photo: indiatv
ମହାରାଷ୍ଟ୍ରର ନାନ୍ଦେଡରେ ଜଣେ ମୁସଲମାନ ମହିଳାଙ୍କ ସହ ପ୍ରେମ ସମ୍ପର୍କ ଯୋଗୁ ଜଣେ ହିନ୍ଦୁ ଯୁବକଙ୍କୁ ପିଟି ପିଟି ମାରି ଦିଆଯାଇଛି। ତାଙ୍କ ବାଡ଼ି ଓ ଠେଙ୍ଗାରେ ପିଟି ହତ୍ୟା କରାଯାଇଛି। ମୃତକଙ୍କ ନାମ ସ୍ୱପ୍ନିଲ ନାଗେଶ୍ୱର ବୋଲି କୁହାଯାଉଛି। ତେବେ ଏହି ପୂରା ମାରପିଟର ଘଟଣା ସେଠାରେ ଲାଗିଥିଲା ସିସିଟିଭି କ୍ୟାମେରାରେ କଏଦ ହୋଇଥିଲା, ଯାହା ଆଧାରରେ ପୋଲିସ ଯୁବକଙ୍କୁ ହତ୍ୟା ଅଭିଯୋଗରେ ୭ ଜଣଙ୍କୁ ଗିରଫ କରିଛି। କିନ୍ତୁ ଏହି ହତ୍ୟା ଘଟଣାରେ ସମ୍ପୃକ୍ତ କିଛି ଲୋକ ଏବେ ବି ଫେରାର ଅଛନ୍ତି।
ପୋଲିସ ସୂଚନା ମୁତାବକ, ସ୍ୱପ୍ନିଲଙ୍କ ପଡ଼ିଶାରେ ରହୁଥିବା ଜଣେ ମୁସଲମାନ ମହିଳାଙ୍କ ସହ ତାଙ୍କର ପ୍ରେମ ସମ୍ପର୍କ ଥିଲା। ଉଭୟ ସ୍ୱପ୍ନିଲ ଓ ତାଙ୍କ ପ୍ରେମିକା ପୂର୍ବରୁ ହିଁ ବିବାହିତ ଥିଲେ। ସେମାନଙ୍କର ଏହି ସମ୍ପର୍କକୁ ଅନେକ ଲୋକ ବିରୋଧ କରୁଥିଲେ। ଘଟଣା ୨୧ ନଭେମ୍ବରର ବୋଲି କୁହାଯାଉଛି।
ସିସିଟିଭିରେ କଏଦ ହୋଇଥିବା ଘଟଣା ମୁତାବକ, ଜଣେ ବ୍ୟକ୍ତି ବୁର୍କାରେ ବସିଥିବା ମହିଳାଙ୍କୁ ଚାପୁଡ଼ା ମାରୁଥିବାର ଦେଖାଯାଉଛି। ଏହାପରେ ମହିଳାଙ୍କ ପ୍ରେମିକଙ୍କୁ ଅଭିଯୁକ୍ତମାନେ ବାଡ଼ି ଓ ଠେଙ୍ଗାରେ ଖୁବ୍ ପିଟୁଛନ୍ତି ଏବଂ ଶେଷରେ ତାଙ୍କୁ ପିଟି ପିଟି ମାରି ବି ଦେଉଛନ୍ତି। ତେବେ ଏହି ଅଭିଯୁକ୍ତମାନଙ୍କ ମଧ୍ୟରୁ କେହି ନା ମହିଳାଙ୍କୁ ଜାଣିଛନ୍ତି ନା ତାଙ୍କର କେହି ପରିବାର ସଦସ୍ୟ। ସେମାନେ ମହିଳାଙ୍କ ସାମ୍ନାରେ ତାଙ୍କ ପ୍ରେମିକଙ୍କୁ ପିଟି ପିଟି ଲହୁଲୁହାଣ କରି ପକାଇଥିଲେ। ଘଟଣା ପରେ ପୀଡ଼ିତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯାହାପରେ ଚିକିତ୍ସା ସମୟରେ ତାଙ୍କର ମୃତ୍ୟୁ ଘଟିଥିଲା।
ନାନ୍ଦେଡ ପୋଲିସ କହିଛି କି, ମହିଳାଙ୍କ ସହିତ ଅନୈତିକ ସମ୍ବନ୍ଧ ଯୋଗୁ ଅଭିଯୁକ୍ତମାନେ ଏକ ପାର୍କରୁ ସ୍ୱପ୍ନିଲଙ୍କୁ ଉଠାଇ ଆଣିଥିଲେ। ଏହାପରେ ତାଙ୍କ ସହିତ ମାରପିଟ କରିଥିଲେ, ଯାହାଫଳରେ ତାଙ୍କର ମୃତ୍ୟୁ ଘଟିଥିଲା। ପୋଲିସ ମୁତାବକ, ସ୍ୱପ୍ନିଲଙ୍କ ବାପାଙ୍କ ପକ୍ଷରୁ ଏ ନେଇ ଅଭିଯୋଗ କରାଯାଇଛି, ଯାହାକୁ ଭିତ୍ତି କରି ପୋଲିସ ମାମଲା ରୁଜୁ କରିବା ସହ ସିସିଟିଭି ଆଧାରରେ ୭ ଅଭିଯୁକ୍ତଙ୍କୁ ଗିରଫ କରିଛି।
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…
ଭୁବନେଶ୍ୱର(କେନ୍ୟୁଜ୍): କ୍ରୀଡ଼ା ଓ ଯୁବସେବା ମାନ୍ୟବର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଆଜି କଳିଙ୍ଗ ଷ୍ଟାଡିୟମ ଗସ୍ତ କରି ରାଜ୍ୟର…
ନୂଆପଡା (କେନ୍ୟୁଜ) : ଭୋଜି ଖାଇ ସାଙ୍ଗ ହୋଇ ଫେରୁଥିଲେ ଏହି ୪ ଜଣ ସାଙ୍ଗ । ଏମାନେ ୪…
ଭୁବନେଶ୍ୱର(କେନ୍ୟୁଜ୍): ଜୁନ୍ ୧୭ ତାରିଖରେ ଭାରତ ସମେତ ବିଶ୍ୱର ୨୦୦ଟି ଦେଶର ୨୫ହଜାର ସ୍ଥାନରେ ୧୧ଶ ଅନ୍ତର୍ଜାତୀୟ ‘ଆର୍ଟ ଅଫ୍…
ଚାନ୍ଦବାଲି (କେନ୍ୟୁଜ): ଏ ଶରୀର କ୍ଷଣସ୍ଥାୟୀ । ସତରେ ଏ ଶରୀର କିଛି ନୁହେଁ ଆଜି ଭଲ ଅଛି ତ…