photo: hindi.news24online
ଝାଡ଼ଖଣ୍ଡର ରାଜଧାନୀ ରାଞ୍ଚିରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ କୂଅରେ ପଡ଼ିଥିବା ବାଛୁରୀକୁ ଉଦ୍ଧାର କରିବାକୁ ଯାଇ ଚାଲିଯାଇଛି ୮ ଜଣଙ୍କ ଜୀବନ। ଏଥିରେ ଜଣେ ଆହତ ହୋଇଛନ୍ତି। ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଘଟଣାରେ ରାଜ୍ୟ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ ଗଭୀର ଦୁଃଖପ୍ରକାଶ କରିଛନ୍ତି।
ରାଞ୍ଚିଠାରୁ ପ୍ରାୟ ୭୦ କିମି ଦୂର ପିସ୍କା ଗାଁରେ ଏହି ଦୁର୍ଘଟଣା ଘଟିଛି। ଗ୍ରାମବାସୀଙ୍କ ମୁତାବକ, ଗୁରୁବାର ସନ୍ଧ୍ୟାରେ ଆନନ୍ଦ ମାନଝି ନାମକ ବ୍ୟକ୍ତିଙ୍କର ଏକ ବାଛୁରୀ କୂଅରେ ପଡ଼ିଯାଇଥିଲା। ତାକୁ ବଞ୍ଚାଇବା ପାଇଁ ଗାଁର ୭ ଜଣ ଲୋକ କୂଅ ଭିତରକୁ ଯାଇଥିଲେ।
ଉପରେ ଅନ୍ୟ ଜଣେ ବ୍ୟକ୍ତି ଛିଡ଼ା ହୋଇ ସେମାନଙ୍କୁ ସହାୟତା କରୁଥିଲେ। ହେଲେ ଏହି ସମୟରେ ହଠାତ୍ କୂଅର ମାଟି ଧସି ପଡ଼ିଥିଲା, ଯାହାଫଳରେ ଭିତରେ ଥିବା ଲୋକମାନେ ମାଟି ଗଦା ଭିତରେ ଚାପି ହୋଇଯାଇଥିଲେ।
ସ୍ଥାନୀୟ ଲୋକେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ମଧ୍ୟ ଅନ୍ଧାର ଥିବାରୁ ସଫଳ ହୋଇପାରି ନ ଥିଲେ। ପରେ ଏ ନେଇ ପ୍ରଶାସନକୁ ଖବର ଦିଆଯାଇଥିଲା। ବିଳମ୍ବିତ ରାତିରେ ଏନ୍ଡିଆର୍ଆଫ୍ ଟିମ୍ ଘଟଣାସ୍ଥଳରେ ପହଞ୍ଚି ଦୁଇଟି ମୃତଦେହକୁ ରାତିରେ ହିଁ ବାହାର କରିଥିଲା। ଶୁକ୍ରବାର ଅନ୍ୟ ୪ ମୃତଦେହକୁ ବାହାର କରାଯାଇଛି।
ପ୍ରଶାସନିକ ଅଧିକାରୀଙ୍କ ମୁତାବକ, କୂଅ ଭିତରେ ଅଧିକ ମାଟି ଜମା ହୋଇଥିବାରୁ ଉଦ୍ଧାର ଅଭିଯାନରେ ବିଳମ୍ବ ଘଟିଥିଲା।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…