଜି ଘରେ ଲାଉ ଖିରି ପ୍ରସ୍ତୁତ କରନ୍ତୁ ଆଉ ନିଜେ ଖାଆନ୍ତୁ ଓ ଅନ୍ୟମାନଙ୍କୁ ଖୁଆନ୍ତୁ । ପ୍ରଥମେ ଲେଖି ରଖନ୍ତୁ । ଆଉ ଏହାର ଆଉ ଏକ ବିଶେଷତ୍ୱ ହେଉଛିକି ବ୍ରତ ଓପାସ ଦିନ ଆପଣ ଏହାକୁ ଖାଇପାରିବେ । ଏହାକୁ ଖାଇଲେ ଆପଣଙ୍କର ପେଟ ବି ଖରାପ ହେବ ନାହିଁ । ତେବେ ପ୍ରଥମେ ଲେଖି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ ।
ଗୋଟେ କପ ଲାଉ
୨କପ କ୍ଷୀର
ଅଧା କପ ଚିନି
ଅଧା ଚାମଚ ଗୁଜୁରାତି ଗୁଣ୍ଡ
ଗୋଟେ ଚାମଚ ଡ୍ରାଏ ଫ୍ରୁଟସ
ଗୋଟେ ଚାମଚ କିସମିସ
କ୍ଷୀରି କରିବା ଆରମ୍ଭ କରିବା ପୂର୍ବରୁ ପ୍ରଥମେ ଏକ ଭଲ, ଫ୍ରେସ ଲାଉ ବାଛି ଦିଅନ୍ତୁ । ଏହା ମଧ୍ୟମ ଆକାରର ହେବା ଆବଶ୍ୟକ । ଏବେ ଲାଉର ଚୋପା ଛଡ଼ାଇ କୋରି ଦିଅନ୍ତୁ । ଧ୍ୟାନରେ ରଖିବେ ଲାଉର କେବଳ ସବୁଜ ଅଂଶ ଟିକୁ ହିଁ କୋରିବେ । ଧଳା ଅଂଶର ବ୍ୟବହାର କଲେ କ୍ଷିରୀର ରଙ୍ଗ ହାଲୁକା ସବୁଜ ରଙ୍ଗ ହେବାର ଆଶଙ୍କା ରହିଛି । ଚାହିଁଲେ ଏହି ଧଳା ଅଂଶକୁ ନଷ୍ଟ ନକରି ଅନ୍ୟ କୌଣସି ତରକାରୀରେ ବ୍ୟବହାର କରିପାରିବେ । ଏବେ ଅନ୍ୟ ଏକ ପାତ୍ରକୁ ଚୁଲିରେ ବସେଇ କିଛି ଘିଅ ଦିଅନ୍ତୁ ଆଉ ସେଥିରେ କୋରା ଯାଇଥିବା ଲାଉକୁ ପକେଇ ଭାଜନ୍ତୁ । ଧ୍ୟାନରେ ରଖିବେ ଚିପୁଡ଼ିକି ପାଣି ବାହାର କରିବେ ନାହିଁ । ଚୁଲୀର ଆଞ୍ଚକୁ ମଧ୍ୟମ
ସ୍ଥିତିରେ ରଖି ପାଣି ମରିବା ପର୍ଯ୍ୟନ୍ତ ଛାଡ଼ି ଦିଅନ୍ତୁ । ଅଧିକ ମାଟିଆ ରଙ୍ଗ ଯେମିତି ନହୁଏ ଧ୍ୟାନ ଦେବେ । ଲାଉ ଭାଜି ହୋଇ ଆସିଲେ ଆଞ୍ଚ କମେଇ ସେଥିରେ କ୍ଷୀର ଦିଅନ୍ତୁ । କ୍ଷୀର ଭଲ ରୂପରେ ମରି ବହଳିଆ ହେବା ଯାଏଁ ଚୁଲିରେ ବସାନ୍ତୁ । ଏବେ ଏଥିରେ ଚିନି, କିସମିସ, ଗୁଜୁରାତି ଗୁଣ୍ଡ ଦିଅନ୍ତୁ । ଧୀରେ ଧୀରେ ଘାଣ୍ଟନ୍ତୁ । ପ୍ରସ୍ତୁତ ହୋଇଗଲା ପରେ କଡେଇକୁ ଓଲ୍ହାଇ ଦିଅନ୍ତୁ ଆଉ ଥଣ୍ଡା ହେବା ପର୍ଯ୍ୟନ୍ତ ଛାଡି ଦିଅନ୍ତୁ । ଏବେ ଖିରିକୁ ଅନ୍ୟ ଏକ ପାତ୍ରକୁ କାଢି ଦିଅନ୍ତୁ । ଏବେ ବିଭିନ୍ନ ପ୍ରକାର ଡ୍ରାଏ ୱାଟ୍ସ ଦେଇ ଖିରିକୁ ସଜାନ୍ତୁ ।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…