ବ୍ୟସ୍ତ ବହୁଳ ଜୀବନଚର୍ଯ୍ୟା ଓ ଅନିୟମିତ ଖାଦ୍ୟପେୟ କାରଣରୁ ସାଧାରଣ ଜୀବନଯାତ୍ରାରେ ରୋଗ ଏକ ମୁଖ୍ୟ ଭୂମିକା ନେବାକୁ ବସିଲାଣି । ଏହି ସମସ୍ୟା ତ ଆଜିକାଲି ଅତି ସାଧାରଣ ପାଲଟି ବାକୁ ବସିଲାଣି । କିନ୍ତୁ ବିଶେଷଜ୍ଞ ମାନଙ୍କ ଦ୍ୱାରା ସଦ୍ୟ କରାଯାଇଥିବା ଏକ ଗବେଷଣାରୁ ଜଣାଯାଇଛି ଯେ, ହାଇ ବ୍ଲଡ଼ ପ୍ରେସର ସମସ୍ୟା ଏକା ଏକା ଜୀବନ ବିତେଉ ଥିବା ମହିଳାଙ୍କ ଠାରେ ଅଧିକ ସଂଖ୍ୟାରେ ଦେଖାଦେଉଛି । ତେବେ ଆସନ୍ତୁ ଜାଣିବା ବିବାହ ଓ ହାଇବ୍ଲଡ଼ ପ୍ରେସର ମଧ୍ୟରେ ଥିବା ସମ୍ବନ୍ଧ ବିଷୟରେ । ନିକଟରେ କାନାଡ଼ାରେ ବସବାସ କରୁଥିବା ୪୫ ରୁ ୮୫ ବୟସ ମଧ୍ୟର ୨୮ ହଜାର ୨୩୮ ପୁରୁଷ-ମହିଳାଙ୍କୁ ନେଇ ଏକ ଅଧ୍ୟୟନ କରାଯାଇଥିଲା । ଏହି ଅଧ୍ୟୟନରୁ ଜଣାଯାଇଛିକି ଏକା ଏକା ଜୀବନ କାଟୁଥିବା ପ୍ରାୟ ୨୮ ପ୍ରତିଶତ ମହିଳା ଉଚ୍ଚ ରକ୍ତଚାପ ଶିକାର ହେଉଛନ୍ତି ।
ଯେଉଁ ମାନେ କୌଣସି କାରଣ ବଶତଃ ନିଜ ସ୍ୱାମୀଙ୍କ ଠାରୁ ଅଲଗା ହୋଇଯାଇଛନ୍ତି ବା ସେମାନଙ୍କ ସ୍ୱାମୀଙ୍କର ମୃତ୍ୟୁ ହୋଇଛି ସେମାନଙ୍କ ଠାରେ ଉଚ୍ଚ ରକ୍ତ ଚାପରେ ଶିକାର ହେବାର ସମ୍ଭାବନା ଅଧିକ ରହିଛି । ଏମିତିକି ବିଧବା ମହିଳାଙ୍କ ଠାରୁ ସ୍ୱାମୀ ଠାରୁ ଅଲଗା ହୋଇଥିବା ମହିଳାଙ୍କର ହାଇ ବିପି ଜନିତ ସମସ୍ୟା ୩୩ ପ୍ରତିଶତ ପର୍ଯ୍ୟନ୍ତ ଅଧିକ ରହୁଥିବାର ଲକ୍ଷ କରାଯାଇଛି । ଦିନର ଅଧିକାଂଶ ସମୟ ଏକା ବିତେଇବାକୁ ପଡୁଥିବାରୁ, ନିଜ ମନର କଥା କାହାକୁ କହି ପାରୁ ନଥିବାରୁ ହିଁ ଏଧରଣର ମହିଳା ମାନେ ଉଚ୍ଚ ରକ୍ତ ଚାପରେ ଅଧିକ ମାତ୍ରାରେ ପୀଡିତ ହୋଇଥାନ୍ତି । ବିଶେଷତଃ ଏହି କାରଣରୁ ହିଁ ଏମାନଙ୍କ ଠାରେ ହାଇ ପରଟେନସନ ହେବା ଆଶଙ୍କା ୧୫ ପ୍ରତିଶତ ପର୍ଯ୍ୟନ୍ତ ବଢିଯାଏ ।
ହାଇ ବିପିର ଲକ୍ଷଣ:
– ଅସ୍ତ ବ୍ୟସ୍ତ ଲାଗିବା
– ଜୋରରେ ମୁଣ୍ଡ ବିନ୍ଧିବା
– ଦୁର୍ବଳ ଲାଗିବା
ଏମିତିରେ ଉଚ୍ଚ ଓ ନିମ୍ନ ରକ୍ତଚାପ ଉଭୟ ଶରୀର ପାଇଁ କ୍ଷତିକାରକ । ମଣିଷ ଶରୀରର ସାଧାରଣ ରକ୍ତଚାପ 120/80 MMHG ହୋଇଥିବା ବେଳେ ଏହା ଠାରୁ ବେଶୀ କିମ୍ବା କମ ରହିଲେ ରକ୍ତଚାପରେ ଶିକାର ବୋଲି ଧରାଯାଏ ।
– ଏହା ଉପରେ ନିୟନ୍ତ୍ରଣ ରଖିବା ପାଇଁ ୫୦ ପ୍ରତିଶତ ଫଳ ତଥା କଞ୍ଚା ପନିପରିବା ଖାଇବା ଉଚିତ । ମାତ୍ରାଧିକ ଲୁଣ ଓ ତେଲ ଠାରୁ ବି ଦୁରେଇ ରହିବା ଉଚିତ ।
– ସକାଳୁ ଖାଲି ପେଟରେ ଲାଉ ରସ ପିଇବା ଦ୍ୱାରା ବ୍ଲଡ଼ ପ୍ରେସର କଣ୍ଟ୍ରୋଲରେ ରହିଥାଏ ।
-ଏହା ସହ ପ୍ରତିଦିନ ବ୍ୟାୟାମ ସହ ପ୍ରାଣାୟାମ କଲେ ମଧ୍ୟ ଶରୀର ରକ୍ତଚାପ ମୁକ୍ତ ହୋଇଥାଏ ।
-ପ୍ରତି ୬ ମାସରେ ଥରେ ନିଜ ରକ୍ତଚାପ ପରୀକ୍ଷା କରାଇ ନେବା ଉଚିତ ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…