ଗୋଟିଏ ରାଷ୍ଟ୍ର, ଗୋଟିଏ ଆଇନ ଓ ଗୋଟିଏ ଲକ୍ଷ୍ୟ। ସମ୍ବିଧାନର ଧାରା ୩୭୦ ଉଚ୍ଛେଦ ସହ ଜମ୍ମୁ କଶ୍ମୀରରେ ପ୍ରଚଳିତ ଥିବା ଅନେକ ବ୍ୟବସ୍ଥା ବଦଳି ଯାଇଛି। ଏବେ ଆସନ୍ତୁ ନଜର ପକାଇବା ପୂର୍ବରୁ କ’ଣ ଥିଲା ଓ ଏବେ କ’ଣ ହେଲା।
ଆର୍ଟିକିଲ୍ ୩୭୦ ଉଚ୍ଛେଦ ସହ ଜମ୍ମୁ କଶ୍ମୀରରେ କବର ନେଇଛି ନିଜସ୍ୱ ସମ୍ବିଧାନ। ଦେଶରେ ଏକମାତ୍ର ରାଜ୍ୟ ଭାବେ ଜମ୍ମୁ କଶ୍ମୀରରେ ପ୍ରଚଳିତ ଥିଲା ନିଜସ୍ୱ ସମ୍ବିଧାନ। ଏବେ ଇତିହାସ ପୃଷ୍ଠାରେ ଏହା ଲିପିବଦ୍ଧ। ସେଠାରେ ଦେଶରେ ପ୍ରଚଳିତ ସମସ୍ତ ଆଇନ କାନୁନ ଲାଗୁ ହେବ।
ସମ୍ବିଧାନ ଧାରା ୩୭୦ ଅନୁସାରେ ଜମ୍ମୁ କଶ୍ମୀରକୁ ମିଳୁଥିଲା ସ୍ୱତନ୍ତ୍ର ରାଜ୍ୟ ମାନ୍ୟତା। ଏବେ କେନ୍ଦ୍ର ଶାସିତ ଅଞ୍ଚଳ ହେବ । କେବଳ ରାଷ୍ଟ୍ରପତି ଶାସନ ପ୍ରାବଧାନ ଲାଗୁ ହେବ।
ଜମ୍ମୁ କଶ୍ମୀରର ନିଜର ସ୍ୱତନ୍ତ୍ର ପତାକା ଥିଲା। ଭାରତର ଜାତୀୟ ପତାକାକୁ ସମ୍ମାନ ଜଣାଇବା ବାଧ୍ୟତାମୂଳକ ନଥିଲା। ଏବେ ସାରା ଦେଶରେ ଗୋଟିଏ ଜାତୀୟ ପତାକା ପ୍ରଚଳନ। ରାଷ୍ଟ୍ରୀୟ ପ୍ରତୀକ ଓ ତ୍ରିରଙ୍ଗାର ଅପମାନ ଅପରାଧ ଶ୍ରେଣୀଭୁକ୍ତ ହେବ।
ପୂର୍ବରୁ ଜମ୍ମୁ କଶ୍ମୀର ସରକାରଙ୍କ କାର୍ଯ୍ୟକାଳ ପୂର୍ବରୁ ଥିଲା ୬ବର୍ଷ। ବର୍ତ୍ତମାନ ଅନ୍ୟ ରାଜ୍ୟ ଭଳି ଏଠାରେ ମଧ୍ୟ ନିର୍ବାଚିତ ସରକାରଙ୍କ କାର୍ଯ୍ୟକାଳ ୫ବର୍ଷ ରହିବ। ବିଧାନସଭାର ୬ବର୍ଷ କାର୍ଯ୍ୟକାଳ ଧାରା ୩୭୦ର ପରିସମାପ୍ତି ସହ ଅନ୍ତ ହୋଇଛି।
ଜମ୍ମୁ କଶ୍ମୀର ବାସିନ୍ଦାଙ୍କ ପାଖରେ ଥିଲା ଉଭୟ ଭାରତ ଓ ନିଜ ରାଜ୍ୟର ନାଗରିକତା ଅଧିକାର। ଏବେ କେବଳ ଦେଶର ନାଗରିକତା ରହିବ। ୩୭୦ ଉଚ୍ଛେଦ ସହ ଆପେ ଆପେ ଶେଷ ହୋଇଗଲା ପ୍ରଚଳିତ ଦ୍ୱୈତ ନାଗରିକତା ବ୍ୟବସ୍ଥା।
ପୂର୍ବରୁ ଅନ୍ୟ ରାଜ୍ୟରେ ବିବାହ କଲେ ଜମ୍ମୁ କଶ୍ମୀର ନାଗରିକତା ହରାଉଥିଲେ କଶ୍ମୀର ଝିଅ। ବର୍ତ୍ତମାନ ଏହି ବ୍ୟବସ୍ଥା ଉଠିଗଲା। ସେହିପରି କଶ୍ମୀର ଝିଅ ପାକିସ୍ତାନ ପୁଅକୁ ବିବାହ କଲେ ତାଙ୍କ ସ୍ୱାମୀକୁ ମିଳୁଥିଲା ଜମ୍ମୁ କଶ୍ମୀର ନାଗରିକତା। ଏବେ ନାଗରିକତା ନେବାକୁ ହେଲେ ପାକିସ୍ତାନ ଯୁବକଙ୍କୁ ଦେଶରେ ପ୍ରଚଳିତ ବିଧି ବ୍ୟବସ୍ଥାକୁ ମାନିବାକୁ ହେବ।
ଜମ୍ମୁ କଶ୍ମୀରରେ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ମାନିବା ଅନିବାର୍ଯ୍ୟ ନଥିଲା। ଏବେ ଜମ୍ମୁ କାଶ୍ମୀର ଓ ଲଦାଖ ଉଚ୍ଚତମ ନ୍ୟାୟଳୟଙ୍କ ନିର୍ଦ୍ଦେଶ ମାନିବାକୁ ବାଧ୍ୟ।
ଆର୍ଟିକିଲ୍ ୩୫A ଅନୁସାରେ ଜମ୍ମୁ କଶ୍ମୀରରେ କେହି ଭାରତୀୟ ଜାଗା କିଣି ପାରୁ ନଥିଲେ। ସ୍ଥାୟୀ ଭାବରେ ରହି ପାରୁ ନଥିଲେ। ଏବେ ଯେକେହି ଚାହିଁଲେ ଜାଗା କିଣିପାରିବେ ଜମ୍ମୁ କଶ୍ମୀରରେ। ସ୍ଥାୟୀ ବାସିନ୍ଦା ହୋଇପାରିବେ।
କଶ୍ମୀରରେ ସଂଖ୍ୟାଲଘୁ ହିନ୍ଦୁ ଓ ଶିଖଙ୍କୁ ୧୬ ପ୍ରତିଶତ ସଂରକ୍ଷଣ ମିଳୁ ନଥିଲା। ଏବେ ଲାଗୁ ହେବ ସଂରକ୍ଷଣ ବ୍ୟବସ୍ଥା। ସେହିପରି ୩୭୦ ଉଚ୍ଛେଦ ସହ ଲାଗୁ ହୋଇଛି ରାଇଟ ଟୁ ଏଜୁକେସନ୍। ସିଏଜି ବି ଲାଗୁ ହେଲା।
ଆମିର ଖାନଙ୍କ ଫିଲ୍ମ ‘ଦଙ୍ଗଲ’ରେ ଗୀତ ଫୋଗାଟଙ୍କ ପିଲାବେଳେର ଭୂମିକାରେ ନଜର ଆସିଥିବା ଜାୟରା ଓ୍ଵାସିମଙ୍କ ପିତାଙ୍କ ପରଲୋକ ।…
ଭୁବନେଶ୍ୱର (କେନ୍ୟୁଜ): ସିଏମଓରେ କାର୍ଯ୍ୟରତ ଅଫିସରଙ୍କ ବିରୋଧରେ ନିର୍ବାଚନ କମିଶନଙ୍କ କାର୍ଯ୍ୟାନୁଷ୍ଠାନ ଦୁର୍ଭାଗ୍ୟଜନକ । ଓଡ଼ିଶାରେ ଯଦି ନକ୍ସଲବାଦ କମିଛି…
ଦୁନିଆର ସବୁଠାରୁ ଉଚ୍ଚ ବିଲିଡିଂ ତଥା ଦୁବାଇରେ ଥିବା ବୁର୍ଜ ଖଲିଫାରେ ଝଲସିଲା ଆଇପିଏଲ ୨୦୨୪ ଟ୍ରଫି । ବୁର୍ଜ…
Motorola Moto G85 ଖୁବ୍ ଶୀଘ୍ର ଭାରତରେ ଲଞ୍ଚ ହେବାକୁ ଯାଉଛି ଏବଂ ସ୍ମାର୍ଟଫୋନର ରେଣ୍ଡରଗୁଡିକ ସାମ୍ନାକୁ ଆସିଛି ।…
ଭୁବନେଶ୍ବର (କେନ୍ୟୁଜ): ଭୁବନେଶ୍ବରରୁ ସିଧାସଳଖ କୁଆଲାଲମ୍ପୁରକୁ ଉଡ଼ିଲା ବିମାନ। ଗତକାଲି ରାତିରୁ ବିମାନ ସେବା ଆରମ୍ଭ ହୋଇଛି । ଏୟାର…
ମହାକାଳପଡ଼ା (କେନ୍ୟୁଜ): ଗାତରେ ଫସିଗଲା ବଉଳା କୁମ୍ଭୀର । ନିର୍ମାଣାଧୀନ ସେତୁର ଗର୍ତ୍ତରେ ଫସି ଯାଇଛି କୁମ୍ଭୀର । କେନ୍ଦ୍ରାପଡା…