ଖରାରେ ଆପଣ ଟିକେ ଚାଲିକି ଧଇଁସଇଁ ହୋଇପଡନ୍ତି । ଖରା ଦେଖି ଆପଣ ଯୁବାବସ୍ଥାରେ ମଧ୍ୟ ଥକ୍କି ପଡନ୍ତି ଟିକେ କାମ କରିବା ପାଇଁ । କିନ୍ତୁ ୬୦ ବର୍ଷୀୟ ବୃଦ୍ଧ ଖରାରେ ୧୭ ବର୍ଷ ଝିଅକୁ କାନ୍ଧରେ ବସାଇ ଚାଲିବା କେତେ ଯେ କଷ୍ଟକର ତାହା ଆପଣ ହୁଏତ ବୁଝିପାରୁଥିବେ । ସ୍ୱାଧୀନ ଭାରତର ଏପରି ଏକ ଦୃଶ୍ୟ, ଯାହା ଏବେ ଆମ ମନକୁ ବିଚଳିତ କରୁଛି । ସମଗ୍ର ବିଶ୍ୱ କରୋନା ମହାମାରୀ ସହିତ ଲଢୁଥିବା ବେଳେ ୩ ମଇ ପର୍ଯ୍ୟନ୍ତ ଭାରତରେ ଲକଡାଉନ ଚାଲିଛି । ସବୁକିଛି ବନ୍ଦ, ସଡକରେ ଗାଡି ଠାରୁ ଆରମ୍ଭ କରି ଦୋକାନ ବଜାର ସବୁକିଛି ଠପ୍ ହୋଇପଡିଛି । ଏମିତିରେ ଜଣେ ବାପା ନିଜର ୧୭ ବର୍ଷର ଝିଅକୁ କାନ୍ଧରେ ବସାଇ ଚାଲିଛି । ଆଉ କେଉଁଠିକୁ ନୁହେଁ ବରଂ ଚିକିତ୍ସା ପାଇଁ ଡାକ୍ତରଖାନାକୁ । ରୋଗାଗ୍ରସ୍ତ ଝିଅକୁ ଚିକତ୍ସା ପାଇଁ ବାପା କାନ୍ଧରେ ବସାଇ ୨୬ କିମି ବାଟ ଚାଲି ଚାଲି ହସପିଟାଲରେ ପହଞ୍ଚିଛନ୍ତି ।
ମୁମ୍ବାଇର ଗୋଭଣ୍ଡିର ଝୁଗି ବସ୍ତିରେ ରହୁଥିବା ମୋହମଦ ରଫି ରୋଷେୟା ଭାବେ କାମ କରନ୍ତି । କିନ୍ତୁ ଲକଡାଉନ ଚାଲିଥିବା ଯୋଗୁଁ ତାଙ୍କର ଏହି କାମ ମଧ୍ୟ ବନ୍ଦ ରହିଛି । ଗତକାଲି ଝିଅର ପେଟରେ ଭୟଙ୍କର ଯନ୍ତ୍ରଣା ହେବାରୁ ସେ ବିଝଣାରୁ ଉଠିପାରିନଥିଲା । ଯନ୍ତ୍ରଣାରେ ଝଟପଟ ହେଉଥିବା ଝିଅକୁ ଦେଖି ବାପା ମଧ୍ୟ ସମ୍ଭାଳି ରହିପାରିଥିଲେ । ଲକଡାଉନ ଯୋଗୁଁ ଡାକ୍ତରଖାନା ଆସିବାକୁ କୌଣସି ଗାଡି ନଥିଲା କି ନିଜେ ଗାଡି ଭଡା କରି ଆସିବାକୁ ଅର୍ଥ ନଥିଲା । କାମ ଧନ୍ଦା ବନ୍ଦ, ଖାଇବା ପାଇଁ ବହୁତ କଷ୍ଟ କରିବାକୁ ପଡୁଥିବା ବେଳେ ଗାଡି କିପରି କରିପାରିଥାନ୍ତେ । ତେଣୁ ମୋହମଦ ବାଧ୍ୟ ହୋଇ ନିଜର ବୟସ୍କ କାନ୍ଧରେ ୧୭ ବର୍ଷର ଝିଅକୁ ବସାଇ ୨୬ କିମି ଚାଲିଚାଲି ହସପିଟାଲରେ ପହଞ୍ଚିଥିଲେ ।
ଦୀର୍ଘ ୨୬ କିଲୋମିଟର ଚାଲିବା ପରେ ମୋହମଦ ତାଙ୍କ ଝିଅକୁ କେଇଏମ ହସପିଟାଲରେ ଭର୍ତ୍ତି କରିଥିଲେ । ରୋଗିଣା ଝିଅକୁ ହସପିଟାଲରେ ପହଞ୍ଚାଇ ବେଳକୁ ବାପାର ଅବସ୍ଥା ମଧ୍ୟ ଖରାପ ହୋଇସାରିଥିଲା । କେବଳ ଏହି ହସପିଟାଲରେ ମାଗଣା ଚିକିତ୍ସା କରିବେ ବୋଲି ୨୬ କିମି ବାଟ ଚାଲିଆସିଥିଲେ ମୋହମଦ । ପୁଣି ହସପିଟାଲରେ ଫେରିବା ମଧ୍ୟ ୨୬ କିମି ବାଟ ଚାଲିଚାଲି ଘରକୁ ଫେରିଥିଲେ ମୋହମଦ ।
କରୋନା ଯୋଗୁଁ ସମଗ୍ର ଦେଶ ଲକଡାଉନ ଥିବା ବେଳେ ଏମିତି ବହୁତ ଲୋକ ହଇରାଣ ହେଉଛନ୍ତି । କିନ୍ତୁ ଏହି ମହାମାରୀ ସହିତ ଲଢିବା ପାଇଁ ସରକାର ଏପରି କରିଛିନ୍ତି ।
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…