ଦେଶରେ ପୁଣିଥରେ କାୟା ବିସ୍ତାର କରିବା ଆରମ୍ଭ କଲାଣି କରୋନା ଭାଇରସ୍ । ମହାରାଷ୍ଟ୍ରରେ ନୂତନ କୋଭିଡ୍-୧୯ ଓମିକ୍ରନ୍ ସବ୍ଭାରିଆଣ୍ଟ ‘KP.2’ର ୯୧ଟି ମାମଲା ଚିହ୍ନଟ କରାଯାଇଛି । ଏହା JN.1 ଭାରିଆଣ୍ଟଠାରୁ ମଧ୍ୟ ଅଧିକ ପ୍ରଭାବଶାଳୀ ବାହାରିଛି, ଯାହାକି ବର୍ତ୍ତମାନ ଅନେକ ଦେଶରେ ସଂକ୍ରମଣ ବିସ୍ତାର କରୁଛି ।
ପୁଣେରେ ୫୧ଟି ମାମଲା ଚିହ୍ନଟ ହୋଇଥିବା ବେଳେ ଠାଣେରେ KP.2 ସବଭାରିଆଣ୍ଟର ୨୦ଟି ମାମଲା ରେକର୍ଡ କରାଯାଇଛି । ଏହି ନୂତନ ଷ୍ଟ୍ରେନ୍କୁ ପ୍ରଥମ ଥର ଜାନୁୟାରୀରେ ଚିହ୍ନଟ କରାଯାଇଥିଲା । ବର୍ତ୍ତମାନ ଆମେରିକାରେ ଏହା ପ୍ରମୁଖ ସଂକ୍ରାମକ ରହିଛି ।
ପୁଣେ ଏବଂ ଠାଣେ ବ୍ୟତୀତ ଅମରାବତୀ ଏବଂ ଔରଙ୍ଗାବାଦରେ ସାତୋଟି ଲେଖାଏ ମାମଲା ଚିହ୍ନଟ କରାଯାଇଛି । ଏଥିସହ ସୋଲାପୁରରେ ଦୁଇଟି ମାମଲା ଥିବାବେଳେ ଅହମ୍ମଦନଗର, ନାସିକ, ଲାତୁର ଏବଂ ସାଙ୍ଗଲିରେ KP.2 ଭାରିଆଣ୍ଟର ଗୋଟିଏ ଲେଖାଏ ମାମଲା ସାମ୍ନାକୁ ଆସିଛି । ତେବେ ମୁମ୍ବାଇରୁ କୌଣସି ମାମଲା ରେକର୍ଡ ହୋଇନାହିଁ।
କହି ରଖୁଛୁ ଯେ ମହାରାଷ୍ଟ୍ର ଜାନୁୟାରୀରେ KP.2 ମାମଲା ପ୍ରଥମେ ଚିହ୍ନଟ କରିଥିଲା । ମାର୍ଚ୍ଚ ଏବଂ ଏପ୍ରିଲ ସୁଦ୍ଧା ଏହା ରାଜ୍ୟରେ ଏକ ପ୍ରମୁଖ ଚିନ୍ତାର କାରଣ ହୋଇଯାଇଥିଲା । ରାଜ୍ୟର ଜିନୋମ୍ ଅନୁକ୍ରମଣ ସିକ୍ୱେନ୍ସିଂ ସଂଯୋଜକ ଡାକ୍ତର ରାଜେଶ କାର୍ଯ୍ୟକାର୍ଟେ କହିଛନ୍ତି କି, ଯଦିଓ ହସ୍ପିଟାଲରେ ଭର୍ତ୍ତି ହେବା କିମ୍ବା ଗୁରୁତର ମାମଲାରେ କୌଣସି ଆନୁପାତିକ ବୃଦ୍ଧି ହୋଇନାହିଁ ।
KP.2, JN.1ଠାରୁ ବାହାରିଛି । KP.2 ହେଉଛି JN.1ର ବଂଶଜ, ଯାହା ୨୦୨୩ ଶେଷ ସୁଦ୍ଧା ପ୍ରମୁଖ କୋଭିଡ୍ ଷ୍ଟ୍ରେନ୍ ଥିଲା । ମାର୍ଚ୍ଚରେ ମହାରାଷ୍ଟ୍ରରେ ସାମାନ୍ୟ ବୃଦ୍ଧି ଦେଖିବାକୁ ମିଳିଥିଲା । ପାଖାପାଖି ୨୫୦ଟି ମାମଲା ଚିହ୍ନଟ ହୋଇଥିଲା, ଯାହାକି ସମ୍ଭବତଃ KP.2 ଭାରିଆଣ୍ଟ ବିସ୍ତାର ପାଇଁ ଦାୟୀ ।
ସେପଟେ ଆମେରିକାରେ ମଧ୍ୟ କରୋନାର ନୂଆ ଭାରିଆଣ୍ଟ FLiRT ଦ୍ରୁତ ଗତିରେ ବ୍ୟାପିବାରେ ଲାଗିଛି । ଏହି ନୂଆ ଭାଇରସ୍ ବ୍ୟାପିବା ଦ୍ୱାରା ପୁଣି ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି ।
ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…
ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…
ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…