ଶନିବାର ସଡକ ଦୁର୍ଘଟଣାରେ ଆହତ ଅଭିନେତ୍ରୀ ଶବାନା ଆଜମୀଙ୍କ ଡ୍ରାଇଭର ବିରୁଦ୍ଧରେ ମାମଲା ରୁଜୁ କରାଯାଇଛି । ତେବେ ଏହି ଅଭିଯୋଗ ସେହି ଟ୍ରକ ଡ୍ରାଇଭର ତରଫରୁ କରାଯାଇଛି ଯାହା ସହ ଶୱାନାଙ୍କ କାରର ଧକ୍କା ହୋଇଥିଲା । ଅଭିଯୋଗ ଅନୁଯାୟୀ ଅଭିନେତ୍ରୀଙ୍କ ଡ୍ରାଇଭର ବହୁତ ଦ୍ରୁତ ଗତିରେ ଗାଡି ଚଳାଉଥିଲେ ।
ସୂଚନା ଅନୁଯାୟୀ ଶବାନା ଆଜମୀଙ୍କ ଡ୍ରାଇଭର ଅମଲେଶ କାମତଙ୍କ ବିରୋଧରେ ମହାରାଷ୍ଟ୍ରର ଖାଲପୁରରେ ମାମଲା ରୁଜୁ କରାଯାଇଥିଲା । ଟ୍ରକ ଡ୍ରାଇଭର ଜଣକ ନିଜ ଅଭିଯୋଗରେ କହିଥିଲେ ଯେ ଶବାନା ଆଜମୀଙ୍କ ଡ୍ରାଇଭର ବହୁତ ଦ୍ରୁତ ଗତିରେ ଗାଡି ଚଳାଉଥିଲେ ଓ ପୁନେ ମୁମ୍ବାଇ ଏକ୍ସପ୍ରେସୱେରେ କାରଟି ଟ୍ରକକୁ ଧକ୍କା ଦେଇଥିଲା ।
ରାୟଗଡ଼ର ପୋଲିସ ଅଧୀକ୍ଷକଙ୍କ କହିବା ଅନୁଯାୟୀ ଦୁର୍ଘଟଣାଟି ମୁମ୍ବଈରୁ ପ୍ରାୟ ୬୦ କିଲୋମିଟର ଦୂର ଖାଲପୁର ନିକଟରେ ହୋଇଥିଲା । ଦିନ ପ୍ରାୟ ସାଢେ ତିନିଟା ସମୟରେ ଶବାନାଙ୍କ କାର ଏକ ଟ୍ରକକୁ ଧକ୍କା ଦେଇଥିଲା ଏବଂ ଏହା ଏତେ ଜୋରରେ ମାଡ଼ ହୋଇଥିଲା ଯେ କାରର ଆଗ ଅଂଶ ସମ୍ପୂର୍ଣ୍ଣ ଭାବେ ଚୁନା ହୋଇଯାଇଥିଲା । ଏହା ସହିତ ଟ୍ରକର ପଛ ଭାଗ ମଧ୍ୟ ଅଧିକ ମାତ୍ରାରେ କ୍ଷତିଗ୍ରସ୍ତ ହୋଇଥିଲା ।
ଏହି ଦୁର୍ଘଟଣାରେ ଶବାନା ଆଜମୀ ଏବଂ ତାଙ୍କ ଡ୍ରାଇଭର ଗମ୍ଭୀର ଭାବେ ଆହତ ହୋଇଥିଲେ । ଶବାନାଙ୍କ ନାକ ଓ ମୁଣ୍ଡରେ ଗଭୀର ଆଘାତ ଲାଗିଥିଲା । ତେବେ ପ୍ରଥମେ ତାଙ୍କୁ ନାଭି ମୁମ୍ବାଇ ଏମଜିଏମ ହସ୍ପିଟାଲରେ ଭର୍ତ୍ତି କରାଯାଇଥିଲା ଯେଉଁଠାରେ ତାଙ୍କର ଚିକିତ୍ସା ଚାଲିଥିଲା କିନ୍ତୁ ପରେ ତାଙ୍କୁ ମୁମ୍ବାଇର ଧିରୁଭାଇ ଅମ୍ବାନୀ ହସ୍ପିଟାଲରେ ଭର୍ତ୍ତି କରାଯାଇଛି ।
କୋଣାର୍କ (କେନ୍ୟୁଜ): ନଡ଼ିଆ ଗଛ ପଡି ଗଲା ଜୀବନ । ୨ ମୃତ, ଜଣେ ଗୁରୁତର । ଗୋପ ସରଡ଼ା…
ଭୁବନେଶ୍ୱର (କେନ୍ୟୁଜ): ରାଜଧାନୀରେ ଯୁବକଙ୍କୁ ହତ୍ୟା । ଭୁବନେଶ୍ୱର ନାକା ଗେଟ୍ ନିକଟରୁ ଯୁବକଙ୍କ ମୃତଦେହ ଜବତ ହୋଇଛି । …
ବଲିଉଡ ଅଭିନେତ୍ରୀ ରବିନା ଟଣ୍ଡନଙ୍କ ଉପରେ ଅଭିଯୋଗ । ରବିନା ଜଣେ ବୟସ୍କା ମହିଳା ଏବଂ ତାଙ୍କ ପରିବାର ସହିତ…
ମେଣ୍ଟାଲ ହେଲଥ୍ ଏବଂ ଇମୋସନ୍ ପାଇଁ ବ୍ରେକଅପ୍ ଭଲ ହୋଇନଥାଏ । ଏହା ଅନେକ ଲୋକଙ୍କ ପାଇଁ ଜୀବନର ସବୁଠାରୁ…
ଆମ୍ବର ଦାମ ଅଢେଇ ଲକ୍ଷ ଟଙ୍କା । ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସମ୍ପୂର୍ଣ୍ଣ ସତ । ଏକ…
କୋଚିନ ସିପୟାର୍ଡ ଲିମିଟେଡ ତରଫରୁ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏହା ଅନୁଯାୟୀ ୩୦ରୁ ଅଧିକ ପଦବୀରେ…